Come, Follow Me
Mmaeɛ bio no Nne: Mormon Nwoma No Nkyerɛaseɛ

“Mmaeɛ bio ne Nne: Mormon Nwoma No Nkyerɛaseɛ” Bra, Di M’akyi—De ma Efie ne Asɔre: Nkyerɛkyerɛ ne Apam 2025 (2025)

“Mormon Nwoma No Nkyerɛaseɛ,” Bra, Di M’akyi—De ma Efie ne Asɔre: 2025

mmaeɛ bio no nne ahyɛnsodeɛ

Mmaeɛ bio no Nne

Mormon Nwoma no Nkyerɛaseɛ

Wɔ Oforisuo 1829, bosome a wɔnyaa ɔfa 6–9 nkyerɛkyerɛ ne Apam no, na Joseph Smith adwuma titire ne sɛ ɔbɛkyerɛ Mormon Nwoma no ase . Yɛnnim nkyerɛmu bebree fa kwan nwanwasoɔ a nkyerɛaseɛ no faa so, nanso yɛnim sɛ na Joseph Smith yɛ ɔdehunufoɔ, a Onyankoɔn nneɛma a wasiesie no boaa no: aboɔ a ɛmu da hɔ fann mmienu a wɔfrɛ no Urim ne Thummim ne ɛboɔ foforɔ a wɔfrɛ no ɔdehunufoɔ boɔ.

Berɛ a akyire yi wɔbisaa no sɛ ɔnkyerɛ sɛdeɛ ne twerɛtohɔ no ɔkyerɛɛ aseɛ no, Joseph kaa “sɛ ɛnyɛ botaeɛ no ne sɛ wɔka ho nsɛm nyinaa kyerɛ wiase.” Ɔkaa no mpɛn pii tiawa sɛ wɔnam “Onyankopɔn akyɛdeɛ ne tumi” so na wɔkyerɛɛ aseɛ.

Anodinsɛm a ɛfiri adansefoɔ a wɔde wɔn ani hunuu nkyerɛaseɛ kwan no, taa Joseph adanseɛ no akyi.

Hyrum Smith nnua adaka

Wɔgyedi sɛ saa adaka yi a na ɛyɛ Hyrum Smith dea no, na wɔkoraa sika kɔkɔɔ mprɛte no wɔ mu berɛ ttiawa bi mu.

Emma Smith

A painted portrait by Lee Greene Richards of Emma Hale Smith in a black dress and a white shawl.

Berɛ a na me kunu rekyerɛ Mormon Nwoma no ase no, metwerɛɛ ɛmu fa, berɛ a ɔbobɔɔ ɔkasamu biara, asɛmfua ma asɛmfua, na sɛ ɔduru din pa a ɔntumi mmɔ din so, anaasɛ nsɛmfua a ɛware so a, ɔbobɔ no den, na sɛ meretwerɛ na meyɛ mfomsoɔ a, ɔbɛgyina me na wasiesie mfomsoɔ no, ɛwɔ mu sɛ na ɛyɛ den sɛ ɔbɛhunu deɛ meretwerɛ no saa berɛ no. Kane no na asɛmfua Sarah mpo na ɔntumi mmɔ din, nanso na ɛwɔ sɛ ɔsopɛ, na mabɔ din ama no.”

“Na mprɛte no taa da ɛpono no so a obi nyɛɛ n’adwene sɛ ɔde bɛsie, a wɔde ɛpono ntoma ketewa bi a mede maa no sɛ ɔmfa nkyekyere ho no akyekyere ho . Berɛ bi mesɔɔ mprɛte no mu sɛ ɛda pono no so, de me nsa nenam wɔn nhyehyɛeɛ ne bɔbea so. Na wɔyɛ mmrɛ te sɛ krataafa a ɛmu yɛ duru, na ɛtumi gyegye sɛ nnadeɛ berɛ a kokromotie nam ano sɛdeɛ obi taa yɛ wɔ nwoma ano no.

