Ɔpɛpɔn 6– 12: “Montie, O Mo Nkorɔfoɔ”

Nkyerɛkyerɛ ne Apam 1

Wɔ Obubuo 1831 mu, na Yesu Kristo Asɔre a wɔasan de aba no adi afe ne fa pɛ. Ɛwom sɛ na ɛrenyini deɛ, nanso na ɛda so ara yɛ agyidifoɔ a wɔte nkuro knketewa mu kuo a wɔnnim no kɛse, a nkɔmhyɛni a wadi mfeɛ aduonu mu di anim. Nanso Onyankopɔn hunuu saa agyidifoɔ yi sɛ wɔyɛ Ne nkoa ne asomafoɔ na ɔpɛɛ sɛ adiyisɛm a ɔde ama wɔn no wɔtintim ma wiase.

Nkyerɛkyerɛ ne Apam ɔfa 1 yɛ Awurade nnianimu asɛm, anaasɛ nnianimu, de ma saa adiyinsɛm yi. Ɛda adi pefee sɛ ɛwom sɛ na Asɔre no mu nnipa sua deɛ, nanso na biribiara nni hɔ a ɛsua fa nkransɛm a na Onyankopɔn pɛ sɛ N’Ahotefoɔ kyɛ no ho. Ɛyɛ “kɔkɔbɔ nne” de ma “asase sotefoɔ no,” rekyerɛ wɔn sɛ wɔnsakyera na wɔnhyehyɛ Onyankopɔ “onniawieeɛ apam no” (nkyekyɛmu 4, 8, 22). Nkoa a wɔso saa nkrasɛm yi yɛ “wɔn a wɔyɛ mrɛ ne awiɛmfoɔ.” Nanso nkoa ahobrɛasefoɔ ne wɔn a Onyankopɔn frɛ wɔn—tete ne ɛnnɛ—sɛ wɔde N’Asɔre “afiri sum kabii ne sum mu” (nkyekyɛmu 23, 30).

Nsusuiɛ ma Efie ne Asɔre Adesua

Nkyerɛkyerɛ ne Apam 1

“Montie, O Mo Nkorɔfoɔ.”

Nnianim de nwoma kyerɛ. Ɛkyerɛkyerɛ nwoma no nsɛmpɔ ne mmotaeɛ mu na ɛboa ma akenkanfoɔ siesie wɔn ho kenkan. Berɛ a worekan ɔfa 1—Awurade “nnianimu” de ma Nkyerɛkyerɛ ne Apam (nkyekyɛmu 6)—no, hwehwɛ nsɛmpɔ ne mmotaeɛ a Awurade de maa N’adiyisɛm. Deɛn na wosua a ɛbɛboa wo wɔ Nkyerɛkyerɛ ne Apam adesua mu saa afe yi? Nhwɛsoɔ, wobɛtumi adwene “tie Awurade nne” asekyerɛ ho wɔ saa adiyisɛm yi mu (verse 14) anaasɛ “hwehɛ saa mmaransɛm yi” (nkyɛkyɛmu 37).

San hwɛ nnianimu ma Nkyerɛkyerɛ ne Apam.

Nkyerɛkyerɛ ne Apam 1:4–6, 23–24, 37–39

Onyankopɔ kasa fa Ne nkoa so, a nna a ɛdi akyire nkɔmhyɛfoɔ ka ho.

Ɔfa 1 de Awurade paemuka hyɛ aseɛ na ɛde wie sɛ Ɔkasa fa Ne nkoa a Wayi wɔn so (hwɛ nkyekyɛmu 4–6, 23–24, 38). Twerɛ deɛ wosua firi saa adiyisɛm yi mu fa:

• Awurade ne Ne nne ho.

• Deɛ nti a nkɔmhyɛfoɔ ho hia wɔ yɛn mmerɛ yi mu.

Deɛn na ɛka wo sɛ woyɛ esiane deɛ wohunu no nti?

Berɛ bɛn na wonam Ne nkoa nne so ate Awurade nne? (hwɛ nkekyɛmu 38).

Wobɛtumi nso afa no sɛ adamfoɔ bi a ɔnnim biribi fa nkɔmhyɛfoɔ a wɔte aseɛ ho ne wo rekenkan ɔfa 1 no. Nsɛmmisa bɛn na w’adamfo no bɛwɔ? Nkyekyɛmu bɛn na wobɛpɛ sɛ wo ne w’adamfo no bɛpɛnsɛmpɛnsɛmu de aboa no ama wate atenka a wowɔ fa nkɔmhyɛfoɔ a yɛwɔ wɔ yɛn mmerɛ yi mu ase?

