Nkyerɛmu firi Ɔbɔɔ Me Din, ɛfiri Michael Malm hɔ

Ɔpɛpɔn 20– 26: “Nkwadaa Akoma Bɛdane akɔ Wɔn Agyanom Deɛ So”

Nkyerɛkyerɛ ne Apam 2; Joseph Smith—Abakɔsɛm 1:27–65

Na adi mfeɛ mmiɛmsa a Onyankopɔn Agya ne Ne Ba Yesu Kristo, yii wɔn ho adi kyerɛɛ Joseph Smith wɔ nnuakuo no mu, a na Joseph nnyaa adiyisɛm foforɔ biara firi saa berɛ no. Ɔhyɛɛ aseɛ dwenee ho sɛ ebia Awurade bo afu no. Te sɛ yɛn nyinaa, na wayɛ mfomsoɔ, na ɔbuu ne ho fɔ wɔ ho. Nanso na Onyankopɔn wɔ dwumadie bi de ma no. Na adwuma a wɔfrɛɛ Joseph sɛ ɔnyɛ no ne deɛ Onyankopɔ hwehwɛ firi yɛn hɔ no wɔ twaka. Na Joseph de Mormon Nwoma no bɛba, wɔafrɛ yɛn sɛ yɛnkyɛ ɛmu nkrasɛm no. Na Joseph bɛgye asɔfodie nsafoa no de adane nkwadaa akoma akɔ wɔn agyanom deɛ so; seesei yɛbɛtumi agye ayɛyɛdeɛ ama yɛn awufoɔ wɔ tɛmpol. Wɔkaa nkɔmhyɛ a na ɛnkyɛ ɛbɛba mu kyerɛɛ Joseph; wɔafrɛ yɛn sɛ yɛmmoa mma saa nkɔmhyɛ no mmra mu. Berɛ a yɛreyɛ Onyankopɔn adwuma no, yɛbɛtumi ahyia sɔretia na mpo ɔtaeɛ, te sɛ deɛ Nkɔmhyɛni hyiaeɛ no pɛpɛɛpɛ. Nanso yɛbɛtumi anya gyidie sɛ Awurade de yɛn bɛyɛ adwinnadeɛ wɔ Ne nsa mu, sɛ deɛ ɔyɛ maa Joseph no.

San hwɛ Ahotefoɔ, 1:20-48.

Nsusuiɛ ma Efie ne Asɔre Adesua

Joseph Smith Abakɔsɛm 1:27–33

Onyankopɔn wɔ dwumadie bi de ma me sɛ menyɛ.

Ɛyɛ adeɛ baako sɛ yɛgye di sɛ na Onyankopɔn wɔ adwuma ma Joseph sɛ ɔyɛ—yɛbɛtumi abu nkɔmpɔ ahwɛ n’abrabɔ na yɛahunu pefee deɛ ɔtumi wieeɛ. Nanso woadwene ho pɛn sɛ Onyankopɔn wɔ adwuma ma wo sɛ yɛ? Berɛ a wokenkan Joseph Smith—Abakɔsɛm 1:27–33, dwene adwuma korɔ no ho. Sɛn na ɛboa Agyenkwa no Asɛmpa Mmaeɛ bio a ɛrekɔ so no?

Elder Gary E. Stevenson kyerɛɛ sɛ: Berɛ a yɛba Kristo nkyɛn na yɛboa ma afoforɔ nso yɛ saa no, yɛyɛ Onyankopɔn nkwagyeɛ ne mpagya adwuma no bi a, ɛtwe adwene si ɔsoro asodie a wɔapa no so. Saa asodie yinom yɛ tiawa, ɛkanyan, hyɛ nkuran, na ɛyɛ yie. Ɛno nie:

• Yɛde Yesu Kristo Asɛmpa No Rebɔ bra.

• Yɛrehwɛ wɔn a wɔnni bie

• Yɛreto nsa afrɛ obiara sɛ ɔnye Asɛmpa no

• Reka mmusua abom afebɔɔ” (“Simply Beautiful—Beautifully Simple,” Liahona, Obubuo 2021, 47).

Dwene suahunu ahodoɔ a woanya wɔ asodie kronkron yi biara mu a woayɛ adwuma wɔ mu ho. Deɛn na Agyenkwa no bɛpɛ sɛ woyɛ bio? Tinsɛm ne Nsɛmmisa krataafa wɔ hɔ ma saa asodie yinom (hwɛ “Yɛn Asodie wɔ Onyankopɔn Nkwagyeɛ ne Mpagya wɔ,” Asɛmpa Akoraeɛ). Ɛwɔ sɛ wohwehwɛ saa nkrataafa yi mu de boa ma wobua saa asɛmmisa yi.

