Katolu ni Nifai: Na Tinikarua Oqo Kau Sa Digitaka, mai vei Gary L. Kapp

Sepiteba 30–Okotova 6: “Koi Au na Lawa, kei na Rarama”

3 Nifai 12–16

Vakataki ira na tisaipeli i Jisu ka soqoni tu mera rogoca na Vunau ena Ulunivanua e Kalili, era sa bulataka tu na tamata ka soqoni ena valetabu e Vanuasautu na lawa i Mosese. Era muria tu baleta ni sa dusia na yalodra kivei Karisito (raica na Jekope 4:5), ka sa duri tu oqo e matadra o Karisito, ka cauraka tiko na lawa cecere cake. Ia o keda mada ga ka sega ni bulataka tu na lawa i Mosese sa rawa ni vakila na ivakatagedegede a biuta tu o Jisu vei ira na Nona tisaipeli esa cecere. “Au sa gadreva mo dou vinaka sara,” a kaya o Koya (3 Nifai 12:48). Kevaka e vakayalolailaitaki iko na ka oqo, nanuma ni a kaya talega o Jisu, “Sa kalougata ko ira sa yalomalumalumu ka lako mai vei au, ni sa nodra na matanitu vakalomalagi” (3 Nifai 12:3). E sa veisureti na lawa cecere cake oqo—e dua tale na sala ni kaya “lako mai vei au mo dou vakabulai” (3 Nifai 12:20). Vakataka na lawa i Mosese, na lawa oqo sa dusimaki keda kivei Karisito—o Koya ga ka rawa ni vakabulai ka vakataucokotaki keda. “Raica,” sa kaya ko Koya, “koi Au na lawa, kei na rarama. Ni muri au, ka vosota me yacova na ivakataotioti, mo ni bula kina” (3 Nifai 15:9).

Vakasama eso ni Vuli ena iTikotiko kei na Lotu

3 Nifai 12–14

Au sa rawa ni tisaipeli dina i Jisu Karisito.

Oqo e dua na sala me vulici ka tutaki kina na ka a vakatavulica na iVakabula ena 3 Nephi 12–14: Digitaka na ilawa tikina eso ka raica ke o rawa ni vakalekalekataki ira ena dua na yatuvosa e tekivu tu ena “Na tisaipeli dina i Jisu Karisito …” Me ivakaraitaki, na ivakaleka ni 3 Nifai 13:1–8 e rawa ni “Na tisaipeli dina i Jisu Karisito e sega ni qara na vakacaucau e matana levu ena caka vinaka.” Tovolea ena veimalanivosa oqo:

• 12:3–16:

• 12:38–44:

• 13:19–24:

• 14:1–5:

• 14:21–27:

• Malanivosa tale eso e vakauqeti iko

Ni oti na wiliki ni veitikina oqo, na cava o sa vakauqeti tu ni cakava mo muri Jisu Karisito kina?

Na vunau ena 3 Nifai 12:48 e rawa ni veivakadrukai—ka na sega ni rawa sara. Na cava o vulica mai na itukutuku i Elder Jeffrey R. Holland “O Koya Mo Dou Qai Vinaka Sara—Vakaoti” (Liaona, Nove. 2017, 40–42) e sa vukei iko ni kila vakamatata na vosa ni iVakabula ena tikina oqo? Ena Moronai 10:32–33, na cava e vakavuna meda vinaka sara tu vakataka na iVakabula?

Raici Dallin H. Oaks talega, “The Challenge to Become,” Ensign, Nov. 2000, 32–34; Ulutaga ni Kosipeli, “Yaco mo vakataki Jisu Karisito,” Valenivola ni Kosipeli; “Turaga Meu na Muri Kemuni,” Sere ni Lotu, naba 129; “Jesus Christ Teaches How to Live the Higher Law” (vidio), Valenivola ni Kosipeli.

Vakayagataka na lesoni vakaraitaki. A vakatavulica na iVakabula na veika dina momona ena vakayagataki ni yaya raici kilai vinaka eso. O rawa ni cakava e dua na ka vaka ga oya ni o vulica se vakavulica na 3 Nifai 12. Na raici se tauri tu ni so na masima, kadrala, se kote sa rawa ni vakavurea na veivosaki ni veika dina tawamudu a vakatavulica na iVakabula.

3 Nifai 12:1–2; 15:23–24; 16:1–6

Sa kalougata ko ira sa vakabauta ka sega ni raica.

E lailai sara na luve ni Kalou sa raica na iVakabula ka rogoca na domona, me vaka a yaco vei ira na tamata e Vanuasautu. E levu vei keda sa vakataki ira tu na tamata e vakamacalataki ena 3 Nifai 12:2; 15:23; kei na 16:4–6.. Na yalayala cava so sa caka vei ira na tamata vakaoqo ena veitikina oqo? Era sa vakayacori vakacava na veiyalayala oqo ki na nomu bula?

Raica talega na Joni 20:26–29; 2 Nifai 26:12–13; Alama 32:16–18.

3 Nifai 12:21–30; 13:1–8, 16–18; 14:21–23.

Au rawa ni segata meu vakasavasavataka na gagadre ni lomaqu.

Dua na itoko o rawa ni siqema ena veiwase oqo oya na veisureti ni iVakabula me bulataki na lawa cecere—me da buladodonu sega walega ena noda ivalavala ia ena lomada talega. Vakaraica na itoko oqo ni vosa tu na iVakabula me baleta na veileti (3 Nifai 12:21–26), bula savasava (3 Nifai 12:27–30), masu (3 Nifai 13:5–8), kei na lolo (3 Nifai 13:16–18). Na ivakaraitaki cava tale eso o rawa ni raica? Na cava o rawa ni cakava me vakasavasavataki kina na gagadre ni lomamu?

