Aramwa 20; 22–23

Aia Uea ni Kabane Reimwanaite

Tangiria ni kan reiakina taekan te Uea

e un te uea irouia Ramonaai ao Amon

Iai aia uea Reimwanaite are e tautaeka i aoia uea ni kabane. Bon taman te uea are Ramonaai. N ana iango ao e taku bwa bon aia kairiiribai Nibwaite. Te bong teuana, e a noriia Ramonaai ma Amon. E titiraki te uea nakon Ramonaai bwa tera ae e karaoia ma te Nibwaite. Ramonaai e tuanga te uea bwa a na nako ni kaotinakoa tarin Amon man te karabuuti.

Motiaea 10:11-17; Aramwa 20:1–12

e taetae te uea

E rangi n un te uea. E taku n ana iango bwa a keweaki irouia Nibwaite ao ni kataia n anai aia bwai Reimwanaite. E tuanga Ramonaai bwa e na tiringa Amon ao n iria.

Aramwa 20:13–14

E taetae Ramonaai

Ramonaai e rawa n tiringa Amon. E tuanga te uea bwa Amon ao tarina bon ana burabeti te Atua. E taku bwa e na buokiia tarin Amon.

Aramwa 20:15

a boo n unn te uea ao Amon

E buuta ana kabaang te uea bwa e na tiringa Ramonaai, ma e katokaki iroun Amon. E arora baina te uea bwa e na tiringa Amon. E katokaa kaina Amon. E orea bain te uea n te aro are e aki kona ni manga oro. E maaku te uea i mwiin nooran aintoan Amon. E berita bwa e na angan Amon iteran abanueana ngkana e kamaiua.

Aramwa 20:16–23

E taetae Amon nakon te Uea

E aki tangira te abanuea Amon. Ngaia are, e a tuanga te uea bwa e na kaotinakoia tarina ma te karabuuti. E tuanga naba te uea bwa e na katoka unina iroun Ramonaai. E tua Amon nakon te uea bwa e na kariaia Ramonaai bwa e na tautaeka nakon are bon taku bwa te kabanea n tamaroa.

Aramwa 20:24

e iango te uea

E kubanako te uea ibukin ana tangira Amon nakon Ramonaai. E kariaia bwa e na karaoi bwaai ake e tua Amon.

Aramwa 20:25–27

e kukurei te uea ao ni marooro ma Ramonaai ao Amon

E tangiria te uea ni kan reiakina riki te bwai are e tuangaki irouia Amon ao Ramonaai i aon taekan te Atua. E butiia Amon ma tarina bwa a na roko n reireinna.

Aramwa 20:27

A buokaki tarin Amon iroun Amon ao Ramonaai

Amon ao Ramonaai a mwananga nako n te aba ae Matonaai. A mena n te karabuuti ikekei tarin Amon. A kabaeaki n te roobu ao n aki kamooaki ke ni kamwarakeaki. Ramonaai e anaa nanon te tia tautaekana Matonaai bwa e na kaotinakoia tarin Amon.

Aramwa 20:28–30

E katorobubua Aaron imatan te uea

I mwiin otinakoia, tarin Amon a nakon taman Ramonaai. A katorobubua imatan te uea ao n tuangnga bwa a na riki bwa ana tia mwakuri. E aki tangira anne te uea. Ma, e tangiriia bwa a na reireinna taekan te euangkerio. Temanna mai ibuakoia taari akanne arana bon Aaron. E wareware n koroboki aika tabu nakon te uea ao n reireinna taekan te Atua ao Iesu Kristo.

Aramwa 22:1–14

A tataro Aaron ao te Uea

E kakoaua te uea ana reirei Aaron. E taekinna bwa e na anganna abanueana ni kabane ibukin kan ataakin te Atua. E tuanga Aaron bwa tera te bwai ae e riai ni karaoia. Aaron e tuanga te uea bwa e na raira nanona ao n tataro nakon te Atua ma te onimaki. E raira nanona te uea man ana bure ni kabane ao n tataro.

Aramwa 22:15-18

e bwaka nako aontano te uea

E bwaka nako aontano te uea. E biri ana toro te uea n nako n tuanga te uea n aine.

Aramwa 22:18–19

e rangi n un te uea n aine

E roko te uea n aine ao n noora te uea i aontano. E taku n ana iango bwa Aaron ao tarina a tiringa te uea. E rangi n un te uea n aine.

Aramwa 22:19

e kotea Aaron te uea n aine

E tua te uea n aine nakoia ana toro bwa a na tiringa Aaron ma tarina ni kabane. Ma a maaku taian toro. A taku bwa a rangi ni korakora Aaron ma tarina. E a ruru ni maaku ngkai te uea n aine. E a kanakoia ana toro bwa a na tuangiia aomata n te kaawa te bwai ae riki. E kaantaningaia bwa a na tiringaki Aaron ma tarina irouia aomata.

Aramwa 22:19–21

E buoka te uea Aaron ni kateirakea

E ataia Aaron bwa a na bon rangi n un aomata. E ataia naba bwa e bon aki mate te uea. E buoka te uea ni kateirakea. E oki marurungin te uea ao n teirake. A kubanako te uea n aine ao aia toro.

Aramwa 22:22–23

e reirei te uea nakon te uea n aine ao ana toro

E reirei te uea nakon te uea n aine ao aia toro taekan Iesu. A bane ni kakoauaa Iesu Kristo. E tangiria te uea bwa a na reiakina taekan Iesu ana botanaomata. E katea te tua bwa Aaron ao tarina ni kabane a na reirei taekan te euangkerio n taabo nako i abanueana. A reireiniia aomata ao ni weteiia ibonga ao tia reirei n te aba.

Aramwa 22:23–27; 23:1–4