Ɔpɛpɔn 27–Ogyefuo 2: “M’Adwuma Bɛkɔ Anim”

Nkyerɛkyerɛ ne Apam 3-5

Wɔ ne mfeɛ kakra berɛ sɛ Awurade nkɔmhyɛni no, na Joseph Smith nnim biribiara fa “anwanwa dwuma” a wɔafrɛ no sɛ ɔmmɛyɛ no ho. Nanso adeɛ baako a ne mfitiaseɛ suahunu kyerɛɛ no ne sɛ, sɛ wobɛyɛ Onyankopɔn adwuma a, ɛwɔ sɛ n’ani “yɛ koro ma Onyankopɔn animuonyam” (Nkyerɛkyerɛ ne Apam 4:1, 5). Nhwɛsoɔ, sɛ Awurade maa no afotuo sɛ ɔnyɛ biribi a ɔnnim sɛ ɔpɛ sɛ ɔyɛ a, deɛ na ɔhia sɛ ɔyɛ ara ne sɛ ɔdi Awurade afotuo no so. Na mpo sɛ ɔnyaa “adiyisɛm bebree, ne tumi a ɔde bɛyɛ nnwuma akɛseɛ,” sɛ ɔhunuu sɛ adeɛ a ɔpɛ no ho hia sene Onyankopɔn pɛ a,“ɛwɔ sɛ ɔhwe ase” (Nkyerɛkyerɛ ne Apam 3:4). Nanso Joseph suaa biribi foforɔ a ɛho hia ma Onyankopɔn adwumayɛ pɛpɛɛpɛ: “Onyankopɔn yɛ mmɔborɔhunufoɔ ,” na sɛ Joseph sakyeraa nokorɛ mu a, wɔkɔɔ so ara “yii no” (nkyekyɛmu 10). Anyɛ bi koraa no, Onyankopɔn adwuma, yɛ nkwagyeɛ adwuma. Na saa adwuma no “rentumi nyɛ basaa” (nkyekyɛmu 1).

Nsusuiɛ ma Efie ne Asɔre Adesua

Nkyerɛkyerɛ ne Apam 3:1–16

Mɛtumi de me ho ato Onyankopɔn so.

Joseph Smith som mfitiaseɛ no, na nnamfo pa ho ɛyɛ na—titire nnamfoɔ te sɛ Martin Harris, nkɔsoɔ nipa a wɔbu no a ɔyɛɛ tuwohoakyɛ kɛseɛ de boaa Joseph adwuma. Enti berɛ a Martin bisaa akwanya sɛ ɔde Mormon Nwoma no nkrataafa 116 a ɛdi kan a wɔakyerɛ aseɛ kyerɛ ne yere no, Joseph firi nipa su mu pɛɛ sɛ ɔyɛ n’apɛdeɛ ma no, ɛwom sɛ na Awurade abɔ no kɔkɔ wɔ ho deɛ. Awerɛhosɛm ne sɛ, nkrataafa no yeraeɛ berɛ a na ɛwɔ Martin nsam, na ntɛm pa ara Awrade kaa Joseph ne Martin anim (hwɛ Ahotefoɔ, 1:51–53).

Berɛ a wokenkan Nkyerɛkyerɛ ne Apam 3:1–15, dwene deɛ Awurade pɛ sɛ wosua firi wɔn suahunu mu ho. Nhwɛsoɔ, deɛn na wosua fa:

• Onyankopɔn adwuma ho? (hwɛ nkyekyɛmu 1–3, 16).

• Nsunsuansoɔ a ɛwɔ hɔ berɛ a yɛsuro onipa sene sɛ yɛgye Onyankopɔn die? (see nkyekyɛmu 4–8).

• Nhyira a ɛfiri gyidie mu kuta mu ba? (hwɛ nkyekyɛmu 8).

• Ɔkwan a Awurade faa so tenetenee na ɔhyɛɛ Joseph nkuran? (hwɛ nkyekyɛmu 9–16).

Wɔ ne nkrasɛm mu “Ɛhe Na W’ani Kyerɛ?,” Elder Lynn G. Robbins ma twerɛsɛm nhwɛsoɔ bebree fa nkorɔfoɔ a wɔsuroo Onyankopɔn ne nkorɔfoɔ a wɔgyaee wɔn pɛ mu maa afoforɔ nhyɛsoɔ (Liahona, Obubuo 2014, 9–11). Dwene ho kenkan saa nhwɛsoɔ yi a ɛwɔ twerɛnsɛm mu a ɔka ho asɛm no. Deɛn na wobɛtumi asua afiri saa twerɛtohɔ yi mu? Deɛn suahunu na woanya a wogyee Awurade diiɛ berɛ a wohyiaa ɔhyɛ sɛ yɛ biribi foforɔ? Deɛn ne wo nneyɛɛ no ho nsunsuansoɔ?

