Inaaj bar Bōklōn̄tak Kom̧ jān M̧wilaļ ko in Lo̧jet, jān Jonathan Arthur Clarke

Nobōm̧ba 18–24: “Bwe Nana Ej Maron̄ Jako”

Ether 6–11

Buki iiō ko ālkin an RiJared ro kar jorrāān, RiNipai ro raar lo im̧ōko rejorrāān an jukjuk in pād eo aer etto. Ilubwijlin jorrāān kein kar ļo̧o̧k ko—pileij “ko relukkuun gold” me raar “ obrak kōn m̧wijm̧wij ko,” im bwe riNipai ro “raar kōņaan eļap jān maron̄” n̄an riiti (Mosaia 8:9; 28:12). Rainin ewōr ippam̧ juon kōkadudu in ļo̧o̧k in, ej ņa etan bok in Ether. Ke riNipai ro ej riiti, “raar obrak kōn būrom̧ōj” n̄an katak kōn wōtļo̧k eo ekabūrom̧ōjm̧ōj an riJared ro. “Mekarta eaar leļo̧k n̄an er eļap jeļā, eo kōnke e raar m̧ōņōņō” (Mosaia 28:12, 18). Bar kwe, kwomaron̄ lo iien būrom̧ōj ko ilo bok in. Ak kwomaron̄ bar m̧ōņōņō kōn menin letok eo an jeļāļo̧kjeņ. Āinwōt an Moronai kar je, “ej ļoļātļāt ilo Anij bwe men kein ren waļo̧k n̄an kom̧ … bwe nana ej maron̄ jako, im bwe iien en maron̄ itok bwe Setan en ejjeļo̧k an maron̄ ioon būruōn ro nejin armej” (Ether 8:26).

Ļōmnak ko n̄an Ekkatak ilo M̧weeo im ilo Kabun̄

Ether 6:1–12

Irooj enaaj tōl eō ilo iaļ eo aō ilo mour in.

Kwomaron̄ lo jetōbin ļōmņak ko n̄e kwoj keidi ejerakrōk eo an riJared ro kijoon lom̧aļo n̄an ito-itak eo am̧ ilo mour in. N̄an waanjon̄ak, ta eo Irooj eaar letok me ej kōmeramļo̧k iaļ eo am̧ āinwōt dekā ko ilo baaj ko waan RiJared eo? Ta eo baaj ko remaron̄ in jutak kake, ak kōto ko me rej “uukļo̧k n̄an āneen kallim̧ur”? (Ether 6:6). Ta eo kwoj katak jān m̧akūtkūt ko an riJared ro m̧okta, ilo tōre eo, im ālikin tūrep eo? Elmen an Irooj tōlļo̧k eok n̄an ānen kallim̧ur eo āneōm̧?

“Al in nōbar n̄an Irooj.” RiJared ro raar kwaļo̧k aer kam̧m̧oolol im iakwe n̄an Anij ilo al im nōbar (lale Ether 6:9). Kwomaron̄ lale ak kōm̧m̧an iien em̧m̧an n̄an kōjerbal al im naan in kam̧ool n̄an nōbar Anij ilo m̧weeo im ilo kabun̄. N̄an waanjon̄ak, emaron̄ em̧m̧an n̄an al juon al in nōbar āinwōt “Praise the Lord with Heart and Voice” (Hymns, no. 73) n̄e jej ekkatak Ether 6:1–12.

Nin̄nin̄ eo Lowaan, jān Kendal Ray Johnson

Ether 6:5–18, 30; 9:28–35; 10:1–2

“Etetal ettā im̧aan Irooj.”

Jekdo̧o̧n uteij bōro im nana eaar āinwōt ļan an waļo̧k ilo bwebwnato eo an Rijared ro, ebarāinwōt wōr waanjon̄ak ko kōn ettā ilo jebta kein—eļap tata ilo Ether 6:5–18, 30; 9:28–35; im 10:1–2. Kōļmenļo̧kjeņ kōn kajjitōk kein emaron̄ jipan̄ eok ekkatak jān waanjon̄ak kein: Etke riJared ro raar kōttāik er make ilo jekjek kein? Elmen aer kwaļo̧k aer ettā? Elmen an mour eo am̧ kar oktak āinwōt juon tōprak? Ļōmņak kōn ta eo kwomaron̄ kōm̧m̧ane n̄an m̧ōņōņō in “etetal ettā im̧aan Irooj” (Ether 6:17) ijello̧kin n̄an kipel n̄an ettā (lale Mosaia 4:11–12; Alma 32:14–18).

