Nsusuiɛ a Ɛbɛboa Efie ne Asɔre Adesua

Berɛ a woresua Agyenkwa no asɛmpa wɔ efie ne asɔre no, dwene nsɛmmisa a ɛdidi soɔ yi ho:

• Sɛn na wobɛto nsa afrɛ Honhom no aba w’adesua mu?

• Sɛn na wobɛtwe w’adwene asi Agyenkwa no so wɔ w’adesua mu?

• Sɛn na wobɛfa daadaa adesua mmerɛ no sɛ mfasoɔ?

• Sɛn na wobɛhyɛ abusua ne adesuafoɔ nkuran ama wɔn ankasa asua adeɛ na wɔakyɛ deɛ wɔresua no?

Akwan tiawa bi a ɛbɛtumi aboa wo Nyankopɔn asɛm sua nie.

Bɔ mpaeɛ pɛ nkanyan.

Twerɛnsɛm no yɛ Onyankopɔn asɛm, enti bisa No mmoa na te wɔn ase.

Hwehwɛ nokorɛ fa Yesu Kristo ho

Nneɛma nyinaa di Kristo ho adanseɛ (hwɛ 2 Nephi 11:4; Moses 6:63), enti dwene ho twerɛ anaasɛ hyɛ nkyekyɛmu a ɛdi Agyenkwa no ho adanseɛ nso, ma ɔdɔ a wowɔ ma No no mu nnɔ, na kyerɛ sɛdeɛ wɔbɛdi N’akyi. Ɛtɔ da a nokorɛ a ɛfa Agyenkwa no ne N’asɛmpa ho no wɔka no pefee, na ɛtɔ da nso a yɛnya firi nhwɛsoɔ bi anaasɛ abasɛm bi mu. Bisa wo ho sɛ, “Nokorɛ bɛn na wɔkyerɛkyerɛ wɔ saa nkyekyɛmu yi mu? Ɛdeɛn na saa nokorɛ yi kyerɛ me fa Agyenkwa no ho?”

Tie Honhom no

Yɛ aso ma w’adwennwene ne w’atenka, mpo berɛ a ɛmfa deɛ worekenkan no ho. Saa atenka yi bɛtumi ayɛ deɛ wo Soro Agya pɛ sɛ wosua no.

Twerɛ w’atenka no to hɔ

Akwan bebree wɔ hɔ a wɔfa so twerɛ atenka a ɛba berɛ a woresua no. Nhwɛsoɔ, wobɛhunu sɛ nsɛmfua bi ne kasasini bi wɔ twerɛnsɛm no mu a ɛka w’akoma; wobɛtumi ahyɛ wɔn nso na woatwerɛ w’adwennwene sɛ atwerɛ wɔ wo twerɛnsɛm mu. Wobɛtumi nso ayɛ nsɛmma nwoma ama nhunumu, atenka, ne nsusuiɛ a wonya.

Wo ne afoforɔ nkyɛ deɛ woresua no

Wo ne afoforɔ repɛnsɛmpɛnsɛ wo nhunumu a ɛfiri w’ankasa adesua mu no yɛ kwan pa a yɛde kyerɛkyerɛ afoforɔ adeɛ na ɛboa hyɛ wo nteaseɛ wɔ deɛ woakenkan no mu den. Wo ne abusuafoɔ ne nnamfoɔ nkyɛ deɛ woresua no (sɛ mohyia mu ankasa anaasɛ afidie so), na to nsa frɛ ma wɔnyɛ saa ara.

Fa twerɛnsɛm no toto w’abrabɔ ho

Dwene sɛdeɛ ayɛsɛm ne nkyerɛnkyerɛ a worekenkan no fa w’abrabɔ ho. Nhwɛsoɔ, wobɛtumi abisa wo ho sɛ, “Suahunu bɛn na manya a ɛne deɛ merekenkan yi sɛ?”

Bisa nsɛm berɛ a wosua adeɛ

Berɛ a woresua twerɛnsɛm no, nsɛmmisa bɛtumi aba adwene no mu. Saa nsɛmmisa yi bɛtumi afa deɛ worekenkan ho anaasɛ w’abrabɔ mu nyinaa. Dwene saa nsɛmmisa yi ho na hwehwɛ mmuaeɛ berɛ a wokɔ so sua twerɛnsɛm no.

Fa twerεsεm adesua mmoa di dwuma

Sɛ wobɛnya nhunumu aka nkyekyɛmu a wokenkan no ho a, fa nwoma ase nsɛm no di dwuma Topical Guide, the Bible Dictionary, the Guide to the Scriptures, ne adesua mmoa afoforɔ.

