Mormon Nwoma no ankasa nsa ano ntwerɛeɛ nsɛsoɔ

Ogyefuo 10–16: “Na Woapue sɛ Nkonimdifoɔ”

Nkyerɛkyerɛ ne Apam 10–11

Berɛ a Mormon Nwoma no nkyerɛaseɛ rekɔ so no, asɛmmisa bi puee mu: Deɛn na ɛwɔ sɛ Joseph Smith ne Oliver Cowdery yɛ de fa saa nkrataafa a wɔakyerɛ aseɛ a ayera no ho? Na ɛbɛtɔ asom sɛ wɔsan kyerɛ saa fa no ase, nanso Awurade hunuu biribi a na wɔntumi nhunu: na wɔn atamfo reyɛ nhyehyɛeɛ sɛ wɔsakra nsɛmfua a ɛwɔ saa nkrataafa no mu na wɔde annyeannie to Joseph nkanyan adwuma no so. Na Onyankopɔn wɔ nhyehyɛeɛ a ɔde bɛsi saa haw no ano na adwuma no akɔ anim. Mfeɛ mpem mpem akyi, Onyankopɔn kanyann Nephi sɛ ɔntwerɛ twerɛtohɔ a ɛtɔ so mmienu a ɛfa sa berɛ korɔ no ara ho “de ma botaeɛ a nyansa wɔ mu ma Ne ho” (1 Nephi 9:5).

“Me nyansa,” Awurade ka kyerɛɛ Joseph, “so sene bonsam no nnaadaa” (Nkyerɛkyerɛ ne Apam 10:43). Ɛyɛ ahotosoɔ nkrasɛm wɔ yɛn mmerɛ yi mu, berɛ a ɔtamfo no remia ne mmɔdemmɔ mu sɛ ɔde bɛbra gyedie ase. Te sɛ Joseph, yɛbɛtumi anya “gyedie na yɛatoa so” wɔ adwuma a Onyankopɔn afrɛ yɛn sɛ yɛnyɛ no mu (nkyekyɛmu 3). Afei yɛbɛhunu sɛ Wadi kan ama ɔkwan sɛdeɛ “bonsam gya mu apono nni” yɛn so nkonim (nkyekyɛmu 69).

Hwɛ Ahotefoɔ, 1:51–61.

Nsusuiɛ ma Efie ne Asɔre Adesua

Nkyerɛkyerɛ ne Apam 10:1–33

Onyankopɔn “renhwɛ sɛ Satan bɛwie ne nhyehyɛeɛ bɔne no.”

Satan bɛnya a na yɛn werɛ afiri sɛ ɔte ase—anaasɛ yɛrenkae ne mmɔdemmɔ ahodoɔ a ɔde kɛntɛn yɛn so no (hwɛ 2 Nephi 28:22–23). Nanso Awurade asɛm a ɛwɔ Nkyerɛkyerɛ ne Apam 10 si no pi sɛ Satan yɛ kann—na ɔreyɛ adwuma de asɔre atia Awurade adwuma no. Wɔ nkyekyɛmu 1–33, hwehwɛ adeɛ a na Onyankopɔn nim fa Satan mmɔdemmɔ ho (san hwɛ nkyekyɛmu 62–63). Wobɛtumi abisa Awurade sɛ ɔmmoa ma wonhunu sɛdeɛ Satan bɛtumi asɔ wo ahwɛ. Berɛ a wokenkan ɔfa 10no, dwene sɛdeɛ Agyenkwa no bɛtumi aboa ama woatumi asi Satan mmɔdemmɔ ano kawan.

Nkyerɛkyerɛ ne Apam 10:34–52

Awurade “nyansa so sene bonsam nnaadaa no .”

Na Nephi nnim sɛnti a wɔkanyann no maa ɔyɛɛ twerɛtohɔ akuo mmienu maa ne nkorɔfoɔ. Na Mormon nnim sɛnti a wɔkanyann no maa ɔde sika kɔkɔɔ mprɛte no kaa ekuo a ɛtɔ so mmienu no hɔ. Nanso nkɔmhyɛfoɔ mmienu yi gyee Onyankopɔn dii sɛ ɔwɔ “botaeɛ a nyansa wɔ mu” (1 Nephi 9:5; Mormon Nsɛm 1:7). Ɛnnɛ yi yɛnim botaeɛ no fa bi: sɛ wɔbɛhyɛ Mormon Nwoma no nkrataafa 116 a ɛyeraae no ananmu. Wodwene sɛ deɛn na Awurade pɛ sɛ wosua firi yei nyinaa mu? Dwene saa asɛmmisa no ho berɛ a wokenkan Nkyerɛkyerɛ ne Apam 10:34–52. Wobɛtumi nso atwerɛ nokorɛ a wosua fa Awurade ho firi saa afa yi mu. Sɛn na saa nokorɛ yinom nya nsunsuansoɔ wɔ wo ne No ayɔnkofa ho? Deɛn na w’ani gye hɔ fa Awurade nyansa ne nhunumu wɔ ahosiesie a ɔyɛ maa mprɛte 116 a ɛyeraeɛ no ho?

