“Raica, koi Au ko Jisu Karisito ka ra a vakadinadinataka na parofita ni na lako mai ki vuravura (3 Nifai 11:10). Ena vosa eso oqo, sa vakatakilai Koya kina na iVakabula vakaturi cake tale, ka vakataucokotaki tu na parofisai ni iVola i Momani ena na 600 vakacaca na yabaki. “Na rairai mai kei na ka e cauraki oya,” a vola o Elder Jeffrey R. Holland, “sa vakadeitaka na raiyawa, na gauna cecere, ena ivola tukutuku taucoko ni Vola i Momani. Sai koya na ivakaraitaki kei na ivakaro esa tukuna ka vakauqeta tu na parofita ni Nifaiti kecega. … Era sa veitalanoataki koya kecega, seretaki koya, tadrai koya, ka masulaka na nona rairai mai— ia sa tiko dina oqo o koya. Na siga ni veisiga! Na Kalou ka vukica na butobuto ni bogi kecega ki na rarama ni mataka sa basika tu” (Karisito kei na Veiyalayalati Vou [1997], 250–51).
Raica talega “Jesus Christ Appears in the Ancient Americas” (vidio), Gospel Library.
O rawa ni siqema na ulutaga era semati kina butobuto kei na rarama sa tukuni wasoma tu ena 3 Nifai 8–11. Na cava o vulica mai na veiwase oqo me baleta na rarama kei na butobuto vakayalo? (raica, me ivakaraitaki, 3 Nifai 8:19–23; 9:18; 10:9–13). Na cava e kauta mai na butobuto ki na nomu bula? Na cava e kauta mai na rarama? Cava na vuna o nanuma ni sa vakatakilai Koya kina na iVakabula me “rarama kei na bula kei vuravura” (3 Nifai 9:18; 11:11).
Na veika e vakamacalataki ena 3 Nifai 9–11 sa ra ka tabu sara ena iVola i Momani. Wiliki ira vakamalua, ka tugana vakamatau. Oqo eso na taro me vukei iko. Navuca ni vola na veivakauqeti era basika vei iko.
Ena vakacava tu na ka au vakila keu a maliwai ira na tamata oqo?
Na cava e vakauqeti au me baleta na iVakabula ena veiwase oqo?
Au kila vakacava ni sa noqu iVakabula o Jisu Karisito?.
A tukuna o Elder Neil L. Andersen, “Au vakadinadinataka ni sa rawata ka cikeva na iVakabula me vosota na noda ivalavala ca“ (“Dou veivutuni … Meu Vakabulai Iko; Liaona, Nove. 2009, 40). Vakaraica na 3 Nifai 9–10 ena vakadinadina ni cikecike i Karisito me vosota. Na cava o raica ena 3 Nifai 9:13–22; 10:1–6 e vukei iko tu ni nanuma na Nona loloma kei na loloma veivueti? Na gauna cava o sa vakilai Koya kina ni “vakasoqoni” ka “maroroi” iko? (raica na 3 Nifai 10:4).
Sa gadreva na Turaga “na yalo sa raramusumusu ka bibivoro.”
Ni bera na lako mai ni iVakabula, na isoro manumanu sa ivakatakarakara tu ni isoro i Jisu Karisito (raica na Mosese 5:5–8). Na vunau vou cava a solia na iVakabula ena 3 Nifai 9:20–22? E dusimaki keda vakacava tu ki Vua kei na Nona isoro?
Na cava na kena ibalebale vei iko na cabori ni soro e yalo raramusumusu ka bibivoro? Cava na vuna o nanuma kina ni sa vinakata na iVakabula na isoro oqo mai vei iko?
Au rawa ni vulica meu rogoca ka kila vakamatata na domo ni Kalou.
O kila vakacava na gauna e vosa tiko kina vei iko na Kalou? De na rawa ni vukei iko na ka era sotava na tamata ena 3 Nifai 11:1–8 mo kila vakamatata eso na ivakavuvuli ni kena rogoci ka kilai na domo ni Kalou. O rawa ni raica na ivakarau ni domo ni Kalou era a rogoca na tamata kei na ka era kitaka me kilai vakavinaka kina.
Ena yaga talega mo rogoci ira na parofita, apositolo, kei na iliuliu ni Lotu tale eso ena gauna oqo ka tiko vei ra na kila ena rogoci kei na muri ni domo ni Kalou. E vica vei ira sa wasea na ka era sotava ena kumuni ni vidioi “Rogoci Koya!” ena Valenivola ni Kosipeli. Navuca mo sarava e dua se sivia.
