“Mmaeɛ bio no Nne: Joseph Smith Abusua” Bra, Di M’akyi—De ma Efie ne Asɔre: Nkyerɛkyerɛ ne Apam 2025 (2025)
“Joseph Smith Abusua,” Bra, Di M’akyi—De ma Efie ne Asɔre: 2025
Mmaeɛ bio no Nne
Joseph Smith Abusua
Yɛn mu biara abusua mu abrabɔ wɔ nkɛntɛnsoɔ kɛseɛ wɔ yɛn so, na Joseph Smith deɛ no nna nso. N’awofoɔ som gyidie ne nneyɛɛ duaa gyidie aduaba a ɛmaa Mmaeɛ bio no tumi baa mu. Joseph nsɛmma nwoma twerɛ saa mmoa yi: “Nsɛm ne kasa [re] ntumi nkyerɛ anisɔ a mewɔ ma Onyankopɔn wɔ awofoɔ animuonyamfoɔ a ɔde ama me.”
Nsrɛka a ɛdidi soɔ yi a ɛfiri ne maame, Lucy Mack Smith; ne nuabarima William Smith; ne Nkɔmhyɛni no ankasa hɔ ma yɛhunu ɔsom nkɛntɛnsoɔ a ɛwɔ Smith fie mu.
Joseph Smith Abusua, ɛfiri Dan Baxter hɔ
Lucy Mack Smith
“[Bɛyɛ 1802 mu], meyaree. Meka kyerɛɛ me ho, menyɛɛ ahoboa sɛ mɛwu ɛfiri sɛ menhunuu Kristo akwan, na ɛyɛɛ me te sɛ deɛ amena ne esum bi da me ne Kristo ntam a memmɔ me ho mmusuo ntwa.
“Mehwɛɛ Awurade anim paa kyɛw na mesrɛɛ Awurade sɛ ɔde me nkwa bɛkyɛ me sɛ mɛtumi atete me mma na makyekyere me kunu werɛ; saa na medwenee anadwo no nyinaa. Me ne Onyankopɔn pamee [sɛ] sɛ ɔma me tena ase a mɛbɔ mmɔden anya saa som no a ɛbɛboa ama masom no yie, sɛ ɛwɔ Twerɛ Kronkrom mu anaasɛ baabi a mɛhunu biara, mpo sɛ ɛwɔ sɛ menya firi ɔsoro nam mpaebɔ so a. Awieeɛ no ɛnne bi kasa kyerɛɛ me kaa sɛ, ‘Monhwehwɛ na mobɛhunu, mommɔ mu na wɔbɛbue mo. Momma mo akoma werɛ nkyekyere. Mogye Onyankopɔn di; monnye me nso nni.’
“Ɛfiri saa berɛ no rekɔ menyaa ahoɔden toatoaa so. Mekasaa ketewa bi faa ɛsom ho mmom na afa m’adwene nyinaa, na medwenee sɛ mɛbɔ mmɔden biara wɔ berɛ korɔ no a mɛnya onyamesomni bi a ɔnim Onyankopɔn akwan a ɔbɛkyerɛkyerɛ me Ɔsoro nneɛma.”
William Smith
“Me maame, a ɔyɛ onyamesomni baa na ɔwɔ anigyeɛ wɔ ne mma yiedie ho, wɔ ɛha ne ɛha-akyiri nyinaa, yɛɛ deɛ ɔbɛtumi biara a ne baatanyɛ dɔ susu, sɛ yɛbɛhwehwɛ yɛn kra nkwagyeɛ, anaasɛ (sɛdeɛ na yɛbea no teɛ no) ‘wɔ ɔsom nya mu.’ Ɔdii yɛn so nkonim sɛ yɛbɛkɔ nhyiamu, na ɛkame ayɛ sɛ abusua no nyinaa ani gyee asɛm no ho, ne nokorɛ ahwehwɛfoɔ .”
“Berɛ biara na yɛyɛ abusua mpaebɔ sɛ mɛtumi akae a. Mekae yie sɛ na papa taa de n’ahwehwɛniwa hyɛ n’ataadeɛ bɔtɔ mu, na yɛn mmarimaa no hunu sɛ ɔrehwehwɛ n’ahwehwɛniwa no a, yɛhunu sɛ ɛyɛ nsɛnkyerɛnneɛ sɛ mpaebɔ berɛ aso, na sɛ yɛanhunu a maame bɛka sɛ ‘William,’ anaasɛ deɛ wabu n’ani agu so biara, ‘yɛ krado ma mpaebɔ.’ Mpaebɔ no akyi na yɛwɔ dwom a yɛbɛtoɔ.”
Joseph Sr. ne Lucy Smith kyerɛɛ wɔn abusua sɛ wɔnsua twerɛnsɛm no.
Joseph Smith
“Seesei meka sɛ, [me papa] anyɛ nneyɛɛ bɔne bi a yɛbɛka sɛ na ɛnyɛ ayamyɛ wɔ n’asetena mu, sɛdeɛ menim no. Medɔɔ me papa ne ne nkaeɛ; na ne nneyɛɛ papa nkaeɛ da m’adwene mu, ne n’ayamyɛ ne baatanyɛ nsɛm a ɔde maa me no, wɔatwerɛ no wɔ m’akoma pono so. Deɛ ɛyɛ kronkron ma me yɛ n’abrabɔ mu abakɔsɛm ho adwennwene a m’ani gye ho, a abobɔ afa m’adwene mu na wɔadua no wɔ hɔ, ɛnam deɛ mahunu firi berɛ a wɔwoo me. Me maame nso yɛ animuonyamfoɔ no mu baako, ne mmaa no mu papa pa ara.”