“Me gyidie ne sɛ Mormon Nwoma no nokorɛ a ɛyɛ firi Onyame hɔ—menni akyinnyeɛ ketekete mpo wɔ ho. M’ani agye sɛ onipa biara ntumi mmobɔ ntwerɛeɛ no gye sɛ wɔakanyan no; ɛfiri sɛ berɛ a na mereyɛ ne twerɛtwerɛfoɔ no, [Joseph] bɛbobɔ akyerɛ me dɔnhwere dɔnhwere; na sɛ ɔfiri adidie ho ba anaasɛ akwansideɛ akyi, prɛkopɛ ɔbɛhyɛ aseɛ afiri baabi a ɔgyaeɛ hɔ, wɔ berɛ a ɔnhwɛ ntwerɛeɛ no anaasɛ wɔkenkan ne fa bi kyerɛ no. Yei yɛ adeɛ a na ɔtaa yɛ. Na ɛnyɛ adeɛ a ɛbɛyɛ yie sɛ obi a wasua adeɛ bɛtumi ayɛ yei; na kampɛsɛ obi a ɔnnim hwee na ɔnnsuaa adeɛ te sɛ deɛ na ɔteɛ no, tiawa ɛnyɛ yie.”

Emma Smith a ɔreboa Joseph Smith wɔ sika kɔkɔɔ mprɛte no asekyerɛ ho nkyerɛkyerɛmu

Oliver Cowdery

Head and shoulders portrait of Oliver Cowdery as a young man. He is wearing a dark suit, white shirt and dark tie.

“Me ankasa de me pɛn twerɛɛ Mormon Nwoma no nyinaa (gye sɛ nkrataafa kakrabi) sɛdeɛ ɛfiri nkɔmhyɛni no anum baeɛ no, sɛ ɔde Onyankopɔn akyɛdeɛ ne tumi na ɛkyerɛɛ aseɛ, ɛnam Urim ne Thummim so, anaasɛ, sɛdeɛ nwoma no frɛɛ no no, asekyerɛfoɔ kronkron. Mede m’ani hunuui, na mede me nsa sɔɔ sika kɔkɔɔ mprɛte a wɔkyerɛɛ aseɛ firii mu so mu. Mesan nso hunuu nsɛm asekyerɛfoɔ.”

Atwerɛ

  1. Sɛ wopɛ ɛmu nsɛm bebree a, hwɛ Tinsɛm ne Nsɛmmisa, “Mormon Nwoma Nkyerɛaseɛ,” Asɛmpa Akoraeɛ; Richard E. Turley Jr., Robin S. Jensen, ne Mark Ashurst-McGee, “Joseph the Seer,” Ensign, Oct. 2015, 48–55).

  2. “Nhyiamu twerɛtohɔ, 25–26 Ahinime 1831,” Nhyiamu twerɛtohɔ Nwoma 2, 13, josephsmithpapers.org.

  3. Wɔ “Asɔre Abakɔsɛm,” Times and Seasons, Ɔbɛnem 1, 1842, 707; san hwɛ Asɔre no Atitenafoɔ Nkyerɛkyerɛ: Joseph Smith (2007), 441.

  4. Wɔ Edmund C. Briggs, “A Visit to Nauvoo in 1856,” Journal of History, vol. 9, no. 4 (Ahinime 1916), 454; quoted in Russell M. Nelson, “A Treasured Testament,” Ensign, Kutawonsa 1993, 62.

  5. Wɔ “Onuabaa Emma Adansedie a Ɛtwa toɔ mu,” Saints’ Herald, Ahinime 1, 1879, 290; ayɛ pɛ.

  6. Wɔ Reuben Miller nsɛmma nwom mu, Ahinime 21, 1848, Asɔre Abakɔsɛm Akoraeɛ, Salt Lake City; ntwerɛeɛ bobɔ, agyinahyɛdeɛ, ne ntwerɛeɛ akɛseɛ ayɛ pɛ.