“Aramwa, Amureki, Teterom,” Karaki man Ana Boki Moomon (2023)
Aramwa, Amureki, ao Teterom
Rineia bwa ko na kakoaua ao n ongeaba iroun te Atua
E nooria Aramwa bwa a mwaiti membwa n te Ekaretia ake aki kan ongeaba nakon ana tua te Atua. Ngaia are e a nako Aramwa n tataekina ana taeka te Atua man te kaawa teuana nakon teuana. A mwaiti aomata aika a rairi nanoia. I mwiina ao e a roko Aramwa n te kaawa ae arana Amonia. A bon aki kan ongo irouna aomata n te tabo anne. A baewareia ao ni kakionakoa man te kaawa.
E namakina te nanokawaki Aramwa ngke e a kitana te kaawa. E raraoma ibukiia aomata. Ma imwiina e roko irouna te anera. E tuangaki Aramwa iroun te anera bwa e na riai ni kukurei ibukina bwa e a tia n ongeaba nakon te Atua. E tua te anera nakon Aramwa bwa e na okira te kaawa ao ni kauringiia te botanaomata. E taekinna bwa ngkana a aki kan rairi nanoia, ao a na bon kamaunaaki. E kawaekoa n oki Aramwa .
Ngke e a roko Aramwa n te kaawa, e roko irouna te baki. E a tia n aki mamatam inanon boong aika a mwaiti. Aramwa e butiia Amureki te amwarake.
E karaki Amureki nakon Aramwa i aon te kaotioti are e a tia n nooria. Inanon miina, e roko te anera n tuanga Amureki bwa Aramwa bon ngaia ana burabeti te Atua. E tangiria Amureki ni kan buoka Aramwa.
Amureki e kaira Aramwa nakon mwengana ao n anganna kanana. E tiku Aramwa ni mweengan Amureki inanon boong aika a mwaiti. Te Atua e kakabwaia Amureki ma ana utu. I mwiina, e tua te Atua nakoia Aramwa ao Amureki bwa na tuangiia aomata n te kaawa bwa a na raira nanoia. A ongeaba Aramwa ao Amureki. E anga te Atua mwaakana ni buokiia n aia anga reirei.
Temanna mai ibuakoia aomata are e ongora n aia reirei bon Teeterom. E rangi n wanawana ao ni kataia ni kamwanea Aramwa ao Amureki. E tua Teterom nakon Amureki bwa e na anganna ana mwane ae mwaiti ngkana e taekinna bwa bon akea te Atua. E tangira Amureki bwa e na kewe e aonga n ae aki kakoauaa te bwai are a reirei i aona Amureki ao Aramwa.
Aramwa 10:29–32; 11:21-25; 12:4–6
Ma e rawa Amureki ni kan kewe ibukin te Atua. E taekinna bwa bon iai te Atua. Amureki ao Aramwa a ataa ana iango Teterom. E kubanako Teterom ao n tuangia riki titiraki aika a mwaiti. A reireina Teterom bwa bon iai ana babaire te Atua ibukia aomata ni kabane. E kakoaua Teterom te bwai are a reirei i aona Aramwa ao Amureki n taekan te Atua ao Iesu Kristo.
Aramwa 11:23–46; 12:1–18, 24–34; 14:6–7; 15:6–7
E rangi n kabwara bure Teterom ibukin ana waaki aika aki raoiroi. E moanna ni mamaara. A kawaria Aramwa ao Amureki. E taekinna Aramwa bwa e na bon kamaiuaki Teterom ibukin ana onimaki iroun Iesu. E bubuti Aramwa nakon te Atua bwa e na kamarurungnga. E teirake i aon waena Teterom. E a kamaiuaki! E bwabetitoaki ao n reireiniia aomata ni karokoa tokin maiuna.