Wɔbɛtumi akanyan wo nso ama woahwehwɛ adanseɛ a ɛfa Ne nyansa ne nhunumu wɔ w’abrabɔ ho. Kenkan Elder Ronald A. Rasband twerɛtohɔ nkrasɛm wɔ “By Divine Design”—ɛbɛtumi de nhwɛsoɔ aba w’adwene mu (Liahona, Obubuo 2017, 55–57). Dwene ho twerɛ to hɔ berɛ a ɛba wo hɔ no. Sɛn na Awurade reyɛ adwuma wɔ w’abrabɔ mu? Nhwɛsoɔ, deɛn “ahyiasɛm” na Wasiesie? Deɛn fapem ahodoɔ na Ɔde ato hɔ ama wo nhyira? Berɛ bɛn na Wadi w’anim ama woasom obi a ɔwɔ ahohia mu?

San hwɛ Romanfoɔ 8:28; Nkyerɛkyerɛ ne Apam 90:24; Tinsɛm ne Nsɛmmisa, “Nkwagyeɛ Nhyehyɛeɛ,” Asɛmpa Akoraeɛ.

Nkyerɛkyerɛmu firi Mormon Reyɛ Mprɛte no Tiawa, ɛfiri Tom Lovell hɔ

Nkyerɛkyerɛ ne Apam 11

“Fa wo gyedie hyɛ [Awurade] Honhom mu.”

Na Joseph nuabarima panin Hyrum ani abere sɛ ɔhunu Awurade pɛ a ɔwɔ ma no, enti ɔbisaa Joseph sɛ ɔnhwehwɛ yikerɛ bi mma no. Nkɔmhyɛni no ani gyee sɛ ɔbɛyɛ saa, nanso anyɛ bi koraa no nkrasɛm baako wɔ saa yikyerɛ no mu (Nkyerɛkyerɛ ne Apam 11) ne sɛ Hyrum nso bɛtumi anya yikyerɛ ama ne ho. Na saa ara na “wɔn a wɔwɔ ɔpɛ nyinaa, na wɔde wɔn kantankrankyi asi mu sɛ wɔretwa” nso bɛtumi (nkyekyɛmu 27). Berɛ a wokenkan ɔfa 11, atenka bɛn na wonya sɛ Awurade rekyerɛkyerɛ wo fa ankasa adiyisɛm ho? Sɛn na yei ne deɛ ɔkyerɛɛ Oliver Cowdery wɔ afa 6–9wɔ twaka? Nkransɛm afoforɔ bɛn na Ɔwɔ ma wo?

San hwɛ “Let the Holy Spirit Guide,” Nnwom, no. 143.

Ma adesuafoɔ no mmisa nsɛm. Nsɛmmisa taa de kɔ adiyisɛm mu. Sɛ worekyerɛ w’abusua anaasɛ Asɔre gyinapɛn bi a, hyɛ wɔn nkuran ma wɔmmisa nsɛm, na wɔmpɛ mmuaeɛ wɔ twerɛnsɛm no mu. Nhwɛsoɔ, sɛ wɔwɔ nsɛmmisa fa ankasa adiyisɛm ho a, monka mmom nhwehwɛ mmuaeɛ wɔ Nkyerɛkyerɛ ne Apam 11:12–14.

Nkyerɛkyerɛ ne Apam 11:15–26

Berɛ a merehwehwɛ “nya [Onyankopɔn] asɛm no,” Mɛnya Ne Honhom ne tumi.

Mpo ansa na wɔbɛkyerɛ Mormon Nwoma no ase no, na Hyrum Smith ani abere sɛ ɔbɛboa wɔ Mmaeɛ bio adwuma no mu. Berɛ a wokenkan Awurade mmuaeɛ a ɔde maa n’apɛdeɛ no, dwene ho deɛ “nya [Onyankopɔn] asɛm” aseɛ kyerɛ ma wo (verse 21). Sɛn na renya Onyankopɔn asɛm boa wo ma wode tumi som No?

Worepɛ nsusuiɛ bebree a, hwɛ bosome yi Liahona ne De ma Mmabunu Ahoɔden nsɛmma nwoma mu.

