3 Nibwaai 28; 4 Nibwaai 1

E Okira Tamana Iesu

E tabeakinia ana reirei imwain E kitaniia

Iesu e tia reireinia aomata Ana euangkerio. E reireiniia bwa a na tangira te Atua ao n beku ibukiia raoia. E kaan te tai, are Iesu ena okira iai Tamana. E tuangiia ana reirei bwa ana kateimatoa reiakinia aomata ngkana E nako.

3 Nibwaai 11:41; 28:1

Imwain ae kitaniia, Iesu e titirakinia ana reirei bwa tera a tangiria bwa e na karaoia ibukiia. Angiia ana reirei a taekinna ae a kan maeka ma Iesu imwiin banen tabeia ibukina iaon te aba. Iesu e berita nakoia bwa ana maeka ma ngaia imwiin mateia.

3 Nibwaai 28:1–3

Teniman ana reirei a nanokawaki ibukina bwa a raraoma n tuanga Iesu te bwai ae a tangiria. Ma E ataia Iesu te bwai ae a tangiria mai irouna. A tangiria n maeu n karokoa manga kauaokin n roko te Tia Kamaeu bwa aonga n konaa n buokiia aika mwaiti riki aomata n roko nakon Iesu.

3 Nibwaai 28:4–7, 9

Iesu e berita nakoi bwa ana aki mate. Ana tiku iaon te aba n buokia aomata n kairia nakoina n karokoa manga okina te kauaoki.

3 Nibwaai 28:7–11

Iesu e ringiia ana reirei n tatabemaniia nako ma tabon baina n katikuia n aki ringia ake teniman ake a kan tiku. Ngkanne Iesu e kitaniia ao n okira Tamana are ikarawa.

3 Nibwaai 28:1, 12

Imwiin anne, e uki karawa ao reirei ake teniman a uotaki rake nako karawa. Ao a noori man ongo bwaai aika kamimi ao a tuangaki bwa anaaki tataekini. Rabwataia a bitaki n te aro are ana aki kona ni mate ke n namakina te maraki.

3 Nibwaai 28:13–15, 36–40

Ana reirei a oki rikaaki ao n reita reireiaia aomata taekan Iesu. Aomata a tangiria n ira Iesu ao a bwabetitoaki nako nanon ana Ekaretia. Ana tangira te Atua e mena inanoia, ao a tibwatibwai bwaai n kabane are iai irouia imarenaia. A kukurei, ao te Atua e kakabwaiaia. E kaania 200 te ririki maekaia inanon te rau.

3 Nibwaai 28:16–18, 23; 4 Nibwaai 1:1–23