Ita 1–4; 6

Iareta ma Ana Utu

Te mwanaga ae kairaki iroun te Uea

Iareta ma ana utu a maeka i Babera ngaa n ririki imwain bungiakin Iesu Kristo. A ongotaeka nakon te Uea. Ma angiia aomata i Babera nte tai anen aki ongotaeka nakon te Uea. Aomata akanne a waakina katean te taua ibukin iangoan rokoia i karawa. Te Uea e ibita aia taetae aomata bwa aonga n aki konaa n oota imarenaia.

Karikani Bwaai 11:4–9; Ita 1:33

Iareta iai tarina. Te Uea e onimakina tarin Iareta. Iareta e butia tarina bwa ena tataro nakon te Uea ibukin buokaia. N ana tataro, ao tarin Iareta e butiia te Uea bwa ena aki ibita aia taetae aia utu ma raraoia. N te aro are ana konaa iai n bon oota imarenaia.

Ita 1:33–36

Te Uea e korakora ana tangira ao ana nanoanga. E aki ibita aia taetae Iareta ma ana utu ao raraoia. Imwiina, ao te Uea e tuanga tarin Iareta ae E a tia n katauraoa te aba ae onoti ibukiia. Te Uea e taku bwa e na kairiia nakon te tabo anne.

Ita 1:35–42

Iareta ma tarina a bobotia aia utu ao raraoia. A bobotia naba aia man ao ati n aekaia nako. Ao a kitana mwengaia ao n mwananga rinanon te rereua. Te Uea e kairia man nang ae taetae nakoia mai iai.

Ita 1:40–43; 2:1–6

Imwiin te mwananga ae abwabwaki, ao a roko irarikin taari. A maeka i mataniwiin taari inanon aua te ririki. Inanon te tai ae maan, ao tarin Iareta e aki tataro nakon te Uea.

Ita 2:13–14

Te Uea e tuanga tarin Iareta bwa ena tataro riki. Tarin Iareta e raira nanona ao e tataro nakon te Uea. Te Uea kabwara ana bure.

Ita 2:14–15

Te Uea e reiakina tarin Iareta aron katean te kaibuke aika bwaati. Bwa aia utu ana konaa n tokarii bwaati aikanne n rinanon taari n karokoia nte aba ni berita.

Ita 2:15–17

Tarin Iareta ma ana utu a kabai bwaati. E noriia bwa akea te oota inanon bwaati. E titirakina te Uea ngkana ana rinanon marawa nte rotongitong. Te Uea e tuanga tarin Iareta bwa ena iangoa te kawai ae kaibuke akekei ana karekea te oota.

Ita 2:16–19, 22–25

Tarin Iareta e karaoi 16 atibu aika a uarereke, man itiaki. E butiia te Uea bwa e na ringi ao ena kaotaii. Te Uea e arora baina ma n ringi atibu akekei teuana imwiin teuana n tabonibaina. Tarin Iareta e konaa n noora bain te Uea. E mimi n nooria ae te Uea iai rabwatana n ai arona.

Ita 3:1–8

Te Uea e taekina ae tarin Iareta iai ana onimaki ae korakora. Ao te Uea e kaoti ao n kaota rabwatana n tamnei nakon tarin Iareta. Te Uea e taku, “Ngai bon Iesu Kristo.” E taekinna bwa e tia n rineaki bwa te tia Kamaeu. E reireina tarin Iareta bwaai aika a mwaiti.

Ita 3:9–20, 25–27

Tarin Iareta e oki rikaaki nakoia ana utu ao raraona. E korei bwaai ake e reiakini n ana tai are mena iai irarikin te Uea. E karini atibu inanon bwaati. Ngkai ao a karekea te oota ibukin aia borau.

Ita 4:1; 6:2–3

Aia utu a rinnako inanon bwaati ibukin mwanangaia inanon marawa. A onimakina te Uea bwa ena tararuaia. A mwaiti buakan marawa ma nao. Iai taai, ae Taari e rabuna aon bwaati. Ma a tataro, ao te Uea e kaokia nako aon taari. A anenei kuuna aika a mwaiti n karabwarabwa nakon te Uea.

Ita 6:4–10

Imwiin ae kaania te ririki, ao a roko nte aba are te Uea e berita nakoia. A tang ma te kukurei ao n karabwarabwa nakoina.

Ita 6:11-12