Fa Bra, Di M’akyi—De ma Efie ne Asɔre Yɛ Adwuma

Hwan Na Akadeɛ Yi Wɔ No?

Saa akadeɛ yi wɔ obiara a ɔpɛ sɛ ɔsua Nkyerɛkyerɛ ne Apam sɛ ankorankoro, sɛ abusua, ne Asɔre adan mu. Sɛ wonsuaa twerɛnsɛm no daadaa dada a, saa akadeɛ yi bɛtumi aboa ama woahyɛ aseɛ. Sɛ wowɔ twerɛsɛm sua ho suban papa dada a, saa akadeɛ yi bɛtumi aboa ama woanya suahunu a nteaseɛ wɔ mu bebree.

Ankorankoro ne Mmusua wɔ Efie

Beaɛ papa a yɛsua asɛmpa no yɛ efie. W’akyerɛkyerɛfoɔ a wɔwɔ asɔre bɛtumi aboa wo, na wobɛtumi anya nkuranhyɛ afiri wɔɔdo mma afoforɔ hɔ. Nanso sɛdeɛ yɛbɛnya nkwa wɔ honhom mu no, yɛn mu biara hia daadaa aduannuro firi “Onyankopɔn asɛmpa no mu” (Moroni 6:4; san hwɛ Russell M. Nelson, “Opening Remarks,” Liahona, Obubuo 2018, 6–8).

Fa saa akadeɛ yi wɔ ɔkwan biara a ɛbɛboa wo so. Nhyehyɛeɛ no ma hann wɔ nokorɛ a ɛnniawieeɛ wɔ Nkyerɛkyerɛ ne Apam mu. Wɔsan nso ma nsusuiɛ ne nnwumadie a ɛbɛboa ama woasua twerɛnsɛm no sɛ ankorankoro, ɛne mmusuafoɔ, anaasɛ nnamfoɔ. Berɛ a woresua no, di Honhom no akwankyerɛ so pɛ ɛnniawieeɛ nokorɛ a ɛho wɔ mfasoɔ ma wo. Hwehwɛ Onyankopɔn nkransɛm a ɔwɔ ma wo, na di nkanyan a wonya no akyi.

Akyerɛkyerɛfoɔ ne Adesuafoɔ wɔ Asɔre

Sɛ wokyerɛ Primary, mmabunu anaasɛ mpanimfoɔ Kwasiada Sukuu, Aaron Asɔfodie kuo, anaasɛ Mmaayewa bi a, wɔhyɛ wo nkuran sɛ fa nhyehyɛeɛ a ɛwɔ akadeɛ yi mu berɛ a woreyɛ ahoboa akyerɛ adeɛ. Bra, Di M’akyi—De ma Efie ne Asɔre yɛ adesua nhyehyɛeɛ ma wo Kwasiada Sukuu adekyerɛ. Adesua nsusuiɛ a ɛwɔ saa akadeɛ yi ho no, wɔayɛ ama efie ne asɔre adesua. Berɛ a worehyɛ aseɛ akyerɛ adeɛ no, hyɛ aseɛ nya w’ankasa suahunu wɔ twerɛnsɛm no mu. W’ahoboa a ɛhia pa ara bɛba mu berɛ a wohwehwɛ twerɛnsɛm no mu na wopɛ w’ankasa nkanyan firi Sunsum Kronkron no hɔ. Wobɛtumi nso asua adeɛ berɛ a nkorɔfoɔ a wokyerɛ wɔn adeɛ no wɔ w’adwene mu. Hwehwɛ ɛnniawieeɛ nokorɛ Bra, Di M’akyi bɛtumi aboa ama woahunu saa nokorɛ yi na woasua sɛdeɛ wode twerɛnsɛm no bɛbɔ wo bra.

