“Aramwa n Nein Moomon,” Karaki man Ana Boki Moomon (2023)
Aramwa n Nein Moomon
Te riki bwa ana aomata te Atua
Aramwa bon ana ibonga ngkoa te uea ae Nooa. Aramwa e kataia ni kamaiua Abinataai, ana burabeti te Atua, man kamateana iroun Nooa. Ma Nooa e un iroun Aramwa ao e tangiria n kamatea naba Aramwa. E birinako Aramwa ni kamanoa mairoun Nooa. N te bong teuana, Aramwa e karaba irarikin te tabo ae aranaki bwa Nein Momoon.
Aramwa e kakoauai ana reirei Abinataai ibukin Iesu Kristo. E bubutia te Atua bwa ena kabwarai ana bure ma kairuana.
Aramwa e karaba ni kaitiboo ma aomata ao n reireiniia taekan Iesu. E reireiniia ni kabane aomata ake a kan ongora.
A mwaiti aomata aika a kakoaua Aramwa. A nakon Nein Moomon n ongora ana reirei Aramwa.
Taan kakoaua a tangiria n aranaki bwa ana aomata te Atua, buokiia ake a kainano, ao n taetaekina taekan te Atua nakoia aomata. Ngaia are Aramwa e a kaoiia bwa ana bwabetitoaki. Man bwabetitoakiia, a karaoa te berita ae tabu, ke te berita, ma te Atua bwa ana beku Ibukina ao ni kawakin Ana tua. Ni karaoan anne, te Atua ena kakabwaiaia ma Tamneina.
Aomata a kukurei. A uboi baia ao a tangiria n bwabetitoaki. Aramwa e bwabetitooia ni kabane n Nein Moomon. A kaonaki ma Tamnein te Atua ao a namakina ana tangira te Atua ibukiia. A riki bwa membwa n Ana Ekaretia Kristo.
Nooa e noria bwa tabeman ana aomata a kiitana te aba. E kanakoia ana toro bwa ana tataraia. A noria ana toro bwa aomata a nakon te aba ae Moomon n ongora nakon ana reirei Aramwa. E rangi n un Nooa. E kamwanangaa ana taanga ni buaka bwa ana tiringiia Aramwa ma aomata ake e reireiniia.
Te Atua e tuanga Aramwa taekan te taanga ni buaka are e nang roko. Man ana ibuobuoki te Atua, e reke otinakoia Aramwa ao ana botanaomata man te aba arei. A bon aki te roko n reke irouia tautia. A rianna inanon waniua te bong n te rereua ao a roko n te aba ae tamaroa. A katei mwengaia aika a boou n te tabo aio. Aramwa e reireiniia ana aomata, ao a kawakin aia berita nakon te Atua.