Ereman 3–6

Taari aika Nibwaai ao Riaai

Ongo te bwanaa mai karawa

taari ake Nibwaai ma Riaai a reireiniia aomata, ao aia taanga n buaka Reimwanaite e tei ni uakaan

Nibwaai ao Riaai bon taari aika a tangiriia aomata ni kabane n ataa taekan ana euangkerio Iesu Kristo. Nibwaite ma Reimwanaite a bubuaka, ma taari aikai a bon tangiria naba n reireiniia aomata man kurubu aika uoua aikai. Te bong teuana ngke e mwamwananga n reireiniia aomata, aia taanga n buaka Reimwanaite a tewenakoia naba n te karabuuti.

Ereman 3:20 -21, 37; 4: 4–5, 14; 5:4–21

Aia taanga n buaka Reimwanaite a nakon te karabuuti are a mena iai Nibwaai ao Riaai

Irabong imwina, e a roko te taanga n buaka nakon te karabuuti bwa ana tiringiia Nibwaai ma Riaai.

Ereman 5:22

te ai e katobibiia ao te oota e kamanoia Nibwaai ma Riaai, a bwaka i aontano tautia, ao e kaoti te nang ae rootongitong

Imwain ae ana kaikoakiia Nibwaai ma Riaai, ao bon katobibiaki n te ai. A bon aki bue n te ai. Ma, te Atua e kamanoia. E ruru aontano. Titebo ma a nang bwaka oon te karabuuti. N te tai ae e aki maan, te nang ae rootongitong e a rabuniia kain te karabuuti. A maaku aomata.

Ereman 5:23–28

a teitei aomata inanon te nang ae rootongitong ao ni kaitaraa te oota

Te bwanaa e roko mai ietan te nang are e rootongitong. E maraara, kanga ai aron te wirikiriki, ma aomata ni kabane a namakinna inanoia. Bon bwanaan te Atua. E tuangiia te Atua bwa ana rairi nanoia.

Ereman 5:29–30, 46–47

mwaane ao aine a tararake n taratara ribuakon naang ake a rootongitong

E ruru aontano ao n te karabuuti. E manga roko naba te bwana ao n tuangiia aomata bwa ana rairi nanoia. Aki kona ni mwaing aomata ibukin te nang roo ao maakuia.

Ereman 5:31–34

Aminatabu e koteia Nibwaai ma Riaai, ake a takiakia ao n tararake

Temanna mai ibuakoia mwaiti n aomata akekei bon te mwane ae arana Aminatabu. Kaain ngkoa ana Ekaretia te Atua. E noria bwa ubuia Nibwaai ma Riaai a raneanea. Tarakiia kanga ai aroia anera. E taraa n ae a marooro ma temanna mai i karawa. Aminatabu e tuangiia aomata ni kabane bwa ana taraia Nibwaai ma Riaai.

Ereman 5:35–39

a mwaiti mwane ao aine ae a tararake ribuakon naang ake a rootongitong ao a tataro

A titiraki aomata nakon Aminatabu bwa tera ae ana kona n karaoia ni kanakoa te nang are e rootongitong. E tibwauaa ana atatai Aminatabu iaon te Atua ao Iesu. E tuangiia aomata bwa ana rairi nanoia, karekea te onimaki iroun Iesu, ao n tataro nakon te Atua. Aomata a ongo iroun Aminatabu. A tataro ni karokoa e a nako te rootongitong.

Ereman 5:40–42

aomata a tataro ngke a katobibiaki n te oota ao te ai

Te ai mairoun te Atua e katobibia aomata ao aki bue iai. A kaonaki ma te Tamnei ae Raoiroi aomata ao a kimwareirei. A taekin bwaai aika a kamimi. E a manga roko naba te bwana. E tuangiia bwa ana karekea te rau man aia onimaki iroun Iesu. Anera a kaoti ni kawariia aomata.

Ereman 5:43–49

Nibwaai ma Riaai a kitana te karabuuti, ao ni matakuakinaki irouia aomata

A kitana te karabuuti Nibwaai, Riaai, ao aomata ni kabane. A tuangiia aomata ni kabutaa te aba bwaai ake a noori man ongo n te bong anne. Angiia tenaan Reimwanaite a kakoaua ao n rineia bwa ana iriira Iesu. E toki te bubuaka. N aki tabe ma anne, a buokiia aomata ni karekea te onimaki iroun te Atua ao n rairi nanoia.

Ereman 5:50–52; 6:1–6