Fahyɛ w’adwene mu sɛ asɛmpa no sua, wɔ ne papa mu no, gyina efie so na Asɔre no aboa. Wɔ nsɛm foforɔ mu no, w’asodie titire ne sɛ woboa nkorɔfoɔ a wokyerɛ wɔn adeɛ no mmɔdemmɔ mu ma wɔsua adeɛ na wɔdi asɛmpa no so wɔ efie. Ɛnnwene ho sɛ wonya adeɛ sononko a wode bɛma wɔn wɔ adesua dan mu. Mmom, ma wɔn akwanya ma wɔnkyɛ wɔn suahunu, adwennwene, ne nsɛmmisa fa twerɛnsɛm nkrataafa a wɔakenkan wɔ efie ho. Ma wɔnkyɛ ɛnniawieeɛ nokorɛ a wɔanya. Yei ho hia yie sene sɛ wɔbɛwie nneɛma bebree bi.

Mmabunu ne Mpanimfoɔ Kwasiada Sukuu Adesua Adan

Ade titire baako a enti yɛhyia wɔ Kwasiada Sukuu adan mu ne sɛ yɛbɛboa yɛn ho na yɛahyɛ yɛn ho nkuran berɛ a yɛpere sɛ yɛbɛhunu Yesu Kristo na yɛadi N’akyi. Ɔkwan tiawa a yɛbɛfa so ayɛ yei ne sɛ yɛbɛbisa asɛmmisa te sɛ “Deɛn na Sunsum Kronkron no akyerɛ wo wɔ nnawɔtwe yi mu berɛ a wode Bra, Di M’akyi suaa adeɛ?” Asɛmmisa yi ho mmuaeɛ bɛtumi de akɔ mpɛnsɛmpɛnsɛmu mu wɔ Yesu Kristo ne N’asɛmpa gyidie mu.

Afei wobɛtumi ato nsa afrɛ mpɛnsɛmpɛnsɛmu fa adesua adwenkyerɛ a ɛwɔ Bra, Di M’akyi mu ho. Nhwɛsoɔ, adesua nsusuiɛ bi bɛtumi akyerɛ nhwehwɛmu Nkyerɛkyerɛ ne Apam 19:15–20, a ɛrehwehwɛ sɛdeɛ Agyenkwa no kyerɛkyerɛɛ N’amanehunu mu. Wobɛtumi abisa adesuafoɔ sɛ wɔnkyɛ atenka a wɔnyaeɛ berɛ a wɔrekan Ne nkyerɛkyerɛmu no na wɔakasa afa nsunsuansoɔ a ɛnya wɔ sɛdeɛ wɔdwene fa Ne ho no. Anaasɛ wɔbɛtumi de mmerɛ bi asua nkyekyɛmu yi sɛ adesuafoɔ.

Aaron Asɔfodie Akuo, ne Mmaayewa Agyinapɛn

Sɛ Aaron Asɔfodie akuo, ne Mmaayewa adesuafoɔ hyia mu wɔ Kwasiada a, wɔn botaeɛ taa da nso firi Kwasiada Sukuu adessua ho. Wɔ deɛ ɛka mmoa a yɛde ma yɛn ho de sua Yesu Kristo asɛmpa no ho no, saa akuo yi nso hyia tu fo bom fa sɛdeɛ wɔbɛtumi de nkwagyeɛ ne mpagya adwuma no aba awieeɛ (hwɛ General Handbook: Resom wɔ Yesu Kristo Asɔre a ɛwɔ hɔ ma Nna a Ɛdi Akyire Ahotefoɔ, 1.2), mu sɛdeɛ wɔn adesua anaasɛ ekuo titenafoɔ akyerɛ no.

Ne saa nti, ekuo anaasɛ adesuafoɔ nhyiamu biara ɛwɔ sɛ ekuo anaasɛ adesuafoɔ titenafoɔ ananmusini di mpɛnsɛmpɛnsɛmu a ɛfa wɔn mmɔden ho anim. Nhwɛsoɔ, wɔbɛtumi atu fo abom fa wɔn mmɔdemmɔ a wɔde bɛdi asempa no so, som nkorɔfoɔ a wɔhia mmoa, kyɛ asɛmpa no, anaasɛ wɔdi dwuma wɔ tɛmpol ne abusua abakɔsɛm adwuma mu.

Wɔatu fo abom awie no, ɔkwankyerɛfoɔ bi di adesuafoɔ no anaasɛ ekuo no anim ma wɔsua asɛmpa no bom. Wɔbɛtumi ama mpanimfoɔ akannifoɔ anaasɛ adesuafoɔ no anaasɛ ekuo no mufoɔ bi akyerɛ adeɛ. Adesuafoɔ anaasɛ ekuo titenafoɔ no, berɛ a wɔne mpanimfoɔ akannifoɔ akasa no, de dwumadie yinom ma.

