“Teaenikam ao Moronaai,” Karaki man Ana Boki Moomon (2023)
Teaenikam ao Moronaai
Kaotan te ninikoria ae korakora
Imwiin maten Amarakaai, tarina ae Amoron e riki bwa aia uea Reimwanaite. Amoron e reitinako n un ma Nibwaite. E waakinako te buaka inanon ririki aika bati. A moanna n tokanikai Nibwaite, ngaia are ni kabane aia taanga n buaka Reimwanaite a birinako nakon te kaawa teuana. Moronaai, Teaenikam, ao temanna riki te kaaben irouia Nibwaite a mwaati n rimwiia Reimwanaite ma aia taanga n buaka.
Aramwa 52:3–4; 54:16–24; 62:12–35
E un Teaenikam ngkai Amarakaai ma Amoron a karika te buaka ae rangi n bubura, man reianau. Ibukin te buaka anne, a mwaiti aomata aika a mate ao e a karako te amwarake. E tangiria Teaenikam bwa e na toki te buaka. E rinnako n te kawa n te tairiki ni kakaea Amoron.
E tamwarakea oon te kaawa Teaenikam. E rinnakoa te tabo teuana imwiin teuana n te kaawa ni karokoa e reke ana tabo n matu Amoron irouna.
E karetea Amoron n te kai ni karetei. E teke rarikin buroona. Ma e kautiia ana toro Amoron imwain ae e mate.
A kaea Teaenikam ana toro Amoron ao a tiringnga. Taan kairiiri ake Nibwaite a nanokawaki n maten Teaenikam. E a tia n ninikoria n un ibukin inaomataia ana botanaomata.
E ngae ngke e mate, Teaenikam e a tia n buokiia Nibwaite n katokanikaia n te buaka. E a tia n tiringa aia tia kairiiri Reimwanaite. N te ingabong are imwiina, Moronaai e aitara ma Reimwanaite ao e tokanikai. Reimwanaite a kitana abaia Nibwaite ao e toki te buaka.
E a reke te rau. E mwakuri korakora Moronaai bwa e aonga n mano abaia Nibwaite mairouia Reimwanaite. Ngkanne Moronaai e okira mwengana n maeka ma te rau. Burabeti a reiakina te euangkerio ao a kaira ana Ekaretia te Atua. Aomata a onimakina te Uea, ao e Kakabwaiaia.