Momon I Stap Mekem I Kam Smol Ol Histri Buk, i kam long Tom Lovell

28 Oktoba–3 Novemba: “Mo Mi Wantem se Mi Save Winim Tingting blong Yufala Evriwan … blong Yufala I Sakem Sin.”

Momon 1–6

Momon i karemaot “ful histri” blong “ol fasin nogud” blong rabis fasin mo hemia we i tokbaot blad we i ron, we hem i bin luk long medel blong Ol Man blong Nifae (Momon 2:18; 5:8). Be, wanem we hem i bin raetemdaon long Momon 1-6, hem i inaf blong mekem yumi tingbaot, se wan stret mo gud pipol, i save foldaon i go longlongwe. Long medel blong ol strong fasin nogud ia, i no gat wan i save blemem Momon blong hem i kam taet, mo tu, i kam blong slakem tingting blong hem. Be yet, tru long evri samting we hem i bin luk mo gotru long hem, hem i neva lusum filing mo tingting ia se God i gat bigfala sore, mo tingting blong hem i strong se, fasin blong sakem sin, i wan wei ia blong kasem sore ia. Mo nomata ol stret pipol blong Momon oli bin sakemaot ol invitesen blong hem blong oli sakem sin, hem i bin save se hem i gat wan bigfala namba blong pipol moa blong save winim tingting blong olgeta. Hem i talem: “Luk, mi stap raet i go long evri en blong wol.” Long nara toktok, hem i raet i kam long yu (luk long Momon 3:17–20). Mo mesej blong hem i kam long yu, tedei, i semfala mesej ia we i bin save sevem Ol Man blong Nifae long taem blong olgeta: “Bilivim gospel blong Jisas Kraes. … Yufala i sakem sin mo yufala i rere blong stanap long fored blong jea blong jajmen blong Kraes” (Momon 3:21–22).

Luk tu long “Momon Preserves the Record to Bring the House of Israel to Christ” (vidio), Gospel Laebri.

Ol aedia blong Lanem Samting long Hom mo long Jos

Momon 1–6

mi save folem Jisas Kraes nomata wanem ol narafala pipol i mekem.

Taem Momon i gat 10 yia nomo, hem i defren long ol pipol raon long hem. Taem yu stap ridim Momon 1–6, lukaotem ol wei we fet blong Momon long Jisas Kraes i mekem hem i spesel mo i givim janis long hem blong blesem ol narafala man. Yu save stat wetem olgeta ves ia.

Momon 1:2–3, 13–17.?Wanem ol samting we oli spesel we yu bin luk long Momon mo ol pipol blong hem? ?Wanem kwaliti nao hem i bin gat we i bin helpem hem blong stap strong long saed blong spirit long hadtaem ia?

Momon 2:18–19.?Wanem toktok nao Momon i bin yusum blong tokbaot wol ia we hem i stap laef long hem? ?Olsem wanem nao hem i holemtaet hop ia nomata ol fasin nogud oli raonem hem?

Momon 3:12.?Olsem wanem nao Momon i bin filim abaot ol pipol raon long hem ?Wanem nao yu save mekem blong developem kaen lav ia we hem i gat?

?Wanem ol narafala ves long Momon 1–6 we i soemaot fet blong Momon long Jisas Kraes? ?Wanem ol janis we oli givim long hem from hem i jusum blong stap fetful?

Tingting blong stadi long mesej blong Presiden Thomas S. Monson: “Be an Example and a Light” (Liahona, Novemba 2015, 86–88), lukaotem ol risen from wanem i impoten blong ol man blong folem Jisas Kraes oli mas luk defren mo oli mas luksave olgeta. ?Olsem wanem blong yu flatem ol sentens olsem? “ i wan eksampol long mi taem hem i . Hemia i helpem mi blong wantem blong .”

Momon i save filim se eksampol blong hem i no stap mekem jenis long ol pipol blong hem. Sapos yu gat janis blong toktok wetem Momon, ?wanem nao bae yu talem long hem abaot eksampol blong hem we i mekem wan samting i defren long laef blong yu?

Luk tu long David A. Bednar, “Quick to Observe,” Ensign, Dec. 2006, 30–36, or Liahona, Dec. 2006, 14–20; “Something Different about Us: Example” (vidio), Gospel Laebri; Gospel Topik, “Stap laef folem Gospel blong Jisas Kraes ,” Gospel Laebri.

Helpem olnarawan blong serem wanem we oli bin lanem. Taem ol pipol oli serem wanem oli bin lanem, oli mekem fet blong olgetawan i kam strong mo fet blong ol narafalawan (luk long Doktrin mo Ol Kavenan 88:122). Traem stap askem famli o klas blong yu wanem eksperiens oli bin gat taem oli stadi long toktok blong God.

Faet, i kam long Jorge Cocco

Momon 2:10–15

Taem yumi harem nogud mo luk long God , i lidim mi i go long Kraes mo blong jenisim laef oltaem.

Taem Momon i bin luk harem nogud blong ol pipol blong hem, hem i bin hop se bae oli sakem sin. Be, “bigfala harem nogud blong olgeta i no mekem oli sakem sin” (Momon 2:13)—i no kaen harem nogud ia olsem hemia blong yumi harem nogud mo luk long God we bae i lidim man blong i jenis tru. Blong andastanem samting we i defren, tingting blong raetemdaon wanem yu bin lanem long Momon 2:10–15 long wan jat olsem ia:

Harem Nogud mo Luk long God	Harem Nogud olsem Hemia blong Wol
Kam long Jisas (ves 14)	Sakem Nogud Tok long God (ves 14)

?Olsem wanem nao yu save se harem nogud blong yu hem i harem nogud mo luk long God o harem nogud olsem hemia blong wol? Sapos yu stap eksperiensem harem nogud olsem hemia blong wol, ?olsem wanem nao yu save jenisim i go long hemia we i nlonh luk long God?

