Aramwa 30

Aramwa ao Korioa

Te onimaki bwa e koaua te Atua

Te mmwane ae arana Korioa e roko n te aba ae aranaki bwa Taraemera. E tuangiia aomata bwa aki maiu te Atua ao Iesu Kristo.

Aramwa 30:6, 12, 37– 38, 45

E taku Korioa bwa aomata a ti kona ni kakoauaa te bwai ngkana a noria. E bwainingareia aomata ake a kakoauaa Iesu.

Aramwa 30:13–16

E taku Korioa bwa aomata aki kainnanoa ana tua te Atua. E taku bwa aomata a kona ni karaoi bwaai ake a tangirii. A mwaiti aomata ake a kakoauaa. A rineia bwa ana karaoi mwakuri aika buakaka.

Aramwa 30:17–18

Korioa e kataia n reireiniia taian Aentaai-Nibwaai-Riaai, ma a bon aki kakoauaa. A kabaea ao a kanakoa. E manga nakon te aba ae aranaki bwa Kiteon. Aomata n te tabo aio a kabaea naba. A kanakoa nakon Aramwa.

Aramwa 30:19–29

Korioa e tuanga Aramwa bwa bon akea te Atua. E taekinna bwa Aramwa ma ibonga ake tabeman a kekeweniia aomata. Korioa e taku bwa a kairiia aomata nakon kateia aika a burababa. E taku naba bwa a anai aia mwane aomata. Aramwa e ataia bwa bon te kewe aio. E kakoauaa te Atua ao Iesu.

Aramwa 30:30–40

Aramwa e taku bwa burabeti ao ni kabane iaon te aba a buokiia aomata n kakoaua bwa e bon maiu te Atua. Korioa e tangira te kakoaua. Aramwa e taku bwa e na angan Korioa te kakoaua. E taku bwa te Atua e na karaoa Korioa bwa e na aki taetae. Imwiin naba are e taekina aio Aramwa, e aki naba kona n taetae Korioa.

Aramwa 30:41–50

E koreia Korioa bwa e ataia bwa e maiu te Atua. E bon kaman ataia. E koreia bwa e a tia ni kamwaneaki iroun te riaboro. Te riaboro e tuanga Korioa bwa e na taetaekina te kewe ibukin te Atua ao Iesu. Ngke ataa te koaua aomata ibukin Korioa, a aki kakoauai ana reirei. A rairi nanoia ao a manga moana iriiran Iesu.

Aramwa 30:52–53, 57–58