Vakalailaitaka tiko na Peleti o Momani, mai vei Tom Lovell

28 ni Okotova–3 ni Noveba: “Au Gadreva Meu Vakauqeti Kemuni Kecega … me Veivutuni”

Momani 1–6

A sega ni solia o Momani vei keda na “itukutuku taucoko” ni “veika rerevaki” na caka ca kei na dave ni dra e raica vei ira na Nifai (Momani 2:18; 5:8). Ia na ka e vola ena Momani 1–6 e rauta me vakananuma vei keda na yawa ni vanua e rawa ni da lutu kina na tamata ivalavala dodonu. Ena maliwa ni ulutaga rabailevu ni caka ca, eda sega ni rawa ni beitaki Momani ena nona oca ka vaka yalolailaitaki. Ia mai na veika kece sara sa raica ka sotava, e sega vakadua ni yali na nona vakila na loloma cecere ni Kalou kei na nona ivakadinadina kei na veivutuni sai koya na sala meda ciqoma kina. E dina ga nira cata na tamata nei Momani na nona veisureti kei na vakatakekere me ra veivutuni ia e kila o koya ni tiko e dua na ivavakoso levu cake me na lai vakauqeti ira. “Raica,” au sa volavola, “Ki na iyalayala kei vuravura.” Ena dua tale na kena itukutukuni, sa vola yani vei kemudou (raica na Momani 3:17–20). Kei na nona itukutuku vei kemuni nikua, sa na itukutuku vata ga ka rawa ni vakabulai ira na Nifaiti ena nodra gauna: “Vakabauta na kosipeli i Jisu Karisito. … Veivutuni ka vakarau mo tu ena mata ni itikotiko ni veilewai nei Karisito” (Momani 3:21–22).

Raica talega na “Maroroya o Momani na iTukutuku me Kauti Ira Mai na Mataqali i Isireli vei Karisito“ (vidio), Valenivola ni Kosipeli.

Vakasama eso ni Vuli e Vale vakakina ena Lotu

Momani 1–6

Au rawa ni muri Jisu Karisito veitalia na cava era cakava na tamata tale eso.

Ena gauna se qai yabaki 10 kina, a duatani sara o Momani mai vei ira era tu wavoliti koya. Ni o wilika na Momani 1–6, vakaraica na sala eso a vakavuna kina me duatani na nona vakabauti Jisu Karisito o Momani ka solia vua na madigi me veiqaravi ka vakalougatataki ira na tani. Na veitikina e tarava e rawa ni o tekivu kina.

Momani 1:2–3, 13–17.Na duidui cava o raica ena kedrau maliwa o Momani kei ira na nona tamata? Na itovonibula cava soti e tu vua ka a vukei koya me tudei tiko vakayalo ena dua na gauna dredre vakaoya?

Momani 2:18–19.Na vosa cava a vakayagataka o Momani me vakamacalataka kina na vuravura e tiko kina? A maroroya vakacava okoya na inuinui se cava ga na veika e vakavolivoliti koya?

Momani 3:12.Na cava na nanuma nei Momani me baleti ira na tamata era tu wavoliti koya? Na cava e rawa ni da cakava me da vakatorocaketaka kina na mataqali loloma a tu vua?

Na tikina cava tale ena Momani 1–6 e vakatakilakilataka na vakabauti Jisu Karisito nei Momani? Na madigi cava a soli vua baleta ni a digitaka me yalodina tikoga?

Sa rawa mo vulica na itukutuku nei PeresitediThomas S. Monson “MoiVakaraitaki ka Dua na Rarama” (Liaona, Nove. 2015, 86–88), ka vakaraica na vuna e bibi kina vei ira na daumuri Jisu Karisito mera tucake se duatani. O na vakacavara vakacava na iyatuvosa vakaoqo? “ e dua na ivakaraitaki vei au ni o koya . Oqo a vukei au meu vinakata meu .”

