Minerva Teichert (1888 – 1976), Veipapitaisotaki o Alama ena wai ko Momani,1949 – 1951, waiwai ena masonite, 35⅞ x 48 na iji. Vale ni Maroroi Cakacakaniliga e Brigham Young University, 1969.

Moronai 1 – 6: “Ka Me ra Tiko Ga Kina ena Sala Dodonu”

Moronai 1–6

Ni oti nona vakacavara na itukutuku nei tamana baleti ira na Nifaiti ka semata vata na kedra itukutuku na Jeretaiti, sa nanuma taumada kina ko Moronai ni sa mai cava na nona cakacaka ni maroroi itukutuku (raica na Moronai 1:1). Na cava tale beka me na tukuni baleti rau e rua na matanitu a vakarusai sara vakadua? Ia ni sa raica ko Moronai na noda gauna oqo (raica na Momani 8:35), ka sa dau vakauqeti vakayalo me “vola e vica tale na ka e rairai me yaga … ena dua na siga mai muri” (Moronai 1:4). E kila o koya na vakaitamera ni Vukitani e sa lako tiko mai, kauta vata mai na veilecayaki me baleta na cakacaka vakalotu ni matabete kei na Lotu raraba. Oqo beka na vuna a vakamacalataka vakamatata kina na veika e baleta na sakaramede, papitaiso, vakatikori na isolisoli ni Yalo Tabu, kei na veivakalougatataki ni soqoni vata kei ira na dauvakadinata mera “tiko ga kina [vakai ira] ena sala dodonu, … vakararavi tabakidua ki na loloma i Karisito, o koya sa vakatekivuna ka sauma talega na [noda] vakabauta” (Moronai 6:4). Taleitaki na vakasama vakaoqo e solia vei keda na vuni nona vakavinavinaka ni sa maroroya na Turaga na bula nei Moronai me rawa ni o koya me “na vola e vica tale na ka” (Moronai 1:4).

Vakasama eso ni Vuli e Vale vakakina ena Lotu

Moronai 1

Au rawa ni muri Jisu Karisito.

Ena nomu wilika na Moronai 1na cava e vakauqeti iko me baleta na yalodina nei Moronai vua na Turaga kei na nona ilesilesi? Na cava eso na sala e rawa ni “cakitaka kina na Karisito”? Moronai 1:2–3 Vakasamataka vakatitobu na sala o rawa ni yalodina tiko kina vei Jisu Karisito, ena gauna mada ga o sotava kina na veivakatovolei kei na veisaqasaqa.

Moronai 2–6

Sa dodonu me vakayacori na cakacaka vakalotu ni matabete me vaka na ivakaro ni Turaga.

A ciciva tiko o Moronai na nona bula ena nona vola na veiwase oqo. Na cava na vuna me vakasosataki koya kina me vola na veika matailalai ni veiliutaki me vaka na ivakarau ni kena qaravi na cakacaka vakalotu? Vakasamataka vakatitobu oqo ni o wilika Na Lako Yani 1–6. Na cava na vuna o nanuma kina ni sa yaga na ivakarau ni bula oqo me tara cake kina ko Saioni? Oqo e so na taro e rawa ni dusimaka na nomu vulica:

Veivakadeitaki (Moronai 2; 6:4).Na cava e vakavulica na ivakasala ni iVakabula ena Moronai 2:2 vei iko me baleta na cakacaka vakalotu ni veivakadeitaki? Na cava o nanuma ni ibalebale mo “curumi ira ka vakasavasavataki ena kaukauwa ni Yalo Tabu” Moronai 6:4

Veitabaki ki na matabete (Moronai 3).Na cava o sa raica ena wase ni ivola oqo e rawa ni vukei e dua na vakavakarau ki na veitabaki ki na matabete? Na cava beka o raica ni na vukea kina e dua e qarava na veitabaki vakabete?

Na sakaramede (Moronai 4–5; 6:6Na cava e rawa ni o cakava me vakaibalebale vakalevu cake kina ena nomu bula na sakaramede?