Bar lale Dale G. Renlund, “Jerbal Jim̧we, Iakwe Tūriam̧o, im Etetal Ettā ippān Anij,” Liaona, Nob. 2020, 109–12.

Ether 7–11

Imaron̄ erom̧ juon ritōļ āinwōt Kraist.

Jebta 7–11 in Ether ej kitbuuj enan̄in 28 epepen ko. Men̄e edik meļeļe maron̄ letok ilo iien ko rekadu, juon jon̄ak em̧ōkaj kōn jekjek in ritōl ro rejim̧we im nana. Ta eo kwoj katak kōn waanjon̄ak ko jān ritōl ro—em̧m̧an im nana—kōn kiin̄ ro rej elaajrak ijin ilaļ?

• Oraia——Ether 6:30; 7:1

• Shule—Ether 7:23–27

• Jared—Ether 8:1–7, 11–15

• Emer im Koriantōm—Ether 9:21–23

• Het—Ether 9:26–30

• Sez—Ether 10:1–2

• Riplakis—Ether 10:5–8

• Morianton—Ether 10:9–11

• Lib—Ether 10:19–28

• Etem—Ether 11:11–13

• Jisōs Kraist—Matu 18:1–4; 20:20–28; 23:11

Ilo ennaan eo an Elder Dieter F. Uchtdorf ej letok kapilōk kōn ritōl ro“Eo Eļap Tata Ilubwilijimi” (Liaona, Māe 2017, 78–81). Ļōmņak in ekkatak ennaan in—eļaptata bwebwenato ko me ej kwaļo̧k—lale pedped ko ak jon̄ak ko kōn ritōl āinwōt Kraist. N̄āāt eo kwaar lo pedped kein ak jon̄ak an waļo̧k ippān armej ro kwoj tōl er?

Ilo am̧ ļōmņak kōn ta eo kwaar katak, ļōmņak kōn iien ko rem̧m̧an kwaar tōl ak kareel ro jet ilo m̧weo im̧ōm̧, jukjukin pād eo am̧, kūr ko ilo Kabun̄, im ko jet. Elmen ad maron̄ kōļapļo̧k m̧wiļ in ritōl āinwōtKraist, men̄e ejjeļo̧k am̧ jerbal in ritōl?

Bar lale Unin Kōnono ko an Gospel in, “Serving in Church Callings,” Gospel Library; “Principles of Leadership in the Church,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan ko Āliktata, 4.2 (ChurchofJesusChrist.org).

Ether 8:7–26

Irooj ejjab jerbal ilo marok.

N̄e armej ro rej kōm̧m̧an karōk ko rettiņo n̄an dāpij jerbal nana ko aer ilo ittiņo̧, rej bōk kuņaer ilo juon kumi ittiņo. N̄an kakobaba n̄an kumi ittiņo eo kar kōmeļeļeik ilo Ether 8:7–18, waanjon̄ak ko jet maron̄ loi ilo Hilamōn 1:9–12; 2:2–11; 6:16–30; Moses 5:29–33. Ļōmņak in keidi eoon kein ippān 2 Nipai 26:22–24, eo me Nipai ekar kōmeļeļeik elmen an Irooj kōm̧m̧ane jerbal eo An. Etke kwoj ļōm̧ņak Moronai ekar kean̄ n̄an je ta eo ekar kōm̧m̧ane ilo ittiņo?

Ta eo em̧ōj am̧ kar katak jān bok in Ether me emaron̄ jipan̄ eok bōk kōjeraam̧m̧an ko kar kōmeļeļeik ilo Ether 8: 26?

Ļōmņak ko n̄an Katakin Ajri ro

Ether 6:1–12

Imaron̄ lōke Jemedwōj Ilan̄ n̄an kaenōm̧m̧an eō n̄e ij mijak.

