Aramwa 14

Aramwa ao Amureki n te Karabuuti

Onimakina te Uea inanon taai ni karawawata

Aramwa ma Amureki a taetaekina te euangkerio n te kaawa ae Amonia. Tabeman aomata a kakoaua te Uea ao a rairi nanoia. Ma e mwaiti aomata aika a un irouia Aramwa ma Amureki ao a tangiria n kamateia. Aomata ake a un a kabaeia Aramwa ma Amureki ao n kairiia nakon te tia moti ae rietata n te kaawa.

Aramwa 8:29–30; 14:1–4

E aki kakoaua te tia moti ae rietata bwa a riai ana botannaomata n rairi nanoia. A un aomata irouia Aramwa ao Amureki. A kakionakoia mwane ake a kakoaua aia reirei Aramwa ma Amureki man te kaawa. Ao ngkanne a tewenakoia aine ma ataei ake a kakoauaa nako nanon te ai.

Aramwa 14: 3, 5–9, 14, 16

Amureki e rangi n nanokawaki ngke e noriia aomata n maraki. E tuanga Aramwa bwa e na kabongana mwaakan te Atua ni kamaiuia. Ma Aramwa e tuangnga bwa Tamnein te Atua e tukia bwa e na aki. E tuanga Amureki bwa aine ma ataei aikanne a na raonaki iroun te Uea. Te Uea e na motiki taekaia aomata ake a tiringiia.

Aramwa 14:9–11

Te tia moti ae rietatata e ngareakiniia Aramwa ma Amureki ngke te Uea e aki kamanoia aine ma ataei akekei. A tewenakoia Aramwa ma Amureki n te karabuuti.

Aramwa 14:14–17

Imwiin tenibong, te tia moti ae rietata e nakon te karabuuti ma ana ibonga ni kewe. E mwaiti aia titiraki. Ma Aramwa ao Amureki a bon aki kaeka.

Aramwa 14:18–19

Te tia moti ae rietata ao ana ibonga a karaoi mwakuri n iowawa nakoia Aramwa ma Amureki. Aki kakamwarakeia ke ni kamooia Aramwa ma Amureki. A bwainingarei aia reirei Aramwa ma Amureki.

Aramwa 14:19–22

A maraki Aramwa ma Amureki inanon boong aika mwaiti. Te tia moti ae rietata e manga roko naba ma ana ibonga. E tuangiia Aramwa ma Amureki bwa ngkana iai irouia mwaakan te Atua, a na motiki roobu ake a kabaeaki iai. Ao ngkanne e a kakoauaiia naba.

Aramwa 14:23–24

Aramwa ma Amureki a namakina mwaakan te Atua. A teirake. Aramwa e onimakina te Uea ao e bubuti te korakora bwa ena motika te roobu.

Aramwa 14:25–26

Aramwa ao Amureki a motikii roobu. Te tia moti ae rietata ma ana ibonga a maaku. A kataia n birinako, ma e ruru aontano.

Aramwa 14:26–27

A bwaka oon te karabuti iaon te tia moti ae rietata ma ana ibonga, ao a mate. Ma e kamanoia Aramwa ao Amureki te Uea. Ngke a ongo te rongoaa aomata, a biri n noria bwa tera ae ea riki. Ma bon tii Aramwa ao Amureka aika a otinako man te karabuuti. A maaku aomata irouia Aramwa ma Amureki ao a birinako.

Aramwa 14:27–29