E Kakabwaiaia Ataei Iesu

E kaota ana tangira nakoia

Iesu Kristo e tei iaon te kaitamwarake nte tembora ao n taetae nakoia aomata

Iesu Kristo e tia n reireinia aomata bwaai aika a bati. E nooria bwa a tangira te tai bwa ana iangoi bwaai ake a tia n reiakini. E tuangia bwa okiri mwengaia ao n tataro nakon te Tama are i Karawa bwa ana karekea te oota nte bwai are E tia n reireia. Ngkanne Iesu e berita nakoia ena kawaria nte bong are imwiina.

3 Nephi 17:1–4

Iesu Kristo e Wingare ao e tabeki baina i eta

A tang aomata ibukin a tangira Iesu bwa ena tiku riki n kamanna. Iesu e tangiria aomata. E konaa n nooria bwa aia onimaki e bon rang korakora. E tuangiia bwa ana kaira nakoina ae e aoraki ke maraki n te aro teuana. E tangiria n buokiia n tabemania nako.

3 Nephi 17:5–8

Iesu Kristo e buoka te tetei ae uarereke ae e aoraki, ao ataei tabeman irarikina a wingare

Aomata a roko nakoina ma kain aia utu ae e aoraki ma raraoia. Iesu e kamauia man aorakia n kabaneia akekei. A bon rang kukurei. A katorobubua ao n kiss waena.

3 Nibwaai 17:9–10

Iesu Kristo e taetae nakon tetei, ao aomata a roko nakoin Iesu ma natiia

E tuangiia bwa ana uotiia natiia aika a uarereke Nakoina. Aomata a uotii natiia ao katikua iaontano n katobibia Iesu.

3 Nibwaai 17:11–12

Iesu Kristo e katorobubua ao n tataro, ao ataei ao ikawai a katorobubua n katobibia n tataro

Imwiin rokoia ataei ni kabane irarikina, Iesu e tuangia bwa ana katorobubua iaon tano. E katorobubua naba. Ngkanne e tataro nakon te Tama are i Karawa. E taekini bwaai aika a arang kamimi nte aro are aikoa konaa koreaki miin ana taeka. Aomata a kaonaki nte kukurei.

3 Nibwaai 17:13–18

E wiingare Iesu Kristo, ao e tim te ran ni mata man matana

E tuangiia Iesu aomata bwa a kakabwaiaki ibukin aia onimaki irouna. Iesu e namakina te kukurei ae korakora e rootia te tang.

3 Nibwaai 17:19–21

Iesu Kristo e inga ma tetei, ao ataei irarikina a wiingare

Ngkanne Iesu e kakabwaiaia ataei temanna imwiin temanna. E tataro nakon te Tama are i Karawa ibukiia n kabane. Ao e tuangiia aomata bwa ana taraiia natia.

3 Nibwaai 17:21–23

E taetae Iesu Kristo nakoia ataei, ao anera a ruo mai karawa ao n bootia n katobibia ataei

Anera a ruo mai karawa ao a bootia n katobibia ataei. Ngke a kakabwaiaia ataei anera, otan karawa e otabwaninia. N te bong are imwiina, Iesu e kaitibo ma ataei ao n kakabwaia riki. E kakabwaiaia naba ataei bwa ana konaa n taetae. Ataei aika a uarereke a taetae. Ataei a reireinia aia karo bwaai aika a kamimi.

3 Nibwaai 17:23–25; 26:14, 16