Nkwadaa Adekyerɛ ho Nsusuiɛ

Nkyerɛkyerɛ ne Apam 10:5

Berɛ biara a mebɔ mpaeɛ no, menya ahoɔden firi Onyankopɔn hɔ.

• Ansa na woda saa nkyekyɛmu yi adi akyerɛ wo nkwadaa no, wobɛtumi abisa wɔn fa nneɛma a “wɔtaa” yɛ ho. Deɛn na Awurade aka sɛ yɛbɛtumi ataa ayɛ wɔ Nkyerɛkyerɛ ne Apam 10:5? Adɛn nti na Ɔpɛ sɛ yɛyɛ yei?

• Sɛn na wobɛtumi aboa wo nkwadaa ama wɔataa abɔ mpaeɛ? Ebia wɔbɛtumi aboa aboɔ torontorom kakra ano na wɔaka ho aduro “Nkyerɛkyerɛ ne Apam 10:5” anaasɛ “Bɔ Mpaeɛ Mmerɛ nyinaa.” Wɔbɛtumi de wɔn aboɔ no atoto mmea ahodoɔ a wɔpɛ sɛ wɔbɛkae abɔ mpaeɛ, te sɛ wɔn mpa ho, wɔn sukuu nkrataa ho, anaasɛ baabi a wɔdidie. Sɛdeɛ Nkyerɛkyerɛ ne Apam 10:5ka no, sɛn na Onyankopɔn hyira yɛn berɛ a yɛbɔ mpaeɛ? Wo nkwadaa no bɛtumi anya mmuaeɛ afoforɔ wɔ nnwom mu, te sɛ “A Child’s Prayer” (Nkwadaa Nwomnwoma, 13).

Nkyerɛkyerɛ ne Apam 11:12–13

Sunsum Kronkron no di m’anim ma meyɛ papa.

• Nkwadaa bɛtumi asua ahunu berɛ a Honhom no kasa kyerɛ wɔn. Woreboa wɔn no, wobɛtumi de bɔɔbo a wɔasɔ anaasɛ tɔɔkye ne obi a n’ani agyeɛ anim mfonin asie dan no mu baabi; afei ma wo nkwadaa ma wɔnhwehwɛ saa nneɛma no. Kenkan Nkyerɛkyerɛ ne Apam 11:13, na boa wo nkwadaa no ma wɔnna nneɛma a wɔhunuuiɛ a ɛne nsɛmfua no wɔ twaka adi. Deɛn na saa nsɛmfua yi kyerɛ fa sɛdeɛ Sunsum Kronkron no boa yɛn ho?

• Worekyɛ w’ankasa honhom mu suahunu no tumi boa wo nkwadaa no ma wɔhunu Sunsum Kronkron no nkɛntɛnsoɔ a ɛwɔ yɛn abrabɔ mu. Berɛ a wokyɛ no, ma wɔn nso nkyɛ wɔn suahunu. Mobɛtumi nso akenkan Nkyerɛkyerɛ ne Apam:12–13abom, de ahwehwɛ sɛdeɛ yɛbɛhunu berɛ a Sunsum Kronkron no kyerɛ yɛn kwan. Di adanseɛ sɛ Ɔsoro Agya pɛ sɛ Ɔfa Sunsum Kronkron so kyerɛ yɛn kwan.

Nkyerɛkyerɛ ne Apam 11:21, 26

Ɛhia sɛ mehunu asɛmpa no sɛdeɛ mɛtumi aboa afoforɔ ama wɔahunu nokorɛ no.

• Te sɛ Hyrum Smith, wo nkwadaa no bɛtumi anya akwanya bebree na wɔne afoforɔ akyɛ asɛmpa no . Mobɛtumi akenkan Nkyerɛkyerɛ ne Apam 11:21, 26 abom na woabisa wo nkwadaa no sɛ wɔnhwehwɛ deɛ Awurade ka kyerɛɛ Hyrum sɛ ɛhia sɛ ɔyɛ ansa na watumi akyerɛ asɛmpa no. Deɛn na “nya” Onyankopɔn asɛm kyerɛ? Yɛbɛyɛ dɛn na yɛayɛ yei? Sɛn na yɛbɛsi “akora” Onyankopɔn asɛm wɔ yɛn akoma mu? Ebia wo nkwadaa bɛtumi ayɛ yɛkyerɛ a wɔrekyɛ biribi fa Yesu Kristo ho anaasɛ wɔne afoforɔ bɛkyɛ Mormon Nwoma no.

Sɛ wopɛ nsusuiɛ bebree a, hwɛ bosome yi Adamfoɔmu.

Joseph ne Hyrum Smith, ɛfiri Ken Corbett hɔ