Mormon ej Kōkaduduik Pileij ko, jān Tom Lovell

Oktoba 28–Nobōm̧ba: “Ikōņaan Bwe In Maron̄ Kareel Aolep … n̄an Ukeļo̧k”

Mormon 1–6

Mormon eaar oņaake kōj kōn “juon bwebwenato edipiio” kōn “ibeebjauwe in ekanooj nana” kōn nana eo im kōto̧o̧rļo̧k bōtōktōk eo me eaar lo ibwilijin riNipai ro (Mormon 2:18; 5:8). Bōtaab ta eo eaar je ilo Mormon 1–6 ebwe n̄an kakeememej kōj ewi jon̄an an kar armej ro raar wānōk maron̄ wōtlo̧k. Ilubwilijin an ajeeded nana eo, ejjeļo̧k juon emaron̄ kar ņa ruwōn Mormon n̄an jino m̧ōjņo̧ im ebbweer. Mekarta jān aolep men ko me eaar loi im en̄jaki, eaar jab jerwane en̄jake eo an kōn tūriam̧o eo eļap an Anij im an lōke bwe ukweļo̧k ej iaļ eo n̄an bōke. Im men̄e armej ro an Mormon make raar joļo̧k akweļap in kūr ko an n̄an ukweļo̧k, eaar jeļā bwe ewōr juon an jarlepju eļapļo̧k n̄an kareel er. “Lo,” eaar kean̄, “ Ij jeje n̄an aolep jeban ko in laļ.” Ilo naan ko jet, eaar jeje n̄an kwe (lale Mormon 3:17–20). Im ennaan eo an n̄an kwe, rainin, ej ennaan eo wōt me emaron̄ kar lo̧mo̧o̧ren RiNipai ro ilo tōre eo aer: “tōmak gospel eo an Jisōs Kraist. … Ukweļo̧k im pojak n̄an jutak im̧aan jea in ekajet an Kraist” (Mormon 3:21–22).

Bar lale “Mormon Preserves the Record to Bring the House of Israel to Christ” (video), Gospel Ļaibrāre.

Ļōmnak ko n̄an Ekkatak ilo M̧weeo im ilo Kabun̄

Mormon 1–6

Imaron̄ ļoor Jisōs Kraist jekdoon ta eo armej ro jet rej kōm̧m̧ane.

Ilo iien eo kar bōlen 10 iiō dettan, Mormon ekar juon eo eoktak jān armej ro ipeļaakin. Ilo am̧ riiti Mormon 1–6, lale wāween ko me tōmak eo an Mormon ilo Jisōs Kraist ekar kōm̧m̧an bwe en jenolo̧k im kar leļo̧k n̄an e iien em̧m̧an n̄an jerbal im kōjeraam̧m̧an ro jet. Eoon kein remaron̄ kōm̧m̧an bwe kwon ijjino:

Mormon 1:2–3, 13–17.Ta oktak ko kwoj loi ikōtaan Mormon im armej ro an? Ta m̧wiļ ko ewōr ippān me ekar jipan̄ e kajoor wōt ilo jetōb ilo iien ko reppen?

Mormon 2:18–19.Ta naan ko Mormon eaar kōjerbali n̄an kōmeļeļeik laļ in eaar mour ie? Elmen an kar dāpij wōt kōjatdikdik kōjekdoon men ko rej waļo̧k?

Mormon 3:12.Elmen an Mormon en̄jake kōn armej ro ipeļaakin? Ta eo kwomaron̄ kōm̧m̧ane n̄an kōļapļo̧k kain iakwe in eaar pād ippān?

Ta eoon ko jet ilo Mormon 1–6 ej kalikkar tōmak eo an Mormon ilo Jisōs Kraist? Ta iien ko rem̧m̧an ekar leļo̧k kōn an kar kāālet n̄an tiljek wōt?

Ļōmņak in ekkatak ennaan eo an Būreejtōn Thomas S. Monson “Be an Example and a Light” (Liaona, Nov. 2015, 86–88), pukot un ko etke eaorōk bwe rikaļoor ro an Jisōs Kraist ren jutak ak jenoļo̧k. Elmen am̧ maron̄ kadedeļo̧k jentōj kein? “ ekar juon waanjon̄ak n̄an eō ke ļeo [lieo] . Menin ekar jipan̄ eō kōņaan n̄an .”