3 Nifai 14:7–11

Ena solia vei au na Tamada Vakalomalagi na veika vinaka niu kerekere, vakasaqaqara, ka tukituki.

Ni o wilika na veisureti ni iVakabula ena 3 Nifai 14:7–11 mo kerekere, vakasaqaqara, ka tukituki, vakasamataka vagumatua na “ka vinaka” cava so ena vinakata tu o Koya mo kerea. Na ikuri ni ivolanikalou oqo sa rawa ni veivuke mo kila vakamatata kina na ivakarau ni kerekere, vakasaqaqara, kei na tukituki. Era rawa talega ni veivuke ni vakamacalataka na vuna e sega ni dau saumi kina na masu eso o namaka: Aisea 55:8–9; Ilamani 10:4–5; Moronai 7:26–27, 33, 37; kei na Vunau kei na Veiyalayalati 9:7–9; 88:64. E rawa ni ra-wa vakacava na veitikina oqo na ivakarau o kerekere, vakasaqaqara, ka tukituki kina?

Raici Milton Camargo talega, “Kerekere, Vakasaqaqara, ka Tukituki,” Liaona, Nove. 2020, 106–8.

Me baleta na vakasama tale eso, raica na ilavelave ni vula oqo ni Liaona kei na mekasini Me iSakisaki ni iTabagone .

Vakasama eso ni Nodra Vakatavulici na Gonelalai

3 Nifai 12:14–16

Au rawa ni vakaraitaki vinaka tu niu muri Jisu.

• Eso na gauna era na sega ni kila na gone na levu ni kena rawa ni vakalougatataki ira na tani na nodra ivakaraitaki. Vakayagataka na 3 Nifai 12:14–16 me vakauqeti ira ni vakacaudreva na nodra rarama. Me ivakaraitaki, ni o wilika na “iko” se “nomu” ena veitikina oqo, kerea na luvemu me ra dusi ira vakataki ira. Tukuna vei ira na gone na rarama o raica vei ira ni ra muri Jisu Karisito kei na sala esa vakauqeti iko kina mo muri Koya talega. Ni rawa ni lagata vata talega na sere e vakauqeta tu na gone me ra serau vaka na rarama, vakataka na “I Am like a Star” (Children’s Songbook, 163).

• Me vakauqeta na luvemu me ra kakua ni vunitaka na nodra rarama (raica na 3 Nifai 12:15), raica mera veivukevuke ni vunitaka se ubia e dua na cina se rarama tale eso. Era rawa ni cereka na rarama ena gauna ga era vakayacana kina e dua na ka era rawa ni cakava me ra ivakaraitaki vinaka kina vei ira na tani.

3 Nifai 13:19–21

“Kumuna vata vei kemuni na iyau mai lomalagi.”

• Na wiliki ni veitikina oqo sa rawa ni uqeta na veivosakitaki ni veika eda vakamareqeta. Sa rawa ni o liutaki ira na luvemu ena dua na vakasaqaqara iyau me laurai kina na veika e vakananumi ira ena iyau eso e yaga tawamudu.

3 Nifai 14:7–11

Sa sauma tu na noqu masu na Tamada Vakalomalagi.

• Ni o wilika na 3 Nifai 14:7, rawa ni ra cakava na luvemu eso na ka e matataka vakayadua na veisureti ni iVakabula ena tikina oqo. Me ivakaraitaki, era rawa ni laveta na ligadra (kerekere), vakadodorairai ena ligadra (vakasaqaqara), se vakalecalecava ni ra tukituki ena katuba (tukituki). Vukea na luvemu me ra vakasamataka na veika era rawa ni kaya ka kerea tu ena nodra masu.

• Rawa ni ra marautaka na luvemu e dua na qito era taroga tu kina e dua na ka ka ciqoma e dua tani sara na ka. Ena 3 Nifai 14:7–11, na cava e vinakata na iVakabula meda kila me baleta na Tamada mai Lomalagi?

3 Nifai 14:21–27; 15:1

Sa vinakata na iVakabula me’u rogoca ka cakava na ka e vakatavulica.

• Vakasamataka na sala eso o rawa ni vukea kina na luvemu me ra raitayaloyalotaka na vosa vakatautauvata ena veitikina oqo. De rawa ni ra droinitaka na yaloyalo eso, vakatasuasua, se tara eso na ka ena yavu kaukauwa ka nukunuku eso. Era rawa talega ni sosomitaka na yacadra me “tamata vuku” ni ra wilika na 3 Nifai 14:24–27 se lagata “The Wise Man and the Foolish Man” (Children’s Songbook, 281). Se rawa ni ra tucake ena veigauna era rogoca kina na vosa “dau kitaka” ena 3 Nifai 14:21–27 kei na 15:1.

• Oqo e dua na lesoni vakaraitaki o rawa ni tovolea: kerea na luvemu me ra raitayaloyalotaka ni matataka tu e dua na yavadra na rogoci ni vosa ni iVakabula kei na kena kadua e matataka na vakayacori ni ka e vakatavulica na iVakabula. Sureta na luvemu me ra tovolea ni duri rawa tu ena yavadra “rogoci” walega. Na cava ena yaco kevaka e liwa curuma na rumu e dua na cagi kaukauwa? Sa rawa ni o qai vakaraica kei ira na luvemu na veika a vakatavulici keda vakatabakidua kina na iVakabula meda cakava: raica na 3 Nifai 12:3–12, 21–26; 13:5–8.

Me baleta na vakasama tale eso, raica na ilavelave ni vula oqo ni mekasini Friend .

Na Veisiko ni iVakabula kivei Ira na Tamata e Amerika,, mai vei Glen S. Hopkinson