“Ɔpɛnima 30–Ɔpɛpɔn 5: “Mmaeɛ bio a Wɔhyɛɛ ho Bɔ no Kɔ Anim“

Yesu Kristo Asɛmpa no Mahyɛ Mmaeɛ bio

Sɛn na wobɛsi akae mfeɛ 200 afahyɛ dwumadie a ɛsesaa wiase no? Saa asɛmmisa yi na Atitenafoɔ a Wɔdi Kan ne Asomafoɔ Dummienu Kuo no dwenee ho berɛ a na Oforisuo 2020 rebɛne no, na ɛrehyɛ mfeɛ 200 a Joseph Smith nyaa Anisoadehunu a ɛdi Kan no nso. “Yɛdwenee ho sɛ ɛbɛhia nkaedum bi a,” Titenani Russell M. Nelson kaeɛ. “Nanso berɛ a yɛsusuu abakɔsɛm soronko ne tete amansan nsunsuansoɔ a saa Anisoadehunu a ɛdi Kan no wɔ wɔ amanaman so no, yɛnyaa adwene mu atenka bi sɛ yɛyɛ nkaedum bi a yɛmfa granate boɔ anaa ɛboɔ biara na ɛbɛyɛ na mmom yɛde nsɛm a yɛnam ɔdwoɔ kronkron mu pae mu ka a ɛnsɛ sɛ wɔdwini gu “ɛboɔ apono” so, na mmom ɛbɛka yɛn akoma “honam pono so [2 Korintofoɔ 3:3]” (“Tie No,” Liahona, Kɔtɔnima 2020, 90).

Nsɛmfua nkaedum a wɔyɛeɛ no ti asɛm yɛ “Yesu Kristo Asɛmpa no mmaeɛ bio no mahyɛ no : Mfeɛ ahanu Dawubɔ ma Ewiase.” Ɛnyɛ nkaedum mma Anisoadehunu a ɛdi Kan no kɛkɛ, mmom biribiara a Yesu Kristo ayɛ—na ɔguso reyɛ—de firi saa berɛ no. N’asɛmpa no Mmaeɛ bio no hyɛɛ aseɛ berɛ a onipa baako twaa n’ani hwɛɛ Onyankopɔn na ɔtiee No. Ɛtoa kwan korɔ no ara so: akoma baako, suahunu kronkron baako berɛ biara—a wodeɛ ka ho.

Nsusuiɛ ma Efie ne Asɔre Adesua

“Onyankopɔn dɔ ne mma a wɔwɔ ewiase ɔman biara mu.”

Wɔ w’adwene mu, adɛn nti na dawubɔ fa Mmaeɛ bio ho hyɛ aseɛ firi Onyankopɔn dɔ ho? Berɛ a woresua dawubɔ no asɛm no, hwehwɛ nsɛm a ɛkyerɛ Onyankopɔn dɔ a Ɔwɔ ma “Ne mma wɔ ɔman biara mu.” Sɛn na asɛmpa no Mmaeɛ bio no aboa wo ama woate Ne dɔ nka?

San hwɛ Gerrit W. Gong, “Aman Nyinaa, Nnipa Nyinaa, ne Kasa ahoroɔ,” Liahona, Obubuo 2020, 38–41.

Mmaeɛ bio no de asɛmmisa na ɛhyɛɛ aseɛ.

Yɛbɛtumi aka sɛ Agyenkwa no hyɛɛ N’asɛmpa no Mmaeɛ bio no ase berɛ a ɔbuaa asɛmmisa bi. Nkrasɛm bɛn na wote nka sɛ Mmaeɛ bio dawubɔ no wɔ ma obi a ɔwɔ nsɛmmisa fa Onyankopɔn ho, asɛmpa no, anaasɛ “nkwagyeɛ ma [ne] kra”? Wobɛtumi nso asua Joseph Smith—Abakɔsɛm1:5–20 ahwɛ deɛ wobɛtumi asua afiri Joseph Smith mmuaeɛ a ɔrehwehwɛ fa asɛmpa nsɛmmisa ho.

San hwɛ Tinsɛm ne Nsɛmmisa, “Rehwehwɛ Mmuaeɛ,”Asɛmpa nwoma Akoraeɛ.

Nkyerɛkyerɛmu firi M’akoma so Adeɛ, ɛfiri Walter Rane hɔ

Yesu Kristo asan de N’Asɔre aba.