Nkorɔfoɔ a wɔayi wɔn sɛ wɔnkyerɛ adeɛ no ɛwɔ sɛ wɔyɛ ahoboa berɛ a wɔde adwenkyerɛ a ɛwɔ nnawɔtwe nnawɔtwe nhyehyɛeɛ a ɛwɔ Bra, Di M’akyi mu yɛ adwuma. Wɔ nhyehyɛeɛ biara mu, saa ahyɛnsodeɛ yi kyerɛ dwumadie a ɛho hia sononko ma mmabunu na ɛne deɛ wɔsua wɔ seminary no wɔ twaka. Nanso, adwenkyerɛ biara a ɛwɔ nhyehyɛeɛ no mu no wɔbɛtumi de ayɛ adesua dwumadie ama mmabunu.

Sɛ wopɛ ekuo ne adesuadan mu nhyehyɛeɛ a, hwɛ appendix D.

Mfitiaseɛ

W’ahoboa a wode bɛkyerɛ Primary adeɛ hyɛ aseɛ berɛ a sɛ ankorankoro ne w’abusua sua twerɛnsɛm no. Berɛ a woreyɛ no bue kwan ma honhom mu nkanyan ne nhunumu a ɛfiri Sunsum Kronkron no fa nkwadaa a wɔwɔ wo Primary adesuadan mu ho. Yɛ mpaebɔfoɔ Honhom no bɛtumi akanyan wo ama wo nsusuiɛ de aboa wɔn wɔ Yesu Kristo asɛmpa no sua mu.

Berɛ a woreyɛ ahoboa akyerɛ adeɛ no, wobɛtumi anya nkanyan foforɔ berɛ a wode adekyerɛ nsusuiɛ a ɛwɔ saa akadeɛ yi mu yɛ adwuma. Nhyehyɛeɛ biara a ɛwɔ Bra, Di M’akyi—De ma Efie ne Asɔre wɔ afa a wɔato din “Nsusuiɛ ma Nkwadaa Adekyerɛ.” Dwene saa nsusuiɛ yi ho sɛ adwenkyerɛ fa sɔ wo nkanyan ano gya. Wonim nkwadaa a wɔwɔ wo Primary adesuadan mu hɔ no—na wobɛtumi abɛhunu wɔn yie berɛ a wo ne wɔn nya nkutahodie wɔ adesuadan mu hɔ. Onyankopɔn nso nim wɔn, na ɔbɛkanyan wo wɔ akwan pa a wode bɛkyerɛ na woahyira wɔn.

Nkwadaa a wɔwɔ wo adesuadan mu no ne wɔ mmusua bɛtumi ayɛ nnwumadie yi bi dada wɔ Bra, Di M’akyi mu. Ɛno nso yɛ. Ntimu yɛ. Dwene ho to nsa frɛ nkwadaa no ma wɔne wɔn ho nkyɛ deɛ wɔasua wɔ efie. Ɛwɔ sɛ woyɛ nhyehyɛeɛ ma nkwadaa yɛ dwumadie no bi mpo berɛ a wɔnsua adeɛ wɔ efie. Nkwadaa sua asɛmpa no nkokorɛ yie berɛ a wɔkyerɛ wɔn adeɛ ntoatoasoɔ nam dwumadie ahodoɔ so. Sɛ wohunu sɛ adesua dwumadie bi yɛ ma nkwadaa a, dwene ho ti mu, titire ne berɛ a worekyerɛ nkwadaa nketewa adeɛ.

Wɔ abosome a ɛwɔ Kwasiada num no, wɔhyɛ Primary akyerɛkyerɛfoɔ nkuran sɛ wɔmpɛ Bra, Di M’akyi nhyehyɛeɛ no ananmusie wɔ Kwasiada a ɛtɔ so num no wɔ adesua nnwumadie baako anaasɛ dodoɔ firi “Appendix B: For Primary—Preparing Children for a Lifetime on God’s Covenant Path.”