Ɛtɔ da a wobɛdwene sɛ Awurade ntumi mfa wo nyɛ adwuma ɛnam mfomsoɔ a woayɛ nti. Deɛn na wosua firi Joseph Smith suahunu ho wɔ Joseph Smith—Abakɔsɛm 1:28–29? Wobɛyɛ dɛn ahunu wo “gyinabea wɔ [Onyankopɔn] anim”?

Bisa nsɛmmisa a ɛboa mpɛnsɛmpɛnsɛmu a nteaseɛ wɔ mu. Nsɛmmisa a ɛwɔ mmuaeɛ pa boro baako no boa ma asuafoɔ gyina wɔn ankasa adwene, atenka, ne suahunu so bua nsɛmmisa no. Nsɛmmisa a ɛwɔ saa nhyehyɛeɛ yi mu yɛ yei ho nhwɛsoɔ.

San hwɛ “Mmabunu Asodie wɔ Nkwagyeɛ Adwuma no mu” (sini), ChurchofJesusChrist.org; “Nkwagyeɛ ne Mpagya Adwuma no,” General Handbook, 1.2.

Youth Responsibility in the Work of Salvation

Elder Bednar wants the youth to recognize that recent adjustments to Young Women classes and Aaronic Priesthood quorums give them operational and executional responsibility in the work of salvation. When the youth are focused, miracles will come.

Joseph Smith—History 1:34–47

Agyenkwa no hyɛɛ tete nkɔmhyɛ no ma berɛ a ɔde N’asɛmpa no san baeɛ.

Berɛ a Moroni yii ne ho adi kyerɛɛ Joseph Smith no, ɔkaa Apam Dada ne Apam Foforɔ mu nkɔmhyɛ no bi, te sɛ, Yesaia 11; Asomafoɔ Nnwuma 3:22–23; ne Yoel 2:28–32. Berɛ a wokenkan Joseph Smith—Abakɔsɛm 1:34–47, dwene sɛnti a na saa nkɔmhyɛ no ho hia ma Joseph sɛ ɔhunu. Adɛn nti na wɔn ho hia ma wo sɛ wohunu?

Wobɛtumi nso akenkan deɛ Elder David A. Bednar kyerɛ faa Moroni nsra a ɛdi kan ma Joseph Smith wɔ “With the Power of God in Great Glory” (Liahona, Obubuo 2021, 28).

Onyankopɔn Tumi mu Animuonyam Kɛseɛ

Elder Bednar kyerɛkyerɛ sɛ apam so die boa ma yɛnya nyamesu tumi wɔ yɛn abrabɔ mu.

San hwɛ “An Angel from on High,” Nnwom, no. 13.

Joseph Smith—Abakɔsɛm 1:48–60

Onyankopɔ bɛsiesie me ama mayɛ adwuma wɔ N’ahemman mu.

Na Joseph adi mfeɛ 17 pɛ berɛ a ɔdii kan hunuu sika kɔkɔɔ mprɛte no . Wɔamfa anhyɛ ne nsa, mmom kɔsi mfeɛ nan akyi. Kenkan Joseph Smith—Abakɔsɛm 1:48–60, hwehwɛ deɛ ɛtoo Joseph wɔ abrabɔ mu saa berɛ no. Sɛn na wodwene sɛ saa nsɛm yi boa siesiee no maa adwuma a Onyankopɔn frɛɛ no sɔ ɔnyɛ no? Deɛn suahunu na woanya a asiesie wo ama Onyankopɔn ne afoforɔ som? Deɛn suahunu na seesei worenya a ɛbɛtumi aboa ama woayɛ ahoboa ama daakye som?

Hill Cumorah, ɛfiri Al Rounds hɔ

Nkyerɛkyerɛ ne Apam 2

Awurade somaa Elijah sɛ ɔmmɛdane m’akoma nkɔ me nananom so.

Deɛn na nsɛm te sɛ “dua,” “akoma,” ne “dane” a ɛwɔ ɔfa yi mu kyerɛ wo fa Elijah dwumadie ne asɔfodie nhyira a ɔsan de baeɛ ho? Sɛn na wohunu sɛ w’akoma adane kɔ wo nananom so? Dwene akwan a wobɛtumi afa so anya saa suahunu no mpɛn bebree. Worehwehwɛ wo nananom na woayɛ ayɛyɛdeɛ ama wɔn wɔ tɛmpol mu yɛ kwan baako (hwɛ FamilySearch.org). Afoforɔ bɛn na wobɛtumi adwene wɔn ho?