San hwɛ Dale G. Renlund, “A Framework for Personal Revelation,” Liahona, Obubuo 2022, 16–19; “The Contributions of Martin Harris,” wɔ Revelations in Context (2016), 1–9; Tinsɛm ne Nsɛmmisa, “Worehwehwɛ Nokorɛ na Woadwane Nnaadaa,” Asɛmpa Akoraeɛ; “How Gentle God’s Commands,” Nnwom, no. 125.

Nkyerɛkyerɛ ne Apam 4

Mɛtumi de m’akoma, tumi, adwene, ne m’ahoɔden, asom Onyankopɔn.

Ɔfa 4 wɔtaa de yei ma wɔn a wɔsom sɛ asɛmpatrɛfoɔ. Mmom, ɛyɛ anigyeɛ sɛ yɛhunu sɛ saa adiyisɛm yi wɔde maa Joseph Smith Sr., a na wɔmfrɛɛ no asɛmpatrɛ adwuma mu nanso na ɔwɔ “ɔpɛ sɛ ɔbɛsom Onyankopɔn” (nkyekyɛmu 3).

Ɔkwan baako a wonam so bɛkan saa ɔfa yi ne sɛ wobɛhunu no sɛ ɛyɛ adwuma nkyerɛkyerɛmu ma obi a ɔpɛ sɛ ɔboa Awurade adwuma no. Deɛn na Awurade rehwehwɛ? Deɛn mfasoɔ na Ɔde ma?

Deɛn na wosua fa Awurade som ho firi saa adiyisɛm yi mu?

President Russell M. Nelson frɛɛ Israeɛ anoboaboa “no ayirem kɛseɛ, no sɛnti kɛseɛ, ne adwuma kɛseɛ wɔ asase so” (“Hope of Israel” [worldwide youth devotional, Ayɛwohomumɔ 3, 2018], Asɛmpa Akoraeɛ). Deɛn na wohunu wɔ n’adwuma mu a ɛkanyan wo ma woyɛ N’adwuma?

Obiara a ɔwɔ ɔpɛ sɔ ɔbɛsom Onyankopɔn no wɔfrɛ no adwuma no mu.

Nkyerɛkyerɛ ne Apam 5

Ɛnam Sunsum Kronkron no so, mɛtumi anya Mormon Nwoma no ho adanseɛ.

Wɔ Ɔbɛnim 1829, Martin Harris yere, Lucy, samaa Joseph Smith wɔ kɔɔto sɛ ɔredaadaa nkorɔfoɔ sɛ ɔrekyerɛ sika kɔkɔɔ mprɛte ase (hwɛ Ahotefoɔ, 1:56–58). Ɛno nti Martin bisaa Joseph adanseɛ bebree a ɛkyerɛ sɛ sika kɔkɔɔ mprɛte no yɛ kann. Nkyerɛkyerɛ ne Apam 5 yɛ adiyisɛm a ɛbua Martin abisadeɛ no. Deɛn na wosua firi saa ɔfa yi mu fa deɛ ɛdidi soɔ yi ho:

• Deɛn na Awurade ka sɛ anka ɛbɛsi sɛ wɔde sika kɔkɔɔ mprɛte no too abɔnten sɛ ewiase nhwɛ a (hwɛ Nkyerɛkyerɛ ne Apam 5:7). Adɛn nti na wodwene sɛ saa na ɛteɛ?

• Adansefoɔ asodie wɔ Awurade adwuma no mu (hwɛ nkyekyɛmu 11–15; san hwɛ 2 Corinthians 13:1).

• Sɛdeɛ wobɛtumi anya Mormon Nwoma no ho adansedie ama w’ankasa wo ho (hwɛ nkyekyɛmu 16, 24; san hwɛ Moroni 10:3–5).

Nkyerɛkyerɛ ne Apam 5:1–10

Yesu Kristo nam Joseph Smith so de N’asɛm maa yɛn.

Deɛn na Nkyerɛkyerɛ ne Apam 5:1–10 kyerɛ wo fa Joseph Smith asodie ho wɔ yɛn mmerɛ yi mu—ne w’abrabɔ mu? (San hwɛ 2 Nephi 3:6–24.)

Worepɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Nsusuiɛ ma Nkwadaa Adekyerɛ

Nkyerɛkyerɛ ne Apam 3:5–10; 5:21–22

Mɛtumi afa deɛ ɛtene berɛ a afoforɔ bɔ wɔn ho mmɔden sɛ wɔbɛma mayɛ bɔne.

• Sɛ worehyɛ aseɛ ayɛ mpɛnsɛmpɛnsɛmu afa sɛdeɛ wobɛnya gyidie wɔ Ɔsoro Agya mu ho a, wobɛpɛ sɛ wosan hwehwɛ nkrataafa a ayera no abasɛm no mu (hwɛ Nkyerɛkyerɛ ne Apam, 18–21). Afei wobɛtumi ne wo nkwadaa no ayɛ yɛkyerɛ afa berɛ a wɔbɛsɔ wɔn ahwɛ sɛ wɔnyɛ biribi a wɔnim sɛ ɛntene ho. Deɛn nsɛm anaasɛ kasasini wɔ Nkyerɛkyerɛ ne Apam 3:5–8; 5:21–22 na ɛbɛtumi aboa wɔn wɔ saa tebea yi mu?

