Ominai 1; Motiaea 9

Motiaea ao Tinebi

Katanaki iroun te Uea

A mwaiti aia tai ni bubuaka Nibwaite ao Reimwanaite. Te bong teuana, e tua te Uea nakon te Nibwaite ae arana Motiaea bwa e na kitana aban Nibwaai ma naake a kan iriira te Uea.

Ominai 1:10, 12

A mwaiti Nibwaite ake a kan ongeaba iroun te Uea ao n iri ma Motiaea. E kairiia te Uea nakon te aba ae maekanaki irouia aomata. Aranaki bwa aomata mai Taraemera.

Ominai 1:13–14

Botanaomata mai Taraemera aikai a bon roko naba mai Ierutarem n taai aika bwakanako. A rang kukurei ngkai e a tia te Uea ni karokoia Nibwaite ma bwaatua buraati. A ikotaki ana utu Motiaea ma aomata mai Taraemera. A bane aomata n rinea Motiaea bwa aia uea. E reireiniia taekan te Uea.

Ominai 1:14–19

A maeka Nibwaite i Taraemera inanon te tai ae aki maan ao okirikaaki ma aika mwaiti nako aban Nibwaai. A bon kairaki iroun te Nibwaite ae arana Tinebi.

Ominai 1:27–29; Motiaea 9:3–5

A maeka ngkai Reimwanaite i aban Nibwaai, ngaia are Tinebi e a butiia aia uea ngkana a kona naba ni maeka ana botanaomata ikekei. E kariaia te uea.

Motiaea 9:6–10

E mwamwanaa Tinebi ao ana aomata te Uea. E kamaekaia i aban Nibwaai bwa e aonga ni manga anai kanaia ma aia nanai rimwii. E maeka ana aomata Tinebi ikekei ma te rau inanon ririki aika bati. A kaikawai kanaia aika bati ao ni karekeia aia nanai aika mwaiti. A buakanaki imwiina irouia Reimwanaite ao ni kataia n anai kanaia ma aia nanai.

Motiaea 9:10–14

E reirei Tinebi nakoia ana botanaomata bwa na riai n onimakina te Uea. Ngke a roko Reimwanaite ni buaka, Tinebi ao ana aomata a tataro nakon te Uea. Te Uea e anganiia te korakora ao ni buokiia ni kamanoia. A kakionakoia Reimwanaiete. E kakabwaia Tinebi te Uea ma ana botanaomata ibukin aia onimaki.

Motiaea 9:15–18