A rawa ni vakila o Momani ni nona ivakaraitaki e sega ni vakayaco veisau vei ira na nona tamata. Kevaka e dua na madigi mo vosa vei Momani, na cava o na tukuna vua me baleta na kena sa vakayaco veisau vei iko na nona ivakaraitaki?

Raica talega David A. Bednar, “Totolo ni Vakadikeva,” Ensign, Tise. 2006, 30–36, se Liahona, Tise. 2006, 14–20; “Dua na Ka e Duidui Baleti Keda: iVakaraitaki” (vidio), Valenivola ni Kosipeli.; Ulutaga ni Kosipeli, “Bulataka na Kosipeli i Jisu Karisito,” Valenivola ni Kosipeli.

Vukei ira na tani me ra wasea na veika era sa vulica. Ni ra wasea na tamata na veika era sa vulica, era na vaqaqacotaka na nodra vakabauta kei na nodra vakabauta na tani (raica na Vunau kei na Veiyalayalati 88:122). Tovolea mo taroga na nomu matavuvale se kalasi na veika era sa sotava ni ra vulica na vosa ni Kalou.

Na Nodra Vala, mai vei Jorge Cocco

Momani 2:10–15

Na rarawa va-Kalou e veiliutaki ki na veisau e dina ka tawamudu.

Ni sa raica o Momani na nodra rarawa na nona tamata, sa nuitaka era sa na veivutuni. Ia “na nodra rarawa e sega ni baleta na veivutuni” (Momani 2:13)—e sega ni rarawa vakalou ia na rarawa vakavuravura. Mo kila na duidui, navuca mo vola na veika o sa vulica mai na Momani 2:10–15 ena dua na ivolakabi vakaoqo:

Rarawa Sa Vaka na Loma ni Kalou	Rarawa vakavuravura
Lako mai vei Jisu (tikina 14)	Vosacataka na Kalou (tikina 14)

O na kila vakacava ni nomu rarawa e vakalou se vakavuravura? Kevaka o sotava tiko na rarawa vakavuravura, o na veisautaka vakacava ki na rarawa vakalou?

Raica talega na 2 Korinica 7:8–11; Michelle D. Craig, “Tawamudu Vakalou,” Liahona, Nove. 2018, 52–55.

Momani 3:3, 9

“Era sa sega ni kila ni sa vakabulai ira na Turaga.”

E raica o Momani ni ra sega ni vakadinadinataka na Nifai na sala sa vakalougatataki ira kina na Turaga. Ni o wilika na Momani 3:3, 9, o na vakasamataka vakatitobu ka vakadinadinataka na veivakauqeti ni Kalou ena nomu bula. Na veivakalougatataki cava ena lako mai ena nomu vakadinadinataka na Nona veivakauqeti? Na cava na isau ni noda sega ni vakadinadinataki Koya? (raica na Momani 2:26; Vunau kei na Veiyalayalati 59:21).

Raica na Henry B. Eyring, “Mo Ni Nanuma, Nanuma,” Liahona,, Nove. 2007, 66–69.

Momani 5:8–24; 6:16–22.

E tucake tu o Jisu Karisito ka dedeka tu mai na ligana me ciqomi au.

Kevaka o vakila ni o yalolailai ena vuku ni nomu ivalavala ca, na ivakamacala nei Momani me baleta na iVakabula e tucake tu “ni sa dodo tu yani mo ciqomi iko” ena veivakadeitaki. Ni o wilika na Momani 5:8–24 kei na 6:16–22, na cava o vulica me baleta na veika e vakila na Tamada Vakalomalagi kei Jisu vei iko, ena gauna mada ga o ivalavala ca kina? O a vakilai Jisu vakacava ni dodoka tiko mai na ligana kivei iko ena loloma? Na cava o vakauqeti kina mo cakava ena vuku ni ka oqo?

Raica na “Bau Mai Vei Jisu, ” Serenilotu, naba 64.