W’ani bɛgye sɛ wobɛhunu sɛ berɛ a mpanimfoɔ agyinatukuo hyiaa mu wɔ 1831 sɛ wɔredwennwene Joseph Smith adiyisɛm no tintim ho no, nkorɔfoɔ bi sɔre tiaa saa adwene no. Wɔfɛree wɔ Joseph mrɛyɛ wɔ atwerɛ mu, na ɛhaa wɔn sɛ sɛ wɔtintim adiyisɛm no a ɛde ɔhaw bebree bɛbrɛ Ahotefoɔ no (hwɛ Ahotefoɔ, 1:140–43). Sɛ na woka saa agyinatukuo yi ho a, sɛn na anka wobɛsiesie saa nsɛm yi? Nhunumu bɛn na wohunu wɔ ɔfa 1 a anka ɛbɛboa? (hwɛ, nhwɛsoɔ, ɔfa 6, 24, 38).

Dwene ho fa dwom bi sei ka ho “Bra, Tie Nkɔmhyɛni Nne” (Nnwom, no. 21) wɔ w’adesua ne som mu. Hwehwɛ kasasini wɔ dwom no mu a ɛkyerɛ nnyinasoɔ korɔ no sɛdeɛ ɛwɔ ɔfa 1mu.

San hwɛ Tinsɛm ne Nsɛmmisa, “Nkɔmhyɛfoɔ,”Asɛmpa nwoma Akoraeɛ.

Awurade nam Ne nkoa nkɔmhyɛfoɔ so, kasa kyerɛ yɛn.

Nkyerɛkyerɛ ne Apam 1:12–30, 34–36

Mmaeɛ bio no boa ma me gyina nna a ɛdi akyire haw mu.

Wɔ Nkyerɛkyerɛ ne Apam ɔfa 1, Awurade kyerɛkyerɛmu deɛ nti a ɔsan de N’asɔre baeɛ. Hwɛ sɛnti dodoɔ a wobɛtumi atwerɛ berɛ a worekenkan no nkyekyɛmu 12–23. Wɔ wo suahunu mu no, sɛn na Awurade mmotaeɛ de ma Mmaeɛ bio no reba mu?

Awurade hunuu sɛ yɛbɛnya ɔhaw a ano yɛ den (hwɛ nkyekyɛmu 17). Deɛn na wohunu wɔ nkyekyɛmu 17–30, 34–36 a ɛboa wo ma wonya asomdwoeɛ ne ahotosoɔ ɛmfa ho ne saa ɔhaw yi?

San hwɛ Russell M. Nelson, “Embrace the Future with Faith,” Liahona, Obubuo 2020, 73–76.

Nkyerɛkyerɛ ne Apam 1:19–28

Awurade de “wɔn a wɔyɛ mrɛ ne awiɛmfoɔ” di N’adwuma mu nkonim.

Berɛ a wokenkan Nkyerɛkyerɛ ne Apam 1:19-28. 1:19–28no, wobɛtumi adwene deɛ Awurade akoa ase kyerɛ ho. Esu bɛn na Awurade pɛ sɛ Ne nkoa nya? Deɛn na Awurade nam Ne nkoa so rewie? Sɛn na nkɔmhyɛ a ɛwɔ saa nkyekyɛmu yi mu reba mu wɔ wiase ne w’abrabɔ mu?

Hwehwɛ Yesu Kristo. Twerɛnsɛm no botaeɛ ne sɛ ɛbɛdi Agyenkwa no ne N’asɛmpa no ho adanseɛ. Berɛ a wokenkan Nkyerɛkyerɛ ne Apam 1no, dwene ho hyɛ nso anaasɛ twerɛ nkyekyɛmu a ɛkyerɛkyerɛ fa Yesu Kristo ho.

Worepɛ nsusuiɛ bebree a, hwɛ saa bosome yi Liahona ne De ma Mmabunu Ahoɔden nsɛmma nwoma mu.

Nsusuiɛ de ma Nkwadaa Adekyerɛ

Nkyerɛkyerɛ ne Apam 1:4, 37–39

Awurade nam Ne nkɔmhyɛfoɔ so bɔ me kɔkɔ wɔ honhom mu ehu ho.