Dwene twerɛnsɛm no mu nsɛm ho

Wobɛtumi anya nhunumu a nteaseɛ wɔ mu fa twerɛsɛm bi ho berɛ a woredwene ɛmu nsɛm ho, ne tebea anaasɛ dibea a ɛfiri baeɛ. Nhwɛsoɔ, sɛ wonim nkorɔfoɔ a nkɔmhyɛni bi kasa kyerɛɛ wɔn ase ne wɔn gyedie bɛtumi aboa ama woahunu adwene a ɛtae Ne nkransɛm no akyi. Wobɛtumi asua wɔn ho asɛm wɔ Ahotefoɔ, Adiyisɛm Nnyinasoɔ, ɔfa tinsɛm a ɛwɔ Nkyerɛkyerɛ ne Apam ne akadeɛ afoforɔ mu.

Sua nna a ɛdi akyire nkɔmhyɛfoɔ ne asomafoɔ nsɛm.

Kenkan deɛ nna a ɛdi akyire nkɔmhyɛfoɔ ne asomafoɔ akyerɛkyerɛ fa nnyinasosɛm a wohunu wɔ twerɛnsɛm no mu.

Fa deɛ wosua bɔ bra

Ɛnsɛ sɛ twerɛsɛm sua kanyan yɛn nko ara mmom ɛdi yɛn anim ma yɛsesa sɛdeɛ yɛbɔ yɛn bra. Tie deɛ Honhom no kanyan wo sɛ yɛ berɛ a worekenkan no, na afei di saa nkanyan no so.

Fa nnwom yɛ adwuma

Adwenkyerɛ nnwom ne mmɔfra nnwom wɔ baabiara wɔ Bra, Di M’akyi mu. Fa nnwom kronkron to nsa frɛ Honhom no na ɔnnɔ wo gyidie ne adanseɛ fa asɛmpa nokorɛ no ho mu.

Sua twerɛnsɛm gu wo tiri mu

Yi twerɛsɛm fa bi a ɛho hia ma wo, w’abusua, w’desuafoɔ, na wɔnwe ngu wɔn tiri mu berɛ a wɔti mu dabiara anaasɛ wɔdi nwegutirim agorɔ.

Kyɛ adesua adeɛ

Hwehwɛ nneɛma a ɛfa tire ne nkyekyɛmu ahodoɔ a morekenkan ho. Dwene sɛdeɛ adeɛ biara ne twerɛnsɛm mu adekyerɛ sɛ.

Yɛ, hwehwɛ, anaasɛ twa mfonini bi

Kenkan nkyekyɛmu kakra bi, na afei yɛ biribi a ɛsɛ deɛ woakenkan no mfonini. Anaasɛ wobɛtumi ahwehwɛ mfonini bi wɔ Gospel Art Book anaasɛ Asɛmpa Nwoma Akoraeɛ mu baabi. Wobɛtumi nso atwa mfonini bi a ɛkyerɛkyerɛ deɛ woasua no mu.

Yɛ abasɛm bi ho yɛkyerɛ

Berɛ a moakenkan abasɛm bi awie no, ma abusuafoɔ anaansɛ adesuafoɔ mfa nyɛ ɔyɛkyerɛ. Akyire yi, monkasa mfa sɛdeɛ abasɛm no fa nneɛma a morefa mu no ho.

Yɛ ɔyamyɛfoɔ wɔ efie

Sɛ wowɔ abusuafoɔ a wɔmpɛ sɛ wɔka abusua twerɛsɛm adesua ho a, hwehwɛ akwan foforɔ na fa wɔn ka ho. Nhwɛsoɔ, wobɛtumi akyɛ nokorɛ a ɛnniawieeɛ no wɔ wo nkɔmmɔdie mu anaasɛ wobɛkyɛ twerɛsɛm bi a ɛho hia wɔ ɔkwan bi so a ɛnyɛ asɛnka anaasɛ nhyɛsoɔ. Ɛnsɛ sɛ twerɛsɛm sua yɛ adekorɔ wɔ abusua biara mu. Nkwadaa binom bɛtumi ayi twerɛnsɛm adesua ano yie wɔ anim ne anim. Yɛ mpaebɔfoɔ na di Honhom no nkanyan so.

Akyerɛkyerɛfoɔ agyinatuo nhyiamu ma awofoɔ. Sɛ wobɛhia mmoa foforɔ wɔ wo nkwadaa adekyerɛ mmɔdemmɔ mu a, hwehwɛ mu sɛ wo wɔɔdo yɛ akyerɛkyerɛfoɔ agyinatuo nhyiamu ma awofoɔ a (hwɛ General Handbook, 17.5). Saa nhyiamu yi yɛ akwanya ma awofoɔ sɛ wɔtu fo bom fa sɛdeɛ wɔbɛma wɔn adekyerɛ atu mpɔn ho. Wɔbɛtumi apɛnsɛmpɛnsɛ nnyinasosɛm a ɛwɔ Adekyerɛ wɔ Agyenkwa no Kwan so, nsusuiɛ a ɛwɔ saa nkrataafa yi so de ma abusua twerɛsɛm sua mpuntuo, ne adesua ne adekyerɛ adwenkyerɛ a ɛwɔ babiaria wɔ Bra, Di M’akyi mu.