Mormon emaron̄ kar en̄jake bwe waanjon̄ak eo an ekar jab kōm̧m̧an juon oktak n̄an armej ro an. Eļan̄n̄e en kar wōr am̧ iien im kōnono ippān Mormon, ta eo kwon kar ba n̄an e bwe waanjon̄ak eo an ekar kōm̧m̧an juon oktak ilo kwe?

Bar lale David A. Bednar, “Quick to Observe,” Ensign, Tij. 2006, 30–36, or Liaona, Tij. 2006, 14–20; “Something Different about Us: Example” (video), Gospel Ļaibrāre; Unin Kōnono ko an Gospel, “Living the Gospel of Jesus Christ,” Gospel Ļaibrāre.

Jipan̄ ro jet kwaļo̧k ta eo rej ekkatak N̄e armej ro rej kwaļo̧k ta eo raar ekkatak kake, rej kōkajoorļo̧k tōmak eo aer make im tōmak eo an ro jet (lale Katak im Bujen Ko 8:122). Kajjieon̄ in kajjitōk ippān baam̧le eo am̧ ak kūlaaj eo ta en̄jake ko ewōr ippāer ke raar ekkatak naan in Anij.

Tariņae, jān Jorge Cocco

Mormon 2:10–15

Būrom̧ōj in anij ej tōlļo̧k eō n̄an Kraist im juon oktak ejjeļo̧k jem̧ļo̧kin.

Ke Mormon eaar lo būrom̧ōj eo an armej ro an, eaar kōjatdikdik ke renaaj kar ukweļo̧k. Ak “aer būrom̧ōj eaar jab n̄an ukweļo̧k” (Mormon 2:13)—eaar jab būrom̧ōj in anij ak būrom̧ōj an laļin. N̄an meļeļe oktak eo, ļōmņak in je ta eo kwoj katak jān Mormon 2:10–15 ilo juon jaat āinwōt in:

Būrom̧ōj in Anij	Būrom̧ōj an Laļ
Itok n̄an Jisōs (eoon 14)	Kanejneje Anij (eoon 14)

Elmen am̧ jeļā n̄e būrom̧ōj eo am̧ ej ilo anij ak ilo laļin? N̄e kwoj en̄jake būrom̧ōj an laļin, elmen am̧ maron̄ ukōte n̄an būrom̧ōj in anij?

Bar lale 2 Korint 7:8–11; Michelle D. Craig, “Jab ju Būwuōn,” Liaona, Nob. 2018, 52–55.

Mormon 3:3, 9

“Raar jab kile bwe eaar Irooj eo eaar oņake er.”

Mormon eaar jeļā bwe riNipai ro raar jab kile wāween ko me Irooj ekar kōjeraam̧m̧an er. Ilo am̧ riiti Mormon 3:3, 9, kwomaron̄ kōļmenļo̧kjeņ elmen am̧ kile im̧we an Anij ilo mour eo am̧. Ta kōjeraam̧m̧an ko rej itok n̄e kwoj kile im̧we eo An? Ta jekjek ko n̄an jab kile E? (lale Mormon 2:26; Katak im Bujen Ko 59:21).

Bar lale Henry B. Eyring, “O Remember, Remember,” Liaona, Nob. 2007, 66–69.

Mormon 5:8–24; 6:16–22

Jisōs Kraist ej erļo̧ke pein n̄an bōk eō.

N̄e kwoj en̄jake ebbweer kōn bōd ko am̧ make, kōmeļeļe eo an Mormon kōn an Rilo̧mo̧o̧r jutak “kōn pā ko repeļļo̧k n̄an bōk kom̧” n̄an lewaj juon lōke. Ilo am̧ riiti Mormon 5:8–24 im 6:16–22, ta eo kwoj jeļā kōn en̄jake ko an Jemedwōj Ilan̄ im Jisōs n̄an eok, men̄e kwoj jerawiwi? Elmen am̧ kar en̄jake an Jisōs Kraist pukōt waj eok kōn pā ko repeļļo̧k? Ta eo kwoj en̄jake im ej im̧we eok n̄an kōm̧m̧an oktak?

Bar lale “Come unto Jesus,” Hymns, no. 117.

Ļōmņak ko n̄an Katakin Ajri ro

Mormon 1:1–3; 2:1, 23–24; 3:1–3, 12, 17–22

Āinwōt Mormon, imaron̄ ļoor Jisōs Kraist.