• Sɛ worehyɛ aseɛ apɛnsɛmpɛnsɛm kɔkɔbɔ a ɛfiri Awurade hɔ ho a, wobɛtumi akasa afa kɔkɔbɔ a yɛnya firi nkorɔfoɔ afoforɔ hɔ ɛfa nneɛma a ɛyɛ hu a yɛnhunu ho. Nhwɛsoɔ bi ne ɛfam a ɛyɛ toro, ahum a ɛreba, anaasɛ kaa a ɛrebɛn yɛn. Ebia wo ne wo nkwadaa bɛtumi ahwɛ kɔkɔbɔ sɛnkyerɛnneɛ nhwɛsoɔ na mode saa kɔkɔbɔ no atoto kɔkɔbɔ a Awurade de ma yɛn ho. Sɛdeɛ Nkyerɛkyerɛ ne Apam 1:4, 37–39 1:4, 37–39kyerɛ no, sɛn na Awurade bɔ yɛn kɔkɔ? Deɛn na wɔabɔ yɛn kɔkɔ wɔ ho seesei? Ebia mobɛtumi ahwɛ anaasɛ akenkan seesei amansan nhyiamu nkransɛm na moahwehwɛ Onyankopɔn “kɔkɔbɔ nne” ho nhwɛsoɔ.

• Mommom nto nkɔmhyɛfoɔ ho dwom bi, te sɛ nkyekyɛmu a ɛtwa toɔ wɔ “Di Nkɔmhyɛni Akyi” (Nkwadaa Nnwomnwoma, 111). Kyɛ w’adanseɛ sɛ nkɔmhyɛni ka Onyankopɔn asɛm.

Nkyerɛkyerɛ ne Apam 1:17

Mmaeɛ bio no boa ma megyina nna a ɛdi akyire haw mu.

• Sɛ wobɛhyɛ nkuran afa Nkyerɛkyerɛ ne Apam 1:17, wo ne wo nkwadaa bɛtumi ayɛ sɛ moreyɛ ahoboa atu kwan. Ɛdeɛn na mobɛhyehyɛ? Sɛ wohunuu ntɛm sɛ osuo bɛtɔ anaasɛ wokaa anaasɛ bɔɔso kɔba bɛdwo a, deɛn nsunsuansoɔ na ɛbɛnya wɔ ɔkwan a wobɛfa so ayɛ ahoboa ho? Monkenkan nkyekyɛmu 17, na monni nkɔmmɔ mfa deɛ Awurade nim sɛ ɛbɛto yɛn ho. Sɛn na Ɔsiesiee Ne ho faeɛ? (Sɛ ɛbɛhia a, kyerɛkyerɛ mu sɛ “asiane” yɛ atoyerɛnkyɛm anaasɛ ade bɔne.) Sɛn na Onyankopɔn mmaransɛm boa yɛn ma yɛsɔ yɛn mmerɛ yi mu haw ano?

Nkyerɛkyerɛ ne Apam 1:17, 29

Onyankopɔn frɛɛ Joseph Smith sɛ ɔmmɛyɛ nkɔmhyɛni.

• Sɛ wobɛsua Joseph Smith adwuma a ɔyɛɛ wɔ Agyenkwa no asɛmpa no a ɔsan de baae no mu a, wo ne wo nkwadaa bɛtumi ahwɛ Agyenkwa no ne Joseph Smith mfonini (hwɛ mfonini wɔ saa nhyehyɛeɛ yi mu) na moakasa afa deɛ Agyenkwa no nam Joseph Smith so de maa yɛn ho. Wo nkwadaa bɛtumi ahwehwɛ nhwɛsoɔ wɔ Nkyerɛkyerɛ ne Apam 1:17, 29. Ka kyerɛ wo nkwadaa sɛdeɛ wonim sɛ Onyankopɔn “frɛɛ m’akoa Joseph Smith, Jun., na mekasa kyerɛɛ no firii soro” (nkyekyɛmu 17).

© 1998 David Lindsley

Nkyerɛkyerɛ ne Apam 1:30

Yesu Kristo Asɔre a ɛwɔ hɔ ma Nna a ɛdi Akyire Ahotefoɔ no yɛ Agyenkwa no Asɔre a ɛyɛ “nokorɛ na ɛte aseɛ.”

• Ɛdeɛn na ɛkyerɛ, sɛ obi bɛka sɛ Asɔre no yɛ “nokorɛ na ɛte aseɛ”? Sɛ ɛbɛyɛ a wo nkwadaa bɛkɔso adwennwene asɛmmisa yi ho no, ebia wobɛtumi de nneɛma a ɛwɔ nkwa ne deɛ ɛnni nkwa akyerɛ wɔn—te sɛ afifideɛ a ɛwɔ nkwa ne deɛ ɛnni nkwa. Yɛbɛyɛ dɛn ahunu sɛ biribi te ase? Afei mobɛtumi akenkan Nkyerɛkyerɛ ne Apam 1:30 na moakasa afa deɛ ɛbɛtumi akyerɛ sɛ Asɔre no yɛ “nokorɛ na ɛte ase.”

Sɛ wopɛ nsusuiɛ bebree a, hwɛ saa bosome yi Adamfoɔ nsɛmma nwoma mu.

Nsuo a Ɛda Dinn Nkyɛn, ɛfiri Simon Dewey hɔ