O na tutaka vakacava na ka o sa vulica mo rogoca ka kila vakalevu kina na domo ni Kalou?
Raici Russell M. Nelson talega, “Rogoci Koya,” Liaona, Me 2020, 88–92; “This Is My Beloved Son,” Children’s Songbook, 76; Ulutaga ni Kosipeli, “iVakatakila Yadua,” Valenivola ni Kosipeli.
iVakatakilakila
Vakaraitaka tiko o Jisu na mawe ni vako e ligana vei ira na Nifaiti
Sa sureti au o Jisu Karisito meu rawata na noqu vakadinadina me baleti Koya.
Rauta ni 2,500 na tamata a soqoni vata ena valetabu e Vanuasautu ni sa rairai mai o Jisu Karisito (raica na 3 Nifai 17:25). Veitalia na iwiliwili levu oqo, a sureti ira “yadudua” na iVakabula” mera vakila na mawe ni vako e Ligana kei na Yavana (3 Nifai 11:14–15). Nio wiliwili, raitayaloyalotaka se na bau vakacava tu mo tiko e kea. Na sala cava so sa sureti iko tiko kina na iVakabula mo “tucake ka lako mai vei” Koya? (3 Nifai 11:14).
Me baleta na vakasama tale eso, raica na ilavelave ni vula oqo ni Liaona kei na mekasini Me iSakisaki ni iTabagone .
Niu tiko ena butobuto, sa rawa ni noqu rarama o Jisu Karisito.
Me vukei ira na luvemu ni semata na veika e sotavi e vakamacalataki tu ena 3 Nifai 8–9, sa rawa ni o tukuna tale se vakarorogo ki na katoni ni veiwase oqo ena dua na rumu butobuto. Veivosakitaka se na bau vakacava tu mo tiko ena butobuto me tolu na siga. Rawa ni o qai tukuna na vuna a vakatokai Koya kina o Jisu Karisito na Rarama kei Vuravura (raica na 3 Nifai 9:18). Na cava e sureta o Jisu mera cakava na tamata, kei keda, me rawa ni noda rarama tu o Koya? (raica na 3 Nifai 9:20–22).
Sa taqomaki ira na Nona tamata o Jisu me vaka na toa sa taqomaki ira na luvena.
Na vakasamataki ni toa e vakasokomuni ira tiko na luvena sa rawa ni dua na yaya ni veivakatavulici kaukauwa me vukei ira na gone ni kila vakamatata na ivakarau ni bula kei na ilesilesi ni iVakabula. O rawa ni wilika na 3 Nifai 10:4–6 ni raica tu na nomu matavuvale na yaloyalo ni dua na toa kei ira na luvena. Cava na vuna e gadreva kina na toa me sokomuni ira na luvena? Cava na vuna e vinakata kina na iVakabula me sokomuni keda voleka vua? Eda lako vakacava ki Vua meda taqomaki?
O na vukea vakacava na luvemu me ra vakila na Yalotabu ena nomuni wilika vata na 3 Nifai 11:1–15 ? De na rawa ni o kerea me ra tukuna vei iko ni ra raica e dua na ka ena veitikina oqo e vukei ira ni vakila na loloma ni Kalou. O rawa ni cakava vakakina ki na yaloyalo eso ena ituvatuva oqo se na vidio “Jesus Christ Appears at the Temple” (Gospel Library). Tukuna vei ira na luvemu na ka o vakila ni o wilika ka tugana na veika oqo. Me ra qai wasea talega na nodra nanuma.
De na rawa ni o wilika eso na tikina oqo ena “domo [malumu], lailai” (3 Nifai 11:3). Se rawa ni o vakatagitaka malua na katoni ni dua na sere vaka na “This Is My Beloved Son” (Children’s Songbook, 76) me dredre tu na kena rogoci. Na cava mera cakava tu na tamata me kilai kina vakamatata na domo mai lomalagi? (raica na tikina e 5–7). Na cava eda vulica mai na ka era sotava oqo?
Ni o wilika na 3 Nifai 11:21–26, rawa ni o sureta na luvemu mera tucake ena veigauna era rogoca kina na vosa papitaiso. Na cava e vakatavulica o Jisu me baleta na veipapitaisotaki? Ke ra sa raica taumada na luvemu na veipapitaisotaki, kerea mera vakamacalataka na ka era raica. Cava na vuna e vinakata kina o Jisu meda papitaisotaki?
Me baleta na vakasama tale eso, raica na ilavelave ni vula oqo ni mekasini Friend .