1 Nibwaai 2– 3; 5

Tiera

Mwanangan te aine inanon te onimaki

Tiera ao Riaai

E maeka Tiera ma ana utu i Ierutarem. Buuna ae, Riaai, bon ana burabeti te Atua. Te bong teuana, ao e a tua te Uea nakon Riaai bwa e na kitana Ierutarem ma ana utu.

1 Nibwaai 2:1–3

E tataro Tiera

Iai ana onimaki Tiera iroun te Uea. Ngaia ma ana utu a kitana mwengaia. A kitana aia koora ma aia tirewa bwa a na ira Riaai nakon te rereua.

1 Nibwaai 2:4–5

Tiera inanon te rereua

Tiera ao Riaai a uoti kanaia ma aia bwai tabeua ake a kainnanoi. A mwananga inanon boong aika a bati, a katei umwanrianna bwa aia tabo ni maeka inanon te rereua. Rimwii ao a katea aia baonikarea ao ni kakaitau nakon te Uea ibukin Ana buoka.

1 Nibwaai 2: 4, 6–7, 15

E raraoma Tiera iroun Riaai ibukin te kawai ae rangi n raroa

Te bong teuana e tua te Uea nakoia natin Tiera ao Riaai aika mwaane bwa a na okira Ierutarem ao n anai bwaatua buraati. E roko te raraoma iroun Tiera ngke a tuai man karairaki natina mwaane. E taku n ana iango bwa a mate. Riaai e karaua nanon Tiera. A rineia n onimakina te Uea bwa e kamanoa natiia mwaane.

1 Nibwaai 3: 1–2, 4–6; 5: 1– 6

A butimwaea natiia mwaane Tiera ao Riaai

E kaonaki nanon Tiera n te kimwareirei ngke a oki natina mwaane mai Ierutarem. E ataia ngkai bwa a bon tararuaaki raoi iroun te Uea. E onimakinna bwa a na anganaki te mwaaka iroun te Uea ni karaoi bwaai ake a tuangaki. A kukurei aia utu n reiakina taekan te euangkerio.

1 Nibwaai 5:7–9