Motiaea 19–22

Te Uea ae Noa ao te Uea ae Rimwaai

Te birinako mairouia Reimwanaite

Kiteon e taua ana kabaang ao n tei irarikin te taua, ao Nooa e tei n te taua ao e koteia aia tanga ni buaka Reimwanaite

Te Uea Nooa e tautaeka iaon teuana te kurubu n Nibwaite. E mwaiti te bwai ae buakaka ae kakaraoia, ao tabeman ana aomata a un irouna. Te mwane temanna ae arana Kiteon e kaunikabaang ma Nooa. Nooa e birinako ao n tamwarakea te taua. Man te taua, ao e nora aia tanga ni buaka Reimwanaite ae a kan roko. Nooa e kewe n maaku ibukiia ana aomata, ngaia are Kiteon e aki kan tiringnga.

Motiaea 11:1–2; 19:2–8

E birinako Nooa, ao a maaku ana aomata

E birinako Nooa ma ana botanaomata. Ma a kaeaki irouia Reimwanaite ao a kamateaki. Nooa e tuangiia mmwane bwa ana katikuia aia utu ao n nako ma ngaia.

Motiaea 19:9–11

Rimwaai, Kiteon, ao Nibwaite riki tabeman a kaitaraa aia tanga ni buaka Reimwanaite

Tabeman mmwane a iranako Nooa. Ma angiia mmwane a tangiria n tiku irarikiia aia utu. Natin Nooa te mmwane ae Rimwaai e rineia naba bwa e na tiku.

Motiaea 19:12, 16–17

aine a tei imoaia Rimwaai ao Nibwaite riki tabeman

A mwaiti nati aine n tei imoaia kaain te tanga ni buaka ao n butiia Reimwanaite bwa ana aki kamateia aia utu. Reimwanaite a ongo nakon aia bubuti nati aine akekei ao aikoa kamateia Nibwaite. Ma irarikin anne, Reimwanaite a taui taekaia Nibwaite akekei.

Motiaea 19:13–15

Nooa ma mwane akekei a unra imarenaia

Mwaane ake a birinako akekei a tangiria n okiriia aia utu. E kataia n totokoia Nooa, ngaia are a kamatea. Ngkane a oki nakoia aia utu.

Motiaea 19:18–22

mmwane ake Nibwaite akekei a kaitiboo ma aia utu ao Kiteon

A kukurei mmwane akekei bwa a mano aia utu. A tuanga Kiteon taekan te bwai are e riki nakon Nooa.

Motiaea 19:22–24

Rimwaai e anganiia Reimwanaite te amwarake ao maan

Te botanaomata a rinea Rimwaai bwa aia uea ae boou. Rimwaai e berita nakon aia uea Reimwanaite bwa ana anganiia Reimwanaite iteran nako aia bwai. Ni karaoan anne, e berita aia uea Reimwanaite bwa ena aki kamateia ana botanaomata Rimwaai.

Motiaea 19:25–27

Rimwaai ma buuna a mata n nanokawaki, a mwaiti Nibwaite n ikoaki

A maeka inanon te rau inanon ririki aika mwaiti. Ngkane Reimwanaite a manga iowawa nakoia ana aomata Rimwaai. Te botanaomata a tangiria n manga inaomata riki. A kataia n un ma Reimwanaite, ma a konaaki. A tataro aomata nakon te Atua ibukin buokaia.

Motiaea 19:29; 21:1–15

A marooro Rimwaai ma Amon

N te bong teuana, e kaoti te Nibwaite ae arana Amon nakoia Rimwaai ma ana botanaomata. Amon e roko man te aba ae aranaki bwa Taraemera. Te Uea Rimwaai e rang kukurei n noora Amon.

Motiaea 21:22–24

A marooro Kiteon, Rimwaai, Amon ao tabeman riki Nibwaite

Amon e kona n kairiia ana botanaomata Rimwaai nako Taraemera, ma ana karaba n birinako mairouia Reimwanaite. Iai ana iango Kiteon.

Motiaea 21:36; 22:1–9, 11

A matu aia tautia Reimwanaite, ao a kitana te kaawa Nibwaite

N te tairiki, Kiteon e anganiia tautia ake Reimwanaite te wain ae mwaiti bwa aonga n matuunako. Ngke a matu tautia, Rimwaai ma ana aomata ni kabane a birinako man te kaawa.

Motiaea 22:7, 10-12

Te Uea Motiaea ma ana aomata a butimwaia Rimwaai ma ana aomata

A nako Taraemera ao n ikotaki ma Nibwaite ake ikekei. Rimwaai ao ana aomata a reiakina ae bati riki ibukin te Atua. A karaoa te berita ea tabu, ke te berita ea onoti, bwa ana beku ibukin te Atua ao ni kawakin Ana tua. A bwabetitoaki ao a riki bwa kain ana Ekaretia te Atua. A uringnga ae e buokiia te Atua ni kabirinakoia mairouia Reimwanaite.

Motiaea 21:32–35; 22:13-14; 25:16–18