Te Kaibuke ae Rinanon te Marawa

Katauraoi n nakon te aba ni berita

Te Aba ni Mari bon te tabo ae onrake n te kai n amwarake ao ana karewe te manibeeru. Bon te tabo ae tamaroa aona n te maekanaki. Aia utu Riaai ao Tiera a maeka i mataniwiin te aba ao ni karekei ni kabane kainnanoia.

1 Nibwaai 17:5–6

I mwiin boong aika a mwaiti, e tua te uea nakon Nibwaai bwa e na nako n tataro n te maunga. Ikekei, are e a tua iai te Uea nakoina bwa e na kabaa te kaibuke ao ni kairiia ana utu rinanon te marawa.

1 Nibwaai 17:7–8

E reireinna te Uea aron kabaakin te kaibuke. Ma e aki ataa te tabo Nibwaai are e na reke iai te biti are e na karaoi iai bwai ni mwakuri. E kaota te tabo te Uea nakon NIbwaai are e na kunea iai te biti.

1 Nibwaai 17:8–10

E waaki ni mwakuri Nibwaai ngke a taetaenikawai Reimwan ao Remuera

I mwiina, ao e karaoi bwai ni mwakuri Nibwaai man te ai. Reimwan ao Remuera a matakuakina tariia ae Nibwaai. A bon rawa ni buokia ni kabaa te kaibuke. A taku bwa bon tiaki tooi n iaongo bwa a na buti rinanon te marawa.

1 Nibwaai 17:11, 16–18

Reimwan ao Remuera a aki kakoaua ae e tuangaki Nibwaai iroun te Uea bwa e na kabaa te kaibuke. E tuangiia Nibwaai bwa e aera ngkai a teimatoa nanoia n tuai man onimakina te Uea. E kauringiia tarina bwa a tia n noora te anera ao n ataia bwa e bon korakora te Uea. Reimwan ao Remuera a un iroun Nibwaai ao n tangiria ni kan kamatea.

1 Nibwaai 17:18–19, 45–48

Ma e kaonaki Nibwaai ni mwaakan te Atua. Nibwaai e tuangiia Reimwan ao Remuera bwa a na aki riingnga. A maaku ao n aki te roko ni katoka baia i aon Nibwaai inanon boong aika a mwaiti. I mwiina ao e tua te Uea nakon Nibwaai bwa e na arora baina nakoia tarina. Ao ngke e arora baina nakoia tarina, a namakinna bwa a karuruaki ni mwaakan te Uea.

1 Nibwaai 17:48, 52–55

Reimwan ao Remuera a nebonebo nakon te Uea ao n ibuobuoki ni karaoan te kaibuke. E tataro Nibwaai nakon te Uea n te tai ae mwaiti ibukin ana ibuobuoki. E bon rangi n tamaroa te kaibuke are e karaoaki irouia ana utu Nibwaai. I mwiin boong aika a mwaiti, e a bobonga te kaibuke, ao a nooria bwa e rangi n tamaroa. A ataia ana utu Nibwaai bwa a buokaki iroun te Uea.

1 Nibwaai 18:1‒4