  Chapter 4: Martin Harris and the Lost Pages: 1827–1828

Nkyerɛkyerɛ ne Apam 4

Awurade frɛ me sɛ memmɛboa N’adwuma.

• Nkyekyɛmu biara a ɛwɔ Nkyerɛkyerɛ ne Apam 4 kuta nokorɛ a ɛsomboɔ a ɛbɛtumi aboa ama wo nkwadaa asua afa sɛdeɛ wɔsom Onyankopɔn ho. Nsusuiɛ bi a ɛbɛboa ama wɔahunu saa nokorɛ yi nie.

  • Mobɛtumi akenkan Nkyerɛkyerɛ ne Apam 4:1 abom na moakyerɛ mfonini a ɛkyerɛ Onyankopɔn nna a ɛdi akyire “nwanwasoɔ” adwuma (te sɛ asɛmpatrɛfoɔ, tɛmpol, ne Mormon Nwoma no).

  • Wo nkwadaa bɛtumi adwene nneyɛɛ anaasɛ ayɛ mfonini a ɛkyerɛ kasasini “fa w’akoma, tumi, adwene ne ahoɔden nyinaa som no ase” (Nkyerɛkyerɛ ne Apam 4:2).

  • Mobɛtumi ahwɛ adwinnadeɛ a wɔde yɛ adwuma wɔ afuo mu abom. Sɛn na saa adwinnadeɛ yi boa yɛn? Afei wo nkwadaa bɛtumi ahunu nneɛma wɔ Nkyerɛkyerɛ ne Apam 4:5–6 a ɛte sɛ adwinnadeɛ a wɔde yɛ Onyankopɔn adwuma.

  • Nkwadaa mpanimfoɔ ankasa bɛtumi ahwehwɛ Nkyerɛkyerɛ ne Apam 4 mu na wɔatwerɛ nneɛma a wɔsua fa deɛ som Onyankopɔ ase kyerɛ ho.

  • Mobɛtumi ato dwom bi afa asɛmpatrɛ adwuma ho, te sɛ “Me Pɛ sɛ Meyɛ Asɛmpatrɛni Seesei” (Nkwadaa Nnwomnwoma, 168).

Mɛtumi aboa Onyankopɔn adwuma berɛ a mesom afoforɔ.

Dane dwumadie ma ɛmmoa nkorɔfoɔ a wɔadi dɛm. Dwumadie nsakraeɛ nketewa bɛtumi ahwɛ sɛ obiara wɔ akwanya a ɔde bɛsua adeɛ. Nhwɛsoɔ, sɛ dwumadie bi susu sɛ yɛnkyerɛ mfonini a, mobɛtumi ato dwom mmom ama wɔn a wɔnnhunu adeɛ no nso aka ho bi.

Nkyerɛkyerɛ ne Apam 5:1–7, 11, 16, 23–24

Mɛtumi ayɛ adanseɛ sɛ Mormon Nwoma no yɛ nokorɛ.

• Sɛ wobɛkyerɛ nkwadaa fa adansefoɔ ho no, wobɛtumi ama wɔn afa no sɛ adamfoɔ bi ka kyerɛɛ wɔn sɛ wɔhunuu ɔkra bi a ɔde ne nan a ɛwɔ anim no renante. Wɔbɛgye adi? Na sɛ adamfoɔ foforɔ nso ka asɛm korɔ no ara ɛ? Kasa kyerɛ wɔn deɛ “adanseɛ” kyerɛ ne deɛ nti a adansefoɔ ho hia. Afei wobɛtumi aboa wo nkwadaa ama wɔahwehwɛ Nkyerɛkyerɛ ne Apam 5:1–3, 7, 11 apɛ mmuaeɛ ama nsɛmmisa te sɛ yeinom:

  • Deɛn na Martin Harris pɛɛ sɛ ɔhunu?

  • Hwan na na Joseph Smith bɛtumi de sika kɔkɔɔ mprɛte no akyerɛ no?

  • Adɛn nti na sɛ obi hunu mprɛte no a ɛnsesa n’adwene sɛ Mormon Nwoma no yɛ nokorɛ?

  • Deɛn na yɛbɛtumi ayɛ abɛyɛ Mormon Nwoma no adansefoɔ? (hwɛ Nkyerɛkyerɛ ne Apam 5:16; Moroni 10:3–5).

Worepɛ ɛmu nsɛm bebree a, hwɛ bosome yi Adamfoɔ nsɛmma nwoma mu.

Devastating Weight of 116 Pages, ɛfiri Kwani Povi Winder hɔ