“Riaai ao Tiera a Kitana Ierutarem Karaki man Ana Boki Moomon (2023)
“Riaai ao Tiera a Kitana Ierutarem Karaki man Ana Boki Moomon
Riaai ao Tiera a Kitana Ierutarem
Ana Kauring te Uea nakon aia Utu
Riaai ao Tiera a Kitana Ierutarem ma natiia. E karekea te kaotioti Riaai mai iroun te Uea. E nooria naba bwa n te bong teuana ao e na roko te Tia Kamaiu nakon te aonaaba. E kaotioti naba nakoina te Uea bwa e na kamaunaaki Ierutarem.
E tuangia aomata Riaai taekan te kaotioti are nooria. E tuangiia bwa e na roko Iesu Kristo n te bong teuana bwa e na kamaiua te aonaaba.
E tuangiia naba aomata Riaai bwa e na kamaunaaki Ieurtarem. E kaoiia bwa na raira nanoia.
A un aomata. E a manga taetae riki te Uea nakon Riaai rinanon te mii. E reiakinna Riaai bwa e bon aki mano ma ana utu i Ierutarem. A riai ni kitanna.
A ongeaba Riaai ao Tiera iroun te Uea. A kitana te kaawa ma aia utu. Iai aman natiia mwaane Riaai ao Tiera ao araia bon Reimwan, Remuera, Taam, ao Nibwaai. A kitana mwengaia ma aia bwai ake a mamateakini.
A mwananga ma aia utu inanon te rereua are uakaan ma Taari are Uraura. E kaaitaua te Uea Riaai ibukin ana kakabwaia nakoia ana utu. E reireiniia ana utu bwa a na iriira te Uea ao n kawakin Ana Tua.
A ngurengure Reimwan ao Remuera. E roko urungakin mwengaia ao kaubwaia ni kabane ake a tiku i mwiia. A aki oota bwa e aera ngkai a na tuangaki iroun te Uea bwa na mwaing nako. A bon aki kakoaua ae te kaawa ae korakora ae Ierutarem e na kamaunaaki.
Reimwan ao Remuera a bukina Riaai bwa e a bon waakina kanoan ana iango ao ni bukinna bwa te kaotioti. Ao ngkana arona bwa ti a bua ma ara utu n aki toki inanon te rereua?
E tangiria Nibwaai ni kan ataia i bon irouna koauan te bwai are e taekinna Riaai. E tataro ao n titirakina te Uea.
E kanakoa te Tamnei ae Raoiroi te Uea bwa e na buoka Nibwaai ni kakoauai ana taeka tamana. E kakoaua te Uea Nibwaai ao n tibwaa te bwai are e reiakinna nakoia tarina. E kakauongo Taam nakon Nibwaai ao ni kakoaua, ma a bon aki kan ongo Reimwan ao Remuera.