“Itimaera ma Ana Utu,” Karaki man Ana Boki Moomon (2023)
Itimaera ma Ana Utu
A kaaina te mwananga nakon te aba ni berita
Riaai ao Tiera a tiku tii ngaiia inanon te rereua. Te bong teuana, e tua te Uea nakon Riaai bwa e na kanakoia natina mwaane aika, Reimwan, Remuera, Taam, ao Nibwaai, nako Ierutarem. A na nako n tuanga Itimaera ma ana utu bwa a na raoniia. A na uaia ni maeka ao ni kaikawaia natiia n te aba ni berita.
Itimaera ma ana utu a tangiria ni kan iriira te Uea. A kakoaua bwa e tangiriia te Uea bwa a na raoniia ana utu Riaai ao Tiera. A rineia bwa a na kitana Ierutarem ao ni kaitibo ma Riaai n te rereua.
Iaon kawaia, tabeman mai ibuakoia a rawa ni kan kairaki. A tangiria ni kan okira mwengaia. E tuangiia Nibwaai bwa a na onimakina te Uea.
E taekinna Nibwaai bwa ngkana a onimakina te Uea ao e na buokiia ni bwaai nako. Ma a un Reimwan ao Remuera. A kabaea Nibwaai ao n tangiria bwa a na kitanna n te rereua.
E tataro Nibwaai ibukin buokana. E a moanna ni bwaranako te roobu, ao e a teirake Nibwaai. Ma Reimwan ao Remuera a teimatoa nanoia ni kan kammarakia. Temanna mai ibuakoia natin Itimaera aine e kamanoa Nibwaai. Tinana ao temanna mai ibuakoia tarina a irantaangaia. Reimwan ao Remuera a kakauongo nakoia ao n toki man kataan kamarakan Nibwaai.
Reimwan ao Remuera a namakina te rawawata i mwiin te bwai are a tia ni karaoia. A kabwara aia bure nakon Nibwaai. Nibwaai e kabwarai aia bure tarina. I mwiina ao a katorobubua Reimwan ao Remuera ao ni bubuti nakon te Uea kabwaraakin aia bure.
A reitanako kawaia ao n roko n aia umwanrianna Riaai ao Tiera. N tokin te tai, ao a uaia n ikotaki utu aika uoua aikai. A kaaitaua te Uea ao n nebonebo Nakoina.