Ɛdeɛn na wonim fa “Kristo Apam Foforɔ Asɔre,” a Agyenkwa no nam Joseph Smith so asan de aba no ho? Dwene ho sua saa twerɛnsɛm yi na twerɛ N’Asɔre no su no bi:

• Mateo 16:15–19

• Marko 16:15–18

• Luka 6:12–13

• Asomafoɔ 4:34–35

• 1 Korintofoɔ 15:29

• Efesofoɔ 4:11–15

Ɛdi hɔ, wobɛtumi de twerɛnsɛm a ɛwɔ soro no atoto aseɛ deɛ no ho a ɛkyerɛkyerɛ sɛdeɛ Yesu nam Joseph Smith so san de N’Asɔre baeɛ:

• Nkyerɛkyerɛ ne Apam 18:37–38; 107:23–24

• Nkyerɛkyerɛ ne Apam 51:3; 70:14

• Nkyerɛkyerɛ ne Apam 84:64–72

• Nkyerɛkyerɛ ne Apam 110:11–16

• Nkyerɛkyerɛ ne Apam 124:31, 36

• Gyidikansɛm 1:6

Adɛn na w’ani sɔ Yesu Kristo asɛmpa no Mmaeɛ bio no?

Mmerɛ bi Elder Jeffrey R. Holland ne ne yere bɔɔ mmɔden sɛ wɔredwene atenka a anka wɔbɛnya sɛ wɔtenaa ase ansa na wɔde Asɔre no resan aba a. “Deɛn na wosusu sɛ yɛnyaeɛ a anka ɛyɛ?” wɔbisaa wɔn ho. Kenkan fa wɔn suahunu ho wɔ “A Perfect Brightness of Hope” (Liahona, Kɔtɔnima 2020, 81–82). Sɛn na Mmaeɛ bio no aboa ama wo honhom mu anidasoɔ aba mu?

San hwɛ Tinsɛm ne Nsɛmmisa, “Apostasy and the Restoration of the Gospel,” Asɛmpa nwoma Akoraeɛ.

“Mmaeɛ bio a wɔhyɛɛ ho bɔ no kɔ nim.”

Woadwene ho pɛn sɛ woka asɛmpa Mmaeɛ bio no ho? Dwene saa nsɛm a ɛfiri Titenani Dieter F. Uchtdorf hɔ no ho: Ɛtɔ da a yɛfa asɛmpa Mmaeɛ bio no sɛ biribi a awie yɛ, dadaada wɔ yɛn akyi. Nokorɛ mu, Mmaeɛ bio no yɛ adeɛ a ɛrekɔso; yɛte mu seesei” (“Woreda wɔ Mmaeɛ bio no mu anaa?,” Liahona, Kɔtɔnima 2014, 59).

Woayɛ krado sɛ wobɛsua sɛdeɛ wɔsan de asɛmpa no baeɛ wɔ 1800 mu no, wobɛtumi ahyɛ aseɛ adwene sɛdeɛ wɔsan de baa w’abrabɔ mu no ho. Kenkan Mmaeɛ bio dawubɔ berɛ a nsɛmmisa te sei wɔ w’adwene mu: Sɛn na ɛmaa mebɛhunuu sɛ yei yɛ nkokorɛ? Sɛn na mesi di dwuma wɔ Mmaeɛ bio no mu ɛnnɛ?

“Ɔsoro mu abue.”

Dɛen na kasasini “ɔsoro mu abue” kyerɛ woɔ? Deɛn adanseɛ na wohunu—wɔ Mmaeɛ bio dawubɔ, no mu wɔ Asɔre no mu ɛnnɛ—sɛ ampa ɔsoro mu abue?

Wobɛtumi nso de “The Morning Breaks” (Nnwom, no. 1) aka w’adesua ho. Deɛn na wohunu wɔ saa dwom yi mu a ɛde bi ka wo nteaseɛ wɔ “ɔsoro mu abue no ho”?

San hwɛ Quentin L. Cook, “The Blessing of Continuing Revelation to Prophets and Personal Revelation to Guide Our Lives,” Liahona, Kɔtɔnima 2020, 96–100.

Monsua adeɛ mmɔ mu Titenani Nelson to nsa frɛ yɛn sɛ “yɛnsua [Mmaeɛ bio dawubɔ] no kokoam ne yɛne [yɛn] abusuafoɔ ne nnamfoɔ” (“Tie No,” 92). Dwene sɛdeɛ wode afoforɔ bɛka w’adesua ho.

Worepɛ nsusuiɛ bebree a, hwɛ saa bosome yi Liahona ne De ma Mmabunu Ahoɔden nsɛmma nwoma mu.