Vakatutu baleta Nodra Tuberi na Gonelalai

Momani 1:1–3; 2:1, 23–24; 3:1–3, 12, 17–22

me vakataki Momani, Au rawa ni muri Jisu Karisito.

• Baleta ni se gone sara o Momani ena gauna a tauyavutaka kina na nona vakabauti Karisito, sa rawa me veivakauqeti vei ira na luvemuni. E rawa beka ni o wilika na Momani 1:1–3 ka rawa ni ra vakarogoca na luvemu na sala a solia kina vua o Amaroni e dua na kaulotu digitaki. E rawa talega ni o vukei ira me ra kunea ena veitikina oqo na ivakarau a raica o Amaroni vei Momani. E vukei keda vakacava na dina oqo meda gole kina vei Karisito?

  

  Momani, Yabaki 10,, mai vei Scott M. Snow

• Baleta ni a muri Jisu Karisito o Momani, a soli vua na madigi me veiqaravi ka vakalougatataki ira na tani. Sa rawa mo sureti ira na luvemu me ra wilika e dua se sivia na veitikina oqo ka vukei ira me ra wasea na veika era sa vulica me baleti Momani: Momani 1:1–3; 2:1, 23–24; kei na 3:1–3, 12, 20–22 (raica talega na “Wase 49: Momani kei na Nona iVakavuvuli,” iTalanoa ni Vola i Momani, 138–42). A muri Jisu Karisito vakacava? E vukei ira se vakalougatataki ira vakacava na tani na nona vakabauti Jisu Karisito? Ena vukei ira vakacava na tamata eda kila na noda vakabauta?

Momani 7:8–15

Na rarawa va-Kalou e veiliutaki ki na veisau e dina ka tawamudu.

• E rawa beka ni o cakava e dua na ivolakabi me vaka na kena ena “Vakasama ni Vuli e Vale kei na Lotu” me vukei ira na luvemu me ra kila na kedrau duidui na rarawa vakavuravura kei na rarawa vakalou ni ra wilika na Momani 2:8, 10–15. Sureti ira na gone mera vakasaqara ena Momani 2:12 me raica kina na vuna me cakava kina na veivutuni na “yalo[da] … reki.” Eda na vakadeitaka vakacava ni rarawa eda vakila ena vuku ni noda ivalavala ca e veimuataki meda veisau?

Momani 3:3, 9

Na Tamada Vakalomalagi e solia vei au e vuqa na veivakalougatataki.

• Sureti ira na luvemu me ra vola (se droinitaka na iyaloyalo eso) eso na ka era vakavinavinakataka e rawa ni dua na sala vinaka me vukei ira me ra vakila na vakavinavinaka vua na Kalou. Ni ra sa cakava oti e dua na lisi, e rawa ni o wilika na Momani 3:3, 9 ka vakamacalataka ni Tamada Vakalomalagi a vakalougatataki ira talega na Nifaiti, ia era a sega ni kila. Na cava eda rawa ni cakava nikua me vakaraitaka ni da sa vakavinavinaka vua na Tamada Vakalomalagi me baleta na noda veivakalougatataki?

Momani 3:12

Na Tamada Vakalomalagi e vinakata meu lomana na tamata kecega.

• E dina ga ni ra a ivalavala ca na Nifaiti, a sega ni mudu na nona lomani ira o Momani. Vukei ira na luvemu me ra kunea na vosa “lomani” kei na “loloma” ena Momani 3:12. Lagata vata e dua na sere me baleta na lomani ira na tani, me vaka na “Dauloloma ko Jisu” (iVolanisere ni Gonelalai,, 39), ni o vakaraitaka tiko na kedra iyaloyalo na gone mai na veiyasai vuravura. Vakadinadinataka na loloma ni Kalou vei ira kece na luvena.

Me baleta na vakasama tale eso, raica na ilavelave ni vula oqo ena iTokani .

A volai na iVola i Momani “mo dou vakabauta kina na kosipeli i Jisu Karisito” (Momani 3:21).