“Te Burabeti ae Ita,” Karaki man Ana Boki Moomon (2023)
Te Burabeti ae Ita
E kauring te Uea nakon te aba
Te Uea e kaira tarin Iareta ma ana utu nakon te aba ni berita. A nanorinano ao a kawakin ana tua te Atua. E rikirake aia kurubu n aomata inanon ririki aika bati, ao a tangira te uea bwa ena kairiia. Tarin Iareta e kauringiia bwa karekean te uea e kona ni kairiia nakon te kangaanga, ma e kariaia bwa ana rinea aia uea.
Inanon irabubua te ririki, taan Iaretaite a maeka n te aba ni berita. Tabetai aia uea a kairiia nakon karaoan te raoiroi, ma tabetai aki. Ana burabeti te Atua a kakauringiia aomata bwa ana raira nanoia. Ngkana a kakauongo ao ni kawakin ana tua te Atua, ao E na bon kakabwaiaia. Te kabanea n burabeti ae te Iaretaite arana Ita.
Ita 7:23–27; 9:26–30; 10:16–17, 28; 11:1–8, 12–13, 20–22; 12:2
A rawa aomata ni kan ongeaba iroun te Atua. Ma e mena Tamnein te Uea iroun Ita. E reireinia man te moaningabong ni karokoa e bong. E taekinna bwa ana kakoaua te Atua ao n rairi nanoia bwa rimwii ana kamaunaaki. Ngkana iai aia onimaki, a kona n kantaninga te manga maiu ma te Atua ao ni karekea te kakorakoraaki ni karaoi bwaai aika raraoi. A bon rawa ni kan kakoaua aomata.
E noora te bwai ae a karaoia aomata Ita. E karabaa n te nangananga n te ngaina ao e korei bwaai ake e norii. A rawa n rairi nanoia aomata ao a moanna n unun imarenaia.
E nooria Ita bwa aia Uea Iaretaite ae, Koriantamwa, e na buaka ma aomata aika bati ake a tangiria naba ni kan riki ni uea. Koriantamwa e kabongana ana taanga n buaka n kamanoa.
Te bong teuana, te Uea e tuanga Ita bwa e na kauringa Koriantamwa ma ana botanaomata bwa ana rairi nanoia. Ngkana a karaoia, te Uea e na buokiia aomata ao n kateimatoa uean Koriantamwa. Ngkana aki, ao e na korakora te itabarara imarenaia aomata. E kamwaitaki ana bong ni maiu Koriantamwa bwa e noora koron nanon ana taeka te Uea. Ao ena manga mate naba.
A bon rawa ni kan raira nanoia ana botanaomata Koriantamwa. A kataia aomata ni kamatea Ita, ma e birinako Ita nakon ana nangananga. Te mwaane ae arana Tiiti e aitara ma Koriantamwa. Aomata a rineia bwa ana kaina ana taanga n buaka Tiiti ke ana taanga n buaka Koriantamwa. E mwaiti aia tai n bubuaka baronga aika uoua aikai. A mwaiti aomata aika a mate.
Koriantamwa e uringa ana taeka Ita. E nanokawaki ngkai a mwaiti ana botanaomata n mate. E uringnga are burabeti a tia ni kakauringnga ae e na riki aio. E waaki n rairananona ao ni kanakoa ana reta nakon Tiiti. E taku bwa e na anga nako abanueana ngkana a kona ni kamaiuaki ana botanaomata. Ma Tiiti e tangiria n buaka.
A un ana botanaomata Koriantamwa ao a tangiria n buaka. A un naba ana aomata Tiiti ao a tangiria n buaka. Akea ae kan raira nanona. E noria Ita bwa ni kabane aomata a nako n buaka. A mwaiti aomata aika a mate.
E tangiria Koriantamwa bwa e na toki te buaka. E tuanga Tiiti bwa ena anaa abaia ao ena aki kamateia ana aomata. Ma a bane n un aomata. Akea irouia Tamnein te Atua. E noria Ita bwa a bane n buaka ni karokoa ai bon ti Koriantamwa te nikira n Iaretaite ae maiu. Ngkanne E tong Koriantamwa.
E norii bwaai ni kabane ake e taekin te Atua bwa a koro nanoia. E bane ana koroboki Ita iaon bwai ake a riki. Ngkanne e taraia bwa ana reke ana koroboki irouia ake ana kona n kunei imwiin matena. E onimakina te Atua Ita ao n ingainga ni kan maeka ma Ngaia n te bong teuana.