Pole ya Elongi na Ye Engengaki Likolo na Bango, by Gary L. Kapp

Sanza ya zomi 7–13: “Tala, Esengo na Ngai Ezali ya Kotonda”

3 Nefi 17–19

Yesu Klisto alekisaki mokolo na koteyaka na mabele ya Beboo, koteyaka nsango malamu na Ye, kotikaka bato bamona mpe basimba bilembo na nzoto na Ye ya bosekwi, mpe kotatolaka ete Ye azalaki Mobikisi oyo alakamaki. Sikawa ezalaki ntango ya kokende. “Ntango na ngai ebelemi,” Alobaki (3 Nefi 17:1). Akomaki mpembeni ya kozonga epai ya Tata na Ye, mpe Ye ayebaki ete bato bazalaki na mposa ya ntango mpo na komanyola maye Ye ateyaki. Lokola, alakaki kozonga mokolo elandi, Ye azongisaki ebele ya bato na bandako na bango. Kasi moto moko te akendaki. Balobaki te nini bazalaki koyoka, kasi Yesu akokaki kososola yango: balikiaki Ye akoka “kotikala na bango mwa moke” (3 Nefi 17:5). Azalaki na makambo ya motuya mosusu ya kosala, kasi kolakisaka mawa na bana ya Nzambe ezali ntango nyonso likambo ya katia esika ya liboso epai na Ye. Yango wana Yesu atikalaki ntango molai moke. Oyo elandaki ezalaki ntango mosusu ndakisa ya bosembo koleka ya kosalisa ekomama na kati ya makomi. Baoyo bazalaki wana bakokaki koloba kaka ezalaki eloko ezanga ndimbola (tala 3 Nefi 17:16–17). Yesu Ye moko alobaki na mokuse bosopani ya molimo ezangi mwango na maloba ya pete mpe ya nguya oyo: “Sikawa tala, bosepeli na ngai ezali ya kotonda” (3 Nefi 17:20

Makanisi mpo na Koyekola na Libota mpe na Eklezia

3 Nefi 17; 18:24–25, 30–32

Mobikisi azali ndakisa na ngai ya kobonga nie mpo ya kosalisa.

Pene ya bato 2.500 bazalaki ntango Mobikisi abimelaki bango, kasi Ye azwaki nzela ya kosalisa bango moko na moko. Omoni nini etali nzela Ye asalisaki kati na 3 Nefi 17; 18:24–25, 28–32? Bamposa nini Ye asalisaki? Bizalela nini ekomisaki kosalisa na Ye makasi? Okoki lisusu kokanisa etali lolenge nini Ye asalisaka yo. Lolenge nini okoki kolanda ndakisa na Ye? (Tala lisusu 3 Nefi 18:24–25 mpe 28–32.)

Tala lisusu “Jesus Christ Introduces the Sacrament” (video), Gospel Library.

3 Nefi 17:13–22; 18:15–25; 19:6–9, 15–36

Mobikisi ateyaki ngai lolenge nini ya kosambela.

Kanisa lolenge nini elingaki kozala koyoka Mobikisi kosambela mpo na yo. Lolenge nini likambo ya boye esalaka na lolenge osambelaka? Manyola oyo ntango ozali koyekola 3 Nefi 17:13–22; 18:15–25; mpe 19:6–9, 15–36. Oyekoli nini uta na ndakisa ya Yesu Klisto mpe mateya etali losambo? Kanisa koluka bososoli etali lolenge nini, ntango nini, mpo na nani, mpe mpo na nini kosambela. Bososoli mosusu nini ozwi uta na milongo oyo?

Tala lisusu Malongi mpe Mayokani 10:5.

3 Nefi 18:1–12

Nakoki kotondisama na Molimo ntango nazali kolia elambo.

Ntango tosali likambo moko mbala mingi, ekoki kokoma momesano to mpo na ngonga moko. Ntango mosusu tosukaka kosala yango na kozanga kutu kokanisa. Lolenge nini okoki kopekisa yango esalema na likuli ya elambo ya poso na poso? Ntango ozali kotanga 3 Nefi 18:1–12, manyola lolenge nini okoki “kotondisama” na molimo ngonga moko na moko ozali kolia elambo (tala lisusu 3 Nefi 20:1–9). Engebene na milongo 5–7, 11, makambo misusu nini osengeli “ntango nyonso” kosala? Okoki lisusu komanyola mpo na nini Yesu apesaki biso likuli ya elambo—mpe soki elambo ezali kokokisa bantina na ye na bomoi na yo. Mpo na nini elambo ezali bule epai na yo?

Na etinda na ye “Always Remember Him” (Liahona, Sanza ya mibale. 2018, 4–6), Mokambi Henry B. Eyring apesaki “makanisi misato na oyo etali maye bokoki komikundola poso moko na moko ntango bozali kolia bilembo ya bule ya elambo.” Nini okangi etali makanisi na ye? Nini ekoki yo kosala mpo na kobongisa bokumbameli na yo na ntango ya elambo mpe poso mobimba?

Nini mosusu okoki kosala mpo na kokumbamela na lolenge ya ndimbola mingi? Okoki komituna mituna lokola oyo: “Lolenge nini libonza ya Mobikisi ezali kotindika bomoi na ngai mokolo na mokolo?”. “Nini ngai nazali kosala malamu lokola moyekoli, mpe nini nakoki kobongisa?”

