“Mmaeɛ bio ne Nne: Mormon Nwoma no Adansefoɔ” Bra, Di M’akyi—De ma Efie ne Asɔre: Nkyerɛkyerɛ ne Apam 2025 (2025)
“Mormon Nwoma no Adansefoɔ,” Bra, Di M’akyi—De ma Efie ne Asɔre: 2025
Mmaeɛ bio no Nne
Mormon Nwoma no Adansefoɔ
Ɔsoro bɔfoɔ Moroni de sika kɔkɔɔ mprɛte no kyerɛɛ Joseph Smith, Oliver Cowdery, David Whitmer, ne Martin Harris wɔ kwaeɛ no a ɛbɛn Whitmer fie wɔ Fayette, New York. Na Joseph awofoɔ rekɔsra Whitmer abusua no saa berɛ no. Lucy Mack Smith, Joseph maame, kyerɛkyerɛɛ nsunsuansoɔ a saa suahunu nwanwasoɔ yi nyaa wɔ adansefoɔ no so mu:
“Na ɛyɛ nnɔn mmiɛnsa ne nnɔnan ntam. Owura yere. Whitmer ne Owura. Na me ne Smith te pia mu. Metenaa mpa no nkyɛn mu. Berɛ a Joseph wuraa mu no, ɔtoo ne ho too fam wɔ me nkyɛn. ‘Agya! Ɛna!’ ɔkaeɛ. ‘Wonnim m’ani gye a agyeɛ. Awurade ama wɔde mprɛte no akyerɛ afoforɔ mmiɛnsa ka me ho, a wɔn nso ahunu ɔsoro bɔfoɔ na wɔbɛdi nokorɛ no ho adanseɛ fa deɛ maka no ho. Na wɔnim wɔn ankasa mu sɛ menkyinkyini nnaadaa nkorɔfoɔ. Na na ɛyɛ me sɛ deɛ wɔasoɛ me adesoa huhu bi, a na ɛmu yɛ duru ma me sɛ mɛsoa. Nanso seesei wɔbɛsoa ɛmu fa, na me kra di ahurusie sɛ merenyɛ ankonam wɔ wiase mu bio.’ Afei Martin Hrris wuraa mu. Na ɛkame ayɛ sɛ anigyeɛ mmorosoɔ ahyɛ no ma. Afei ɔdii adanseɛ wɔ deɛ wahunu na wateɛ ho, sɛdeɛ nkaeɛ no yɛeɛ no, Oliver ne David. Na wɔn adansedie no yɛ adekorɔ wɔ sɛdeɛ ɛteɛ wɔ Mormon Nwoma no mu no.
“Martin Harris titire antumi amma n’atenka ho mframa mpo wɔ nsɛm mu. Ɔkaa sɛ, ‘Afei na mahunu ɔsoro bɔfoɔ a ɔfiri Soro a ɔfiri nokorɛ mu adi deɛ mahunu nyinaa fa twerɛtohɔ ne deɛ m’ani ahunu ho adanseɛ. Me nso mahunu mprɛte no na mede me nsa asɔ mu na mɛtumi adi adanseɛ korɔ no ara akyerɛ wiase nyinaa. Nanso me ankasa manya adanseɛ a nsɛm ntumi nkyerɛ mu, a tɛkyerɛma ntumi nkyerɛkyerɛ mu, na mehyira Onyankopɔn me kra mu nokorɛ mu sɛ wasiane abɛyɛ me, mpo me, ɔdansefoɔ wɔ n‘adwuma kɛseɛ ne nhyehyɛeɛ mu [wɔ] nnipa mma ananmu.’ Oliver ne David nso bɛkaa ne ho wɔ anibere so ayɛyie mu de ma ne papayɛ ne mmɔborɔhunu. Yɛsane baa fie wɔ [Palmyra, New York,] ɛda a ɛdi hɔ no sɛ ahurusiedie kuo ketewa bi, wɔ anigyeɛ mu.”
Oliver Cowdery, David Whitmer, ne Martin Harris
Na Lucy Mark Smith wɔ hɔ berɛ a Adansefoɔ Nnwɔtwe firii wɔn suahunu mu baeɛ:
“Adansefoɔ yeinom sane baa fie no, ɔsoro bɔfoɔ no sane yii ne ho adi kyerɛɛ Joseph; saa berɛ no na Joseph de mprɛte no hyɛɛ ne nsa mu. Saa anwummerɛ no yɛyɛɛ nhyiamu, a nnwɔtwe no nyinaa dii wɔn adanseɛ wɔ nokorɛ a wɔaka no wɔ soro hɔ no; na yɛn abusua no nyinaa, mpo Don Carlos [Smith], a na wadi mfeɛ 14, dii nna a ɛdi akyire berɛ a wɔde ama no ho adanseɛ—sɛ afei na wɔde aba koraa.”
Joseph Smith ne Adansefoɔ Nnwɔtwe no Mmoa adwinneɛ
Deɛ ɛka Adansefoɔ Mmiɛnsa ne Adansefoɔ Nnwɔtwe no ho no, Mary Whitmer, David Whitmer maame nso wɔhyiraa no maa ɔdii mprɛte no ho adanseɛ. Ɔsoro bɔfoɔ Moroni de kyerɛɛ no sɛ nnyetomu ma atuohoakyɛ a ɔyɛeɛ berɛ a Joseph, Emma, ne Oliver tenaa ne fie. “Woadi nokorɛ ne nsiyɛ wɔ w’adwuma mu,” Moroni ka kyerɛɛ no. “Enti, ɛsɛ fata, sɛ wobɛnya adansedie sɛdeɛ wo gyedie bɛtumi ahyɛ den.”