Luk tu long 2 Korin 7:8–11; Michelle D. Craig, “Divine Discontent,” Liahona, Novemba 2018, 52–55.

Momon 3:3, 9

“Mo oli no luksave se i Lod we i bin sevem olgeta.”

Momon i luksave se Ol Man blong Nifae: oli no bin stap luksave mo talem ol wei we Lod i bin blesem olgeta. Taem yu stap rid long Momon 3:3, 9, tingting hevi long wei we yu bin stap luksave mo talem paoa blong God insaed long laef blong yu. ?Wanem blesing nao i kam taem yumi stap luksave paoa blong Hem? ?Wanem nao risal blong no luksave mo talem ol wok blong Hem? (luk long Momon 2:26; Doktrin mo Ol Kavenan 59:21).

Luk tu long Henry B. Eyring, “O Remember, Remember,” Liahona, Novemba 2007, 66–69.

Momon 5:8–24; 6:16–22

Jisas Kraes i stanap wetem han blong Hem we i open blong i tekem mi.

Sapos yu stap tingting i kam slak long ol sin blong yuwan, Momon we i tokbaot Sevya we i stanap “wetem han we i open blong tekem yu” mo hemia i save mekem hat blong yumi i stap kwaet. Taem yu stap ridim Momon 5:8–24 mo 6:16–22, ?wanem nao yu lanem abaot filing blong Papa long Heven mo Jisas Kraes long yu, iven taem we yu mekem sin? ?Yu yu bin filim we Jisas Kraes i stap kam long yu, wetem han blong Hem we i open bigwan? From samting ia, ?wanem nao yumi filim insperesen blong go mekem?

Luk tu long “Come unto Jesus,” Hym, namba 117.

Sam Tingting blong Tijim Ol Pikinini

Momon 1:1–3; 2:1, 23–24; 3:1–3, 12, 17–22

aktiviti pej: Mi save folem Jisas Kraes

• From se Momon i yang tumas taem hem i developem fet blong long Jisas Kraes i kam strong, hem i save stap olsem wan eksampol long ol pikinini blong yu. Yu save rid long Momon 1:1–3 mo ol pikinini blong yu oli save lisin long hamas yia nao Momon i bin gat taem we Amaron i givim wan spesel misin long hem. Yu save helpem olgeta tu blong faenem ol ves ia mo ol kwaliti we Amaron i luk long Momon. ?Olsem wanem nao ol kwaliti ia i helpem yumi blong folem Jisas Kraes?

  

  Momon, we i gat 10 yia, i kam long Scott M. Snow

• From se Momon i folem Jisas Kraes, oli givim janis long hem blong givim seves mo blesem ol narafalawan. Yu save invaetem wanwan long ol pikinini ia blong ridim wan long ol skripja ia, mo helpem olgeta blong oli serem wanem we oli lanem abaot Momon: Momon 1:1–3; 2:1, 23–24; mo 3:1–3, 12, 20–22 (luk tu long “Chapter 49: Momon mo His Teachings,” Ol Stori blong Buk blong Momon, 138–42). ?Olsem wanem nao hem i folem Jisas Kraes? ?Olsem wanem nao fet blong hem long Jisas Kraes i bin helpem o blesem ol narafala man? ?Olsem wanem fet blong yumi i save blesem mo protektem ol pikinini we yumi save olgeta?

Momon 7: 8 –15

Harem nogud mo luk long God, i lidim mi i go long Kraes mo jenisim laef oltaem.

• Maet yu wantem blong mekem wan jat olsem hemia long “Ol aedia blong Lanem Samting long Hom mo long Jos” blong helpem ol pikinini blong yu blong andastanem defren bitwin harem nogud olsem hemia blong wol mo blong god taem oli stap ridim Momon 2:8, 10–15. Afta, oli save lukaotem tu long Momon 2:12 blong faenem ol risen from wanem fasin blong sakem sin bae i mekem “[ol] hat blong yumi i stap glad” ?Olsem wanem nao yumi save meksua se harem nogud we yumi stap harem from ol sin blong yumi i stap lidim yumi blong yumi jenisim fasin?

Momon 3:3, 9

Papa long Heven i givim plante blesing long mi.

• Invaetem ol pikinini blong yu blong raetemdaon (o dro ol pikja blong) sam samting we oli glad long hem we bae i wan gud wei blong save helpem olgeta blong talem tangkyu long God. Afta we oli mekem lis, yu save ridim Momon 3:3, 9 mo eksplenem se Papa long Heven i blesem ol Man blong Nifae tu, be oli no luksave. ?Wanem nao yumi save mekem tedei we i soem we yumi talem tangkyu long Papa long Heven from ol blesing blong yumi?

Momon 3:12

Papa long Heven i wantem mi blong lavem evriwan.

• Iven ol Man blong Nifae oli kam nogud, Momon i neva stop blong lavem olgeta. Helpem ol pikinini blong faenem ol toktok ia “glad” mo “stap glad” insaed long Momon 3:12. Singsing wan singsing tugeta abaot fasin blong lavem ol narawan, olsem “Jesus Said Love Everyone” (Children’s Songbook,, 61), mo semtaem soem ol pikja blong ol pikinini raon long wol. Testifae abaot lav we God i gat long evriwan long ol pikinini blong Hem.

Blong kasem moa aedia, luk long magasin blong Fren long manis ia.

Oli raetem Buk blong Momon blong “blong yufala i save bilivim gospel blong Jisas Kraes” (Momon 3:21).