• Epen aolep raan n̄an aolep—bar ajri jiddik ro. Bōlen kwomaron̄ jipan̄ ajri ro nejum̧ pukot naan ko im eoon ko ilo Ether 6:1–12 me rej kwaļo̧k elmen an riJared ro kar lōke Anij ilo iien ko reppen im raan ko rekamijak. Ļōmņak in kwaļo̧k n̄an doon jet en̄jake ko me Anij ekar jipan̄ eok ilo iien ko reppen ilo mour eo am̧.

Ether 6:9, 12, 30; 7:27; 10:2

Keememej ta eo Irooj eaar kōm̧m̧ane n̄an boktok kam̧m̧oolol im aenōm̧m̧an.

• Ālkin aer tōkeākļo̧k ilo jokne ilo āneen kallim̧ur, Rijared ro raar lukkuun kam̧m̧ool bwe raar “jan̄ kōn m̧ōņōņō” (Ether 12:6). Kwomaron̄ im̧we ajri ro nejum̧ n̄an en̄jake kam̧m̧oolol kōn kōjeraam̧m̧an ko an Anij n̄an jipan̄ er lo naan ko jān Ether 6:9, 12 me ej kwaļo̧k elmen an riJared ro kar kwaļo̧k aer kam̧m̧oolol Anij. Bōlen remaron̄ al, āinwōt kar riJared ro, juon al ej kwaļo̧k kam̧m̧oolol, āinwōt “My Heavenly Father Loves Me” (Children’s Songbook, 195). Kajjitōk ippān ajri ro n̄an kwaļo̧k jet men rej kam̧m̧oolol kaki.

• Bōlen ajri ro nejum̧ remaron̄ riit Ether 6:30; 7:27; im 10:2 im lale ta eo kiin̄ rein rōwānōk raar keememeje. Elmen an kar jelet wāween aer kar tōl armej ro aer? Kwe im ajri ro nejum̧ maron̄ kōnono wāween ko n̄an kakeememej eok make kōn ta eo Anij ekar kōm̧m̧ane n̄an kwe. N̄an waanjon̄ak, bōlen kwomaron̄ je ak jin̄a pija. Kwomaron̄ ba bwe ren kōm̧m̧ane juon imminene n̄an je kōjeraam̧m̧an ko rej loi jān Anij “O Remember, Remember” [video], Gospel Library).

Ether 7:24–27

Ij jeraam̧m̧an n̄e ij ļoor rikanaan eo an Anij.

• Bōlen kwe im ajri ro nejum̧ maron̄ m̧ōņōņō in kōm̧m̧an arrin men ko rikanaan ro raar katakin kōj n̄an kōm̧m̧ane. Kwomaron̄ bōk kuņaan doon ilo juon ikkure me kwoj kajidede ta eo kain m̧akūtkūt ko rej bōk jikin. Menin emaron̄ kepooj ajri ro nejum̧ n̄an kōnono etke eaorōk n̄an ļoor rikanaan eo an Anij. Kwomaron̄ riiti Ether 7:24–27 n̄an lale ta eo eaar waļo̧k ke armej ro raar pokake rikanaan eo an Anij. Elmen ad jeraam̧m̧an n̄an ļoor rikanaan eo rainin?

Ether 9:28–35; 11:5–8

Irooj ej tiriam̧o n̄e ij ukweļo̧k.

• Lale jon̄ak ko ej juon wāween n̄an katak jeje ko rekwojarjar. Bok in Ether epād ie jon̄ak ko n̄an kwaļo̧k tiriam̧o eo an Irooj. N̄an jipan̄ ajri ro nejum̧ lale jon̄ak in, kajjitōk ippāer n̄an riiti Ether 9:28–35 im Ether 11:5–8, lale ta ko rej āinwōt juon ikōtaan bwebwenato kein ruo. Ta eo jej katak jān bwebwenato kein? Bōlen kwomaron̄ lale pija ko ilo Bok in Pija Gospel in armej ro jet ilo jeje ko rekwojarjar ro raar ukweļo̧k im kar jeorļo̧k aer bōd.

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.

Baaj ko Waan RiJared, jān Gary Ernest Smith