“E Rineiia ana Reirei Iesu ake Tengaun ma Uoman,” Karaki man Ana Boki Moomon (2023)
3 Nibwaai 11; 13; 18
E Rineiia ana Reirei Iesu ake Tengaun ma Uoman
Te mwaaka n reirei ao n bwabetito
Ngke e roko nte kaawa ae te Aba n Mari Iesu Kristo, ao E rineia tengaun ma uoman aomata ao n anganiia te mwaka n reirei ao n bwabetito. E anganiia naba te mwaaka n konaa n anga ana bwaintangira te Tamnei ae Raoiroi. E araniia bwa Ana reirei. Ana reirei a karaoi bwaai are Iesu e reireinia bwa ana karaoi.
3 Niibwai 11:1, 18–22, 41; 12:1; 15:11–12; 18:36–37
E reireinia ana reirei Iesu aron te bwabetito. E tuangiia taeka ake ana riai n taekini. E reireinia bwa ana kateboa te aomata iaan te ran ao n manga buokia n kawaerakea naba. Iesu e tuangia bwa ana bwabetito n taainako n aron te kawai are e reireinia arona. E reireinia naba taekan te Tamnei ae Raoiroi.
Iesu Kristo e tangiria bwa ana reirei ana konaa n mwakuri raoi imarenaia ao n aki kauntaeka. E taekinna bwa ngkana a kauntaeka, ao aaki rimwiin Ana reirei.
Iesu e reireinia aomata bwa ana onimakinna, rairi nanoia, ao ni bwabetitoaki bwa aonga n konaa n maeka ma Tamaia are Ikarawa.
Iesu e tuangiia ana reirei ae ngkana a kakoaua, ao a kakoaua naba Tamara are I karawa. Te Tamnei ae Raoiroi ena buokia n ataia bwa Iesu ao Tamara are I karawa a bon koaua.
Ngke e bane ana reirei Iesu nakoia Ana reirei, E tuangia bwa ana nako ao reireinia aomata n kabane. E tuangiia ana aki raraoma bwa tera ana kanna, nimma, ke n kunikainna. E tuangiia ae ngkana e beku ibukin Tamara are I karawa, Tamara are I karawa ena kawakinia.