1 Nibwaai 16

Te Riaona ao Kainikatebe aika a Uruaki

Ukoukora ana Buoka te Uea

utu aika a tekateka ni katobibia te ai ae ura

Ana utu Riaai ao Itimaera a mwananga inanon te rereua inanon ririki aika s bati. E buokiia te Uea n tokanikai n rinanon aaba nako. A na bon riai kakaei ao n rikorikoi kanaia i aon kawaia. Bon te mwananga ae karawawata.

1 Nibwaai 16:14; 17:1–4

E taraa otin taai Riaai

E berita te Uea bwa e na kairiia aia utu nakon te aba ae tamaroa ngkana a kawakin ana tua. A aki ataa te kawai bwa a na kanga ni kunea te aba anne, ma bon Ngaia are e na kairiia.

1 Nibwaai 2:20; 10:13; 17:13–14

E tautaua te Riaona Riaai

Te ingabong teuana, e kubanako Riaai ngke e a ti kunea naba te booro ae buraati i tinanikun ana umwanrianna. Te booro aei e aranaki bwa te Riaona. Inanon te Riaona, bon te kainikoto are e na kotea kawaia kain te kurubu nakon aia tabo are a na nako iai. N tabetai ao a kunei ana rongorongo te Uea are a koreaki i aon te Riaona. Aio bon ana anga te Uea ni kairiia.

1 Nibwaai 16:10, 16, 26–29; Aramwa 37:38

Nibwaai ma ana kainikatebe ae uruaki ao Reimwan ao Remuera a ngurengure

N te taina ngke e tabe ni kaeman Nibwaai, e a tii uruaki naba ana kainikatebe. A aki kona n reke kanaia n aia utu ngkai e a uruaki. Tarin Nibwaai a un irouna ao te Uea.

1 Nibwaai 16:18–21

E tautaua ana kainikatebe Nibwaai ao e mata n aki kukurei Riaai

A bon bane ni kua ao ni baki. Tabeman mai ibuakoia a rootaki n te rawawata ao ni ngurengure. A nanokawaaki ngkai a nang boranibaki. Riaai naba e ngurengure nakon te Uea.

1 Nibwaai 16:19–22, 35

E taua te aama ao te unika Nibwaai

E karaoa te kai ni katebe ae boou Nibwaai man te kai. Iai ana onimaki bwa e na bon buokaki iroun Tamana are i Karawa ni karekea kanaia.

1 Nibwaai 16:23

A taraa te Riaona Riaai ao Nibwaai

Nibwaai e tuanga Riaai te tabo are e na nako ni karekea iai te amwarake. E kabwara ana bure Riai ngke e ngurengure. E raira nanona ao ni butiia te Uea ana ibuobuoki. E tua te Uea nakon Riaai bwa e na taraa te Riaona. E mwakoro te rongorongo i aona. A reiakinna utu aikai bwa e bon tii kona ni mwakuri te Riaona ngkana a onimakina te Uea ao n ongeaba ni kawakin tuua.

1 Nibwaai 16:23–29

A matakuakina Nibwaai kain ana utu Riaai ngke e uouota te man are e katebea

N tabetai ao e ibibita te rongorongo te Uea are i aon te Riaona ni buokiia inanon mwanangaia. E buoka Nibwaai te Riaona ni kotea te tabo are e na reke iai te amwarake. E uota n oki te amwarake, ao a bon bane ni kukurei. A raira nanoia ao ni kakaitau nakon te Uea.

1 Nibwaai 16:28–32