Aramwa 17–19

Abiti

Buokiia ana botanaomata ni kakoauaa Iesu

Abiti e rianna rinanon te kaawa

Abiti e mwakuri ibukin te uea n aine ae te Reimwanaite. Abiti e a tia n reiakina taekan Iesu Kristo man miin tamana. Inanon ririki aika bati, e kakoauaa Iesu ao e tangiria n Iriria. Ma e tuai n tuangiia Reimwanaite riki tabeman.

Aramwa 19:16–17

Abiti e tarataraa te uea n aine, te uea ao Amon

Te bong teuana, te Nibwaite ae arana Amon e kaoti n te kaawa bwa e na reireiniia Reimwanaite taekan Iesu ao te Atua. Te uea n aine ma te uea a kakoauai ana reirei Amon. Te uea n aine ma te uea a ataia ae Iesu e na roko nakon te aba ao e na karaoaia bwa aonga aomata ake a Kakoauaa ni karekea kabwaraan aia bure.

Aramwa 17:12–13; 18:33–36, 39–40; 19:9, 13

Abiti e noriia aomata ni kabane n bwaka nako aontano

Te uea n aine ma te uea a namakina te Tamnei ae Raoiroi ao a rangi ni kukurei n te ar are a bwaka nako aontano. Amon ma taian toro a bwaka naba. Bon ti Abiti ae tiku n tei.

Aramwa 19:6, 13–16

E taetae Abiti nakoia aomata aika a mwaiti

Abiti e tangiria n tuangiia aomata taekan te kakai aio. E kaantaningaia aomata bwa a na kakoauaa mwaakan te Atua ngkana a nora te bwai ae riki. Ngaia are e a biribiri Abiti man te auti teuana nakon teuana. E tuangiia aomata bwa ana nako n noora te bwai ae tia ni karaoia te Atua ibukin te uea n aine ma te uea.

Aramwa 19:17

a mwaiti aomata ake a noriia aomata iaontano

A mwaiti aomata aika roko n aia auti te uea n aine ma te uea. A rang ni kubanako bwa a taraa n mate te uea n aine, te uea, ao ni kabane aia toro.

Aramwa 19:18

a kauntaeka aomata

A minotaki aomata. A kauntaekaa te bwai are e riki nakon te uea n aine ma te uea.

Aramwa 19:19–21

Abiti e katorobubua n tautaua bain te uea n aine

Ngke e oki Abiti, e noriia aomata ni kauntaeka. E nanokawaki bwa aki noora mwaakan te Atua. E anaa bain te uea n aine, ao e teirake te uea n aine ao n neboa Iesu.

Aramwa 19:28–29

te uea ao te uea n aine a tei ma Abiti ao Amon

Te uea n aine e anaa bain buuna, ao e teirake. Te uea tuangiia aomata taekan Iesu. Ngkanne Amon ma taian toro ake tabeman a teirake naba. A tuangiia aomata bwa e a bitaki iroun Iesu. Ngkai a tangiria n ti karaoi bwaai aika raraoi. A mwaiti aomata aika a kakoauaiia.

Aramwa 19:29–36

Abiti, te uea n aine, ao te uea a mataku n te bwabetito

N ai aron are e kantaningaia Abiti, aomata a noora mwaakan te Atua. A mwaiti aomata aika a kakoauaa Iesu ao a bwabetitoaki. Iai Tamnein te Atua irouia. A katea naba te Ekaretia n abaia. A noria bwa Iesu e buokiia ake a rairi nanoia ao ni Kakoauaa.

Aramwa 19:17, 31, 35–36