• Kōnke Mormon ekar dik wōt ke eaar ejaak tōmak tōmak eo an ilo Kraist, e emaron̄ im̧we ajri ro nejum̧. Bōlen kwon riiti Mormon 1:1–3 im ajri ro nejum̧ remaron̄ ron̄jake n̄an jeļā eo drettan kar Mormon ke Ammaron eaar leļo̧k n̄an e juon jerbal. Kwomaron̄ bar jipan̄ ajri ro lali eoon ko kōn m̧wiļ eo me Ammaron eaar loe ippān Mormon. Elmen an m̧wiļ kein jipan̄ kōj ļoor Jisōs Kraist?

  

  Mormon, 10 iiō, jen Scott M. Snow

• Kōnke Mormon eaar ļoor Jisōs Kraist, eaar bōk iien ko rem̧m̧an n̄an jerbal im kōjeraam̧m̧an ro jet. Kwomaron̄ kajjitōk ippān ajri ro nejum̧ n̄an riiti juon ak eōn̄ļo̧k eoon ko im jipan̄ er kwaļo̧k ta eo rejeļā kōn Mormon: Mormon 1:1–3; 2:1, 23–24; im 3:1–3, 12, 20–22 (bar lale “Jebta 49: Mormon and His Teachings,” Bwebwenato ko an Bok in Mormon, 138–42). Elmen an kar ļoor Jisōs Kraist? Elmen an kar tōmak eo an ilo Jisōs Kraist jipan̄ ak kōjeraam̧m̧an ro jet? Elmen an tōmak eo ad maron̄ jipan̄ armej ro jejeļā kajjier?

Mormon 2:8–15

Būrom̧ōj in anij ej tōlļo̧k eō n̄an Kraist im juon oktak ejjeļo̧k jem̧ļo̧kin.

• Bōlen kwomaron̄ kōm̧m̧ane juon jaat āinwōt “ļōmņak ko n̄an Ekkatak ilo M̧weeo im ilo Kabun̄” n̄an jipan̄ ajri ro nejum̧ meļeļe oktak eo ikōnaan būrom̧ōj eo an laļin im būrom̧ōj in anij ilo aer riiti Mormon 2:8, 10–15. Kajjitōk ippān ajri ro n̄an lale Mormon 2:12 n̄an pukot un ko etke ukweļo̧k eaikuj kōm̧m̧an bwe “būruwō[d] … en m̧ōņōņō.” Elmen ad maron̄ kōm̧m̧an bwe būrom̧ōj ko jej en̄jake kōn bōd ko ad ren tōlļo̧k kōj n̄an pukot jipan̄ an Anij n̄an oktak?

Mormon 3:3, 9

Jemedwōj Ilan̄ ej letok n̄an eō elōn̄ kōjeraam̧m̧an ko.

• Kajjitōk ippān ajri ro nejum̧ n̄an kōlaajrake (ak jin̄a pija ko) men ko rej kam̧m̧oolol kake me emaron̄ juon wāween em̧m̧an n̄an jipan̄ er en̄jake kam̧m̧oolol n̄an Anij. Ālkin aer kōm̧m̧ane juon laajrak, kwomaron̄ riiti Mormon 3:3, 9 im kōmeļeļeik bwe Jemedwōj Ilan̄ ekar kōjeraam̧m̧an bar riNipai ro, ak raar jab kile. Ta eo jemaron̄ kōm̧m̧ane n̄an kwaļo̧k ad kam̧m̧oolol Jemedwōj Ilan̄ kōn kōjeraam̧m̧an ko ad?

Mormon 3:12

Jemedwōj Ilan̄ ekōņaan bwe in iakwe aolep.

• Men̄e riNipai ro rekar nana, Mormon eaar jab bōjrak an iakwe er. Jipan̄ ajri ro pukot naan ko “kar iakwe” im “iakwe” ilo Mormon 3:12. Kwomaron̄ bar al juon al ippān doon kōn iakwe ro jet, āinwōt “Jesus Said Love Everyone” (Children’s Songbook,, 61), ilo am̧ kwaļo̧k pija in ajri ro jān peļaakin laļin. Kam̧ool kōn iakwe eo an Anij n̄an aolep ro Nejin.

N̄an ļōmņak ko reļļapļo̧k, lale ennaan eo an allōn̄ in ilo eo Jera māākjiin.

Bok in Mormon ekar jeje “bwe kom̧ maron̄ tōmak gospel eo an Jisōs Kraist” (Mormon 3:21).