Tala lisusu Matai 26:26–28; Jeffrey R. Holland, “Behold the Lamb of God,” Liahona, Sanza ya mitano 2019, 44–46; “As Now We Take the Sacrament,” Hymns, no. 169; “Jesus Christ Introduces the Sacrament” (video), Gospel Library; Gospel Topics, “Sacrament,” Gospel Library.

Tika ngonga mpo na komanyola. Ntango mosusu, koyekola makomi ekomaka lisanga ya kotanga, kosambela, mpe komanyola. Ntango otiki ngonga ya kimia mpo na kokanisa mpe koloba elongo na Nzambe na oyo etali maye ozali koyekola, okoki kobutisa nguya ya liloba na ye kati na bomoi na yoe.

3 Nefi 18:22–25

Nakoki “kotombola likolo” mwinda ya Yesu Klisto.

Kanisa ozalaki na moninga oyo ayebaki eloko moko te etali Yesu Klisto longola se ozali moko ya balandi na Ye. Nini moninga na yo akoloba etali Ye, engebene na misala na yo? Elingi kolobela yo nini “tombola likolo pole na bino ete ekoka kongengisa mokili”? (3 Nefi 18:24). Mabiangi misusu nini Mobikisi apesaki na 3 Nefi 18:22-25 oyo esalisaka yo otombola likolo pole wana?

Tala lisusu Bonnie H. Cordon, “That They May See,” Liahona, Sanza ya mitano 2020, 78–80.

3 Nefi 18:36–37; 19:6–22

Bayekoli ya Yesu Klisto balukaka likabo ya Molimo Mosantu.

Kanisa etali nsambo na yo ya kala te. Losambo na yo eteyi yo nini etali bamposa na yo ya motema? Nsima ya kolekisa mokolo liboso ya Mobikisi, ebele “basambelaki mpo na oyo bazalaki na yango mposa makasi”—likabo ya Molimo Mosantu (3 Nefi 19:9). Mpo na nini likabo ya Molimo Mosantu ezali ya mposa mpenza? Ntango ozali kotanga biteni oyo, manyola mposa na yo moko mpo na kozala moninga ya Molimo Mosantu. Lolenge nini okoki koluka na bosembo kimoninga wana?

Mpo na makanisi mingi, tala babobimisi ya sanza oyo ya Liahona mpe magazini Mpo na Bokasi ya Bilenge zulunale.

Makanisi mpo na Koteya Bana

3 Nefi 17:7, 20–25

Mobikisi alingi moko na moko ya bana ya Tata ya Lola.

• Okoki kosalela elilingi lokola oyo ezali kati na liteya oyo to video “Jesus Christ Prays and Angels Minister to the Children” (Gospel Library) mpo na kosalisa bana batala lisolo oyo ezali kati na 3 Nefi 17. Kanisa kotanga maloba to milongo ya 3 Nefi 17 oyo ebeti nsete na bolingo ya Mobikisi mpo na bato (lokola milongo 7 mpe 20–25). Nsima bana na yo bakoki koyema elilingi na bango moko elongo na Yesu. Ntango bazali koyema, salisa bango bakanisa ndenge oyo Yesu alakiseli bolingo na Ye mpo na bango.

Tala Baye ya Mike ya Bino, na Gary L. Kapp

3 Nefi 18:1–12

Nakoki kokanisa etali Yesu ntango nalie elambo.

• Ntango mosusu okoki kobengisa bana na yo balobela yo maye masalamaki na ntango ya elambo. Nsima okoki kotanga 3 Nefi 18:1–12 mpe kosenga bana na yo batombola loboko ntango bayoki likambo moko oyo ekokani na maye tosalaka lelo. Nini Yesu Klisto alingi biso tomikundola mpe tokanisa na ntango ya elambo? (tala 3 Nefi 18:7, 11).

3 Nefi 18:15-24; 19:6–9, 15–36

Yesu ateyaki ngai lolenge nini ya kosambela.

• Koyemba elongo loyembo etali losambo, ndakisa “A Child’s Prayer” (Children’s Songbook, 12–13), ezali lolenge ya malamu ya kosalisela bana na yo bakanisa etali mpo na nini tosambelaka. Nsima yo mpe bana na yo bokoki kotanga 3 Nephi 18:18–21 mpe kosolola etali maye yesu ateyaki etali losambo. Kobengisa bana na yo balobela yo lolenge nini bamiyokaka ntango basambelaka ekoki kosalisa bango bakabola litatoli na bango.

• Ekoki kozala kitoko mpo na bana bakende bokila mpo na mwa mapamboli ya biloko ya motuya ya losambo. Okoki kokoma ndakisa ya makomi oyo elandi likolo ya papie mpe kobomba yango: 3 Nefi 18:15; 3 Nefi 18:20; 3 Nefi 18:21; 3 Nefi 19:9; mpe 3 Nefi 19:23. Nsima bana na yo bakoki kozwa bapapie mpe kotanga milongo, kolukaka makambo Yesu Klisto to bayekoli na Ye bateyaki etali losambo.

Mpo na makanisi mingi, tala mokanda ya sanza oyo na magazini ya Friend zulunale.

Banjelu Basalaki kati na Bango, na Walter Rane