Aramwa 1

Kiteon, Aramwa, ao Neooa

Kamatoakin koaua man ana taeka te taeka

A rinea Aramwa te Teei Nibwaite bwa e na riki bwa aia tia moti ae rietata. Aramwa bon te ibonga naba ae rietaata n te Ekaretia.

Motiaea 29:41–44

Te mwaane ae arana Neooa e a waaki n reireiniia aomata taekan ana taeka te Atua. Ma n reirei nakoia aomata bwa a riai n aki ongeaba nakon te Atua ke n rairi nanoia.

Aramwa 1:2–4, 15

A mwaiti aomata ake a tatangira ao ni kakoaua te bwai are e taekinna Neooa. E tangiriia aomata bwa a na anganna te mwane ao n neboia. N ana iango ao e taku bwa e rangi n mwaatai riki nakoia aomata. E katea oin ana ekaretia, ao a mwaiti aomata ake a ongo irouna.

Aramwa 1:3, 5–6

Te bong teuana, e a kaitibo Neooa ma te unimwaane ae arana Kiteon. Kiteon bon te tia reirei n ana Ekaretia te Atua ao n tia ni karaoi mwakuri aika a raraoi. E tangiria Neooa ni kan kitana te Ekaretia, ngaia are e a kakauntaeka ma Kiteon. E kabonganai ana taeka te Atua Kiteon ni kaotia bwa e kaairua ana reirei Neooa. E un Neooa! E kamatea Kiteon n ana kabaang.

Aramwa 1:7–9, 13

A uota Neooa aomata nako matan Aramwa bwa e na motikaki taekana. E kataia Neooa ni kamanoa te bwai are e a tia ni karaoia. E aki tangiria ni katuaeaki.

Aramwa 1:10–11

E taekinna Aramwa bwa ana reirei ni kabane Neooa a bure ao ni kona ni karekea te kangaanga nakoia aomata. Aramwa e karaoa nanon te tua. Ibukina bwa Neooa e tiringa Kiteon, e a manga tiringaki Neooa.

Aramwa 1:12–15

I mwain matena, e tuangiia aomata Neooa bwa e a tia ni keweiia. E bon aki reirei taekan ana taeka te Atua. E ngae ngke e kaotia Neooa bwa e kaairua, a bon mwaiti naba aomata aika a katotongnga. A keweia aomata ibukin karekean aia mwane ao te kamoamoaaki. Tabeman aomata a ongo ni bwanaan Aramwa. A tabeakiniia ake a kainnano ao ni kawakin ana tua te Atua.

Aramwa 1:15–16, 25–30