Nsusuiɛ de ma Nkwadaa Adekyerɛ

“Yɛde nidie bɔ dawuro.”

• Berɛ a wo ne wo mma rekenkan Mmaeɛ bio dawubɔ (anaasɛ rehwɛ sini a Titenani Nelson rekenkan no), boa wɔn ma wɔnhwehwɛ kasamu a ɛde kasasini te sɛ “yɛbɔ dawuro,” “yɛpae mu ka,” anaasɛ “yɛdi adanseɛ hyɛ aseɛ.” Nokorɛ bɛn na yɛn nkɔmhyɛfoɔ ne asomafoɔ repae mu ka yi? Ebia wo ne wo nkwadaa bɛtumi akyɛ mo adanseɛ wɔ saa nokorɛ korɔ yi ara bi ho.

  The Restoration of the Fulness of the Gospel of Jesus Christ

  President Russell M. Nelson, with the First Presidency and Quorum of the Twelve Apostles, makes a bicentennial proclamation on The Restoration of the Fulness of the Gospel of Jesus Christ.

“Na Joseph Smith wɔ nsɛmmisa.”

• Wo nkwadaa ani bɛgye sɛ wɔhwehwɛ nsɛmmisa no bi a na Joseph Smith wɔ a ɛde kɔɔ Agyenkwa asɛmpa Mmaeɛ bio no mu. Boa ma wɔnhwehwɛ nhwɛsoɔ no bi wɔ Joseph Smith—Abakɔsɛm 1:10, 29, 68. Sɛn na wɔasi ahyira yɛn ɛnnɛ ɛnam Joseph Smith nsɛmmisa a Onyankopɔn buaeɛ no nti?

• Ɛwɔ sɛ woma wo nkwadaa akwanya ma wɔkasa fa nsɛmmisa a wɔwɔ ho. Deɛn na yɛsua firi Joseph Smith hɔ fa sɛdeɛ yɛhwehwɛ mmuaeɛ ho? (hwɛ Joseph Smith—Abakɔsɛm 1:8–17; san hwɛ nkyekyɛmu 3 ne 4 wɔ “Yei Ne Me Dɔ Ba no,” Nkwadaa Nnwomnwoma, 76).

“Ɔsoro abɔfoɔ bɛkyerɛkyerɛɛ Joseph.”

• Hwannom ne “ɔsoro abɔfoɔ a [wɔ] baeɛ bɛkyerɛkyerɛɛ Joseph no”? Wo nkwadaa ani bɛtumi agye sɛ wɔhwɛ wɔn mfonini wɔ Gospel Art Book (hwɛ nos. 91, 93, 94, 95). Sɛn na saa abɔfoɔ yi mu biara boa maa “wɔsan hyehyɛɛ Yesu Kristo Asɔre no”? Twerɛnsɛm a wɔasusu wɔ nnawɔtwe yi mu dwumadie krataafa no mu bɛtumi aboa ama wo nkwadaa abua saa asɛmmisa yi.

Yesu Kristo asan de N’Asɔre no aba.

• Sɛn na wobɛtumi aboa wo nkwadaa ama wɔate Agyenkwa no Asɔre a wɔasan de aba no ase? Ebia wɔbɛtumi de blɔkoso anaasɛ nkuruwa asi abansoro na “wɔasan de aba ,” anaasɛ asan asi no bio. Anaasɛ, sɛ wo nkwadaa ahyɛ biribi ananmu pɛn esiane sɛ ɛyeraeɛ anaasɛ ɛsɛeɛ a, wobɛtumi de saa suahunu no atoto Agyenkwa no ho sɛ ɔresan de N’Asɔre no aba ho. Boa ma wɔnhwehwɛ nneɛma pɔtee a wɔabɔ din wɔ Mmaeɛ bio dawubɔ mu a Agyenkwa no san de baeɛ.

“Ɔsoro mu abue.”

• Sɛ worekyerɛ kasasini “ɔsoro mu abue” ase no, ebia wobɛtumi ne wo nkwadaa akyɛ nkrasɛm bi, ɛdi kan no wɔ ɛdan mu, na afei wɔ abɔntene mu. Ma wɔmfa mmerɛ nkyɛ nkrasɛm bi mmaako mmaako. Nkransɛm bɛn na Yesu Kristo wɔ ma yɛn? Suahunu bɛn na aboa ama yɛahunu sɛ wɔabue ɔsoro mu ama yɛn?

Worepɛ ɛmu nsɛm bebree a, hwɛ saa bosome yi Adamfoɔ nsɛmma nwoma mu.