Korianton

Te rairaki kaua nakon te Uea

Korianton bon temanna mai ibuakoia natin Aramwa aika a mwaane. E mwananga ma tamana, tarina ae Tiburon, ao tabeman riki bwa na reireiniia kurubu n aomata aika a aranaki bwa Tioramwaite taekan ana euangkerio Iesu Kristo.

Aramwa 31:5–7; 32:1

Inanon ana tai Korianton ni mena irarikiia aomata, e a kariiriaki naba bwa e na karaoa te bure. E rineia bwa e na karaoi bwaai aika aki boraoi ma ana tua te Atua, nakon ae e na ongeaba nakon te Uea. Ibukin te bwai are e karaoia, ao tabeman Tioramwaite a aki kan kakoaua te bwai are a reirei i aona Aramwa ma natina mwaane.

Aramwa 39:2–5, 11–12

Aramwa e tuanga Korianton bwa e na raira nanona ao n rairaki nakon te Uea ibukin kabwaraan ana bure. E raraoma Korianton n taekan ana babaire te Uea. E buoka natina Aramwa ni kabwarabwara ana babaire ae kakukurei te Uea, Ana Mwakuri ni Kamaiu Kristo, te mangauti, ao te maiu i mwiin te mate. E kauring nakoina Aramwa bwa iai tabena mai iroun te Uea ae na karaoia.

Aramwa 39:7–9, 13–19; 40–42

E ongotaeka Korianton iroun tamana. E onimakina Iesu ao n raira nanona man ana bure. E ataia bwa e bon etieti n taainako te Uea ao n tangira naba man akoi. E raona tamana ao tarina Korianton n anga reirei. E reirei nakoia aomata taekan te kimwareirei ao te rau man te rairannano ao n maiuakinan ana euangkerio Iesu Kristo.

Aramwa 42:30–31; 43:1–2; 48:17–18