Papitaiso (Moronai 6:1–3Na cava o sa cakava tiko mo sotava kina na veika e lavaki me baleta na papitaiso?

E vakavulica o Jisu na sala me qaravi kina na cakacaka vakalotu.

Vakayavutaki ena veika o sa vulica, o na veisautaka vakacava na sala o vakasamataka, vakaitavi se vakarautaki ira eso tale me baleta na cakacaka vakalotu oqo?

raica talega na Vunau kei na Veiyalayalati 84:20.

Vakatasuasua. E dua na sala cecere mo nanuma kina na veika o sa vulica tiko oya mo vakamacalataka vei ira na tani. Me kena ivakaraitaki, tovolea mo dramataka na ituvaki vakaoqo: E sega ni vakadeitaka e dua na itokani ni sa vakarau tu me papitaiso. O na vakayagataka vakacava na Moronai 6 mo vukei koya kina?

Moronai 4–5

Ni da kania na sakaramede ena vukea meda toro voleka vei Jisu Karisito.

Ko ni sa dau rogoca beka vakavuqa na masu ni sakaramede, ia ena vakavica beka nomu nanuma me baleta na ibalebale ni vosa? E rawa beka ni o tovolea mo vola na masu ni sakaramede e rua mai na ivakananumi. Mo qai sureti ira me ra vakatauvatana na veika era vola ki na Moronai 4:3 kei na 5:2 Era sa raica beka e dua na ka ena masu oqo era a sega ni raica e liu?

Vakasamataka mo okata e dua na sere ni sakaramede ena nomu vuli, me vaka na “Me iVakananumi ni Vakoti ena Kauveilatai” (Sere ni Lotu, naba 111).

Moronai 6:4–9

O ira na tisaipeli i Jisu Karisito era dau veikauwaitaki vakai ira.

Na digidigi ni muri Karisito e sa dua ga na tamata, ia o ira na itokani vakabauta e rawa ni vukei keda meda “tiko ena sala dodonu” (Moronai 6:4–5). Na cava era a cakava na lewe ni Lotu ena gauna nei Moronai mera veivaqaqacotaki vakai ira? Ni o wilika na Moronai 6:4–9vakasamataka vakatitobu na veivakalougatataki e yaco mai ni sa “wili vata kei ira na lewe ni Lotu i Karisito” (Moronai 6:4

O na rairai vakasamataki ira talega era tiko ena nomu tabanalevu se tabana. E tiko beka e dua ka na rairai gadreva vakalevu na nomu loloma—e dua beka e se qai lesu vou mai se qai lesu wale tiko mai? O na vukea vakacava me vakatautauvatataki na veika era sotava ena lotu me vaka e vakamacalataka o Moronai? (me baleta na vakasama eso, raica na vidio ni Noqu Sala ni Veiyalayalati se na vidio “Vaqaqacotaki ni Lewenilotu Vou” ena Valenivola ni Kosipeli). O na raica beka eso na veivakauqeti ena wase I ni itukutuku nei Peresitedi Dallin H. Oaks “Na Gadrevi ni Lotu” (Liaona, Nove. 2021, 24–25).

Ni o vakasamataka vakatitobu na kena ibalebale mo “vakabulabulataki ena vosa vinaka ni Kalou” (Moronai 6:4), ena rawa ni veivuke me vakasamataki na vakabulabulataki ni dua na sorenitei se dua na gonelailai e gadreva—kei na cava ena yaco kevaka e sega ni vakawaleni. Vakasaqaqara ena Moronai 6:4–9 me baleta na vakasama eso ena sala o rawa ni veivuke kina mo “vakabulabulataka” ira na tani vakayalo. Era sa veivuke vakacava na veitokani tisaipeli me vakani iko?