San hwɛ Nkyerɛkyerɛ ne Apam110:13–16; Gerrit W. Gong, “Happy and Forever,” Liahona, Obubuo 2022, 83–86.

Worepɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Nsusiɛ de ma Nkwadaa Adekyerɛ

Joseph Smith—Abakɔsɛm 1:28–29

Mɛtumi asakyera na manya bɔnefakyɛ.

• Ɛtɔ da a yɛn nyinaa nya “fɔbuo ma [yɛn] mrɛyɛ ne sintɔ,” te sɛ deɛ Joseph Smith yɛeɛ no. Wo ne wo nkwadaa bɛtumi asua Joseph Smith—Abakɔsɛm 1:29 abom, ahwehwɛ deɛ Joseph yɛeɛ berɛ a ɔnyaa saa atenka no. Deɛn na yɛbɛtumi asua afiri ne nhwɛsoɔ no mu a ɛbɛboa yɛn berɛ a yɛyɛ mfomsoɔ? Adɛn nti na ɛhia sɛ yɛhunu sɛ Onyankopɔn na ɔfrɛɛ Joseph a mpo na ɔnnwie pɛyɛ?

Joseph Smith Abakɔsɛm 1:27–54

Ɔsoro Agya frɛɛ Joseph Smith sɛ ɔmmoa No ma ɔnyɛ N’adwuma.

• Wo nkwadaa no ani bɛtumi agye berɛ a wɔfa wɔn ho sɛ Joseph Smith berɛ a woka Moroni nsra no twerɛtohɔ wɔ Joseph Smith—Abakɔsɛm 1:27–54 anaasɛ “Ti 3: Ɔbɔfoɔ Moroni ne Sika Kɔkɔɔ Mprɛte no” (wɔ Nkyerɛkyerɛ ne Apam Abasɛm, 13–17, anaasɛ ɛho sini wɔ Asɛmpa Akoraeɛ). Nhwɛsoɔ, wɔbɛtumi abobɔ wɔn nsa te sɛ deɛ wɔrebɔ mpaeɛ anaasɛ wɔyɛ wɔn ho sɛdeɛ wɔreforo Hill Cumorah, ne ade. Afei wobɛtumi ama wɔadi nkɔmmɔ afa deɛ Onyankopɔn frɛɛ Joseph Smith sɛ ɔnyɛ no ho ne sɛdeɛ wɔahyira yɛn ɛnam saa yɛ no nti. Nhwɛsoɔ, sɛn na wɔahyira yɛn afa ɛnam sɛ Joseph Smith kyerɛɛ Mormon Nwoma no ase nti?. Sɛn na n’adwuma no atwe yɛn abɛn Ɔsoro Agya ne Yesu Kristo?

Nkyerɛkyerɛ ne Apam 2

Ɔsoro Agya pɛ sɛ mmusua sɔ wɔn ano wɔ tɛmpol.

• Ebia wo ne wo nkwadaa ani bɛgye sɛ mohwɛ w’abusua mfonini, ɛbɛyɛ a w’abusua mfonini bi a mowɔ tɛmpol (anaasɛ hwɛ Gospel Art Book, no. 120). Afei wobɛtumi akenkan Nkyerɛkyerɛ ne Apam 2 na mo ne mo ho mo ho akyɛ mo adwene afa sɛnti a yɛwɔ tɛmpol ne deɛ nti a Ɔsoro Agya pɛ sɛ mmuasua tena ase bom afebɔɔ. Dwene ho sɛ mobɛbom ato nnwom “Families Can Be Together Forever” (Children’s Songbook, 188). Deɛn na dwom yi ka sɛ yɛbɛtumi ayɛ na yɛne yɛn abusua atena hɔ afebɔɔ?

Palmyra New York Tɛmpol

Nkyerɛkyerɛ ne Apam 2

Meresua afa me naanom ho bɛtumi ama m’ani agye.

• Nkwadaa ani bɛtumi agye na wɔate abusua abakɔsɛm anigyeɛ nka. Wobɛtumi akyɛ wo nananom abasɛm anaasɛ mfonini de aboa wɔn. Wo ne wo nkwadaa nkasa mfa sɛdeɛ na abrabɔ teɛ ma wɔn nananom berɛ a na wɔyɛ nkwadaa no. Wo nkwadaa ani bɛtumi agye abusua abakɔsɛm dwumadie bi nso ho wɔ FamilySearch.org/discovery.

Worepɛ ɛmu nsɛm bebree a, hwɛ bosome yi Adamfoɔ nsɛmma nwoma mu.

Joseph Gye Mprɛte no, ɛfiri Gary E. Smith hɔ