3 Nibwaai 18; 20

E Tibwa te Toa Iesu

N Ururinga n taainako

Imwiin katokan aorakiia ake a aoraki ao n kakabwaiaia ataei aika a uarereke, E angania nakoia n kabane are a roko n ongora Irouna te toa. E tuangiia Ana reirei bwa ana uota te kariki ao te wain.

3 Nibwaai 17; 18:1–2

Iesu e urua te kariki ao n kakabwaia. E anganiia ana reirei bwa ana kanna. E tuangiia ana reirei bwa ana tibwaua te kariki nakoia n kabane aomata.

3 Nibwaai 18:3–4, 6

Iesu e taku nakoia n kabane ake a onimakinna ao ni bwabetitoaki bwa ana kana te kariki. Ngkana a karaoa aei, ao ana ururinga iai rabwatana. E kauringia te botanaomata te tai are a namakina iai mwanekan te neera i baina ao waena ao ikoakina are irarikina.

3 Nibwaai 11:14–15; 18:3–7

Ngkanne e angania ana reirei te wain bwa ana nimma. E tuangiia ana reirei bwa ana tibwaua te wain nakoia n kabane aomata.

3 Nibwaai 18:8–9

Iesu e taku bwa ni kabane aomata are a tia n raira nanoia ao n bwabetitoaki a nima te wain. E tuangiia ni kabane are a nima te wain bwa ana ururinga Rarana. E kauringiia ae e anga Rarana ngke e maraki ao mate ibukiia.

3 Nibwaai 18:11

Iesu e taekinna bwa kanakin te kariki ao nimakin te wain bon te tua. Man kanakin te karriki ao nimakin te wain, aomata a kaota nakon Tamaia are I Karawa bwa a tangiria n kawakin Ana tua ao n ururinga Iesu. Iesu e taekinna bwa ana kakabwaiaki ma te Tamnei ae Raoiroi ngkana a karaoi bwaai aikai.

3 Niibwai 18:7, 10–14

Ngke a tia te botanaomata n kana te kariki ao n nimwa te wain, a kaonaki nte Tamnei ae Raoiroi. Ao aomata a kamoamoa Iesu.

3 Nibwaai 18:4–5, 9; 20:9