E sega ni matata vei keda kece na vuna e bibi kina meda “wiliki ira vata na lewe ni lotu i Karisito” ka “dausoqoni vata wasoma” ena veisoqoni ni Lotu. O na vakamacalataka vakacava na vuna o vakavinavinakataka kina ni o lewena na Lotu i Jisu Karisito? (raica na iwasewase tale kadua ni itukutuku nei Peresitedi Oaks “Na Gadrevi ni Dua na Lotu”).

Me baleta na vakasama tale eso, raica na ilavelave ni vula oqo ni Liaona kei na mekasini ni Me iSakisaki ni iTabagone .

Vakatutu baleta Nodra Tuberi na Gonelalai

Moronai 2–6

Na Yalo Tabu e dua na isolisoli tabu.

• Na Yalo Tabu e cavuti vakavica ena Moronai 2–6. Sa rawa mo kerei ira na luvemu mera raica na veitikina yadua e cavuti Koya, wilika na veitikina oqori, ka vola na veika era sa vulica me baleta na Yalo Tabu. E rawa talega ni o veiwaseitaka na veika o sotava ena nomu vakila na veivakayarayarataki ni Yalotabu.

Moronai 4–5

Au taura na sakaramede me vakaraitaka niu na dau nanumi Jisu Karisito.

• Na wiliki ni masu ni sakaramede vata kei ira na luvemu ena rawa ni veimuataki ki na dua na veivosaki me baleta na sala me vakaibalebale vakalevu cake kina na gauna ni sakaramede. Sureti ira na gone me ra raitayaloyalotaka ni dua na itokani e lako tiko mai ki na soqoni ni sakaramede ena imatai ni gauna. Era na vakamacalataka vakacava vua na nodra itokani na sakaramede ka cava na vuna eda taura kina? Vakayaloqaqataki ira na luvemu me ra vakayagataka e dua na ka mai na Moronai 4 se 5 ena nodra ivakamacala. E rawa ni ra vakayagataka na gone sobu na tabana ni itaviqaravi ena macawa oqo se iVola ni iYaloyalo Vakosipeli, naba 108.

• Vakasamataka mo lagata vata e dua na sere ka na vukei ira na luvemu me ra vakasamataka na iVakabula (me vaka na “Vakarokoroko, Vakanomodi,” iVolanisere ni Gonelalai, 16). Sa rawa talega mo vakatovotovotaka na dabe ena vakarokoroko ena gauna ni sakaramede.

Moronai 6:1–3

Au rawa ni vakavakarau meu papitaiso.

• O cei e dodonu me papitaiso? Vukei ira na luvemu me ra kunea na isau ni taro oqo ena Moronai 6:1–3. Na cava na ibalebale me tiko kei keda na “yalo raramusumusu kei na yalo bibivoro”? (Moronai 6:2). E vukea vakacava oqo meda vakavakarau ki na papitaiso? Vakasamataka mo tukuna vei ira na luvemu na sala o sa vakarau tu kina mo papitaiso.

Moronai 6:4–6, 9

Eda gole ki lotu me da vakayagataka na sakaramede ka veitokoni vakai keda.

• Era kila beka na luvemu na vuna o via lako kina ki lotu? Na wiliki ni Moronai 6:4–6, 9 e rawa ni solia vei iko e dua na madigi mo veivosakitaka vata eso na ka eda cakava ena lotu. E rawa beka ni ra droinitaka na kedra iyaloyalo ni ra cakava tiko na veika oqo (me vaka na masu, veivakavulici, lagasere, kei na tauri ni sakaramede).

• Ni wiliki vata oti na Moronai 6:4 , sa rawa vei iko kei ira na luvemu mo ni raica na iyaloyalo se ivakaraitaki ni kakana veivakani ka veidutaitaka na vakabulabulataki ni yagoda me “vakani ena vosa vinaka ni Kalou.” E rawa talega ni o sarava na vidio “Wasea na Kosipeli na Gone ” (Valenivola ni Kosipeli).

Me baleta na vakasama tale eso, raica na ilavelave ni vula oqo ena mekasini ni iTokani .

O Moronai ena loma ni Qaravatu,, mai vei Jorge Cocco