Nnuakuo Kronkron, ɛfiri Greg Olsen hɔ

Ɔpɛpɔn 13–19: “Mehunuu Hann Fadum”

Joseph Smith —Abakɔsɛm 1:1–26

Wobɛtumi aka sɛ Nkyerɛkyerɛ ne Apam nwoma no yɛ mpaebɔ mmuaeɛ: adiyisɛm kronkron a ɛwɔ saa nwoma yi mu baa sɛ mmuaeɛ de ma nsɛmmisa. Asɛmmisa a ɛhyɛɛ ne nyinaa ase—deɛ ɛhyɛɛ nna a ɛdi akyire adiyisɛm a ɛrehwiegu ase yi—abarimaa a wadi mfeɛ 14 na ɔbisaeɛ. “Akasakasa ne adwenkyerɛ basabasayɛ ho ɔko” (Joseph Smith—Abakɔsɛm 1:10) na ɛmaa Joseph Smith adwene yɛɛ basaa fa ɔsom ho ne ɔne Onyankopɔn ayɔnkofa ho. Ebia wobɛtumi ne ɛno anya twaka bi. Yɛhunu adwenkyerɛ ne ɛnne a ɛbɔ abira bebree wɔ yɛn mmerɛ yi mu. Sɛ yɛpɛ sɛ yɛhwehwɛ saa nkransɛm yinom mu na yɛhunu nokorɛ a, yɛbɛtumi ayɛ deɛ Joseph yɛeɛ no. Yɛbɛtumi abisa nsɛm, asua twerɛnsɛm no, adwene ho, na awieeɛ koraa no yɛabisa Onyankopɔn. Wɔ Joseph mpaebɔ mmuaeɛ ho no, hann fadum siane firi ɔsoro baeɛ. Onyankopɔn Agya ne Yesu Kristo yii wɔn ho kyerɛɛe buaa ne nsɛmmisa no. Joseph adansedie fa saa suahunu nwanwasoɔ yi ho de akokoɔduro pae mu kaa sɛ “deɛ [ɔhia] nyansa no bɛtumi abisa Onyankopɔn, na wanya” (Joseph Smith—Abakɔsɛm 1:26). Yɛbɛtumi anya, sɛ ɛnyɛ ɔsoro yikyerɛ a, anyɛ yie no yikyerɛ a ɛmu da hɔ, a ɔsoro hann hyerɛn wɔ mu.

Nsusuiɛ ma Efie ne Asɔre Adesua

Joseph Smith —Abakɔsɛm 1:5–26

Joseph Smith yɛ Mmaeɛ bio no Nkɔmhyɛni.

Na Joseph Smith abakɔsɛm botaeɛ ne sɛ ɛde yɛn bɛkɔ “nokorɛ no nya mu” ɛfiri sɛ nokorɛ a ɛfa Joseph ho no wɔakyinkyim no (Joseph Smith—Abakɔsɛm 1:1). Berɛ a wokenkan Joseph Smith—Abakɔsɛm 1:1–26no, ɛdeɛn na ɛhyɛ w’adansedie fa ne frɛ kronkron no mu kena?

San hwɛ Ahotefoɔ, 1:3–19.

Joseph Smith —Abakɔsɛm 1:5–25

Ɛbɛyɛ dɛn na manya me mpaeɛ ho mmuaeɛ?

“Nyansa abɔ wo da” anaasɛ w’adwene ayɛ wo keserenee ɛfa gyinasie bi a wopɛɛ sɛ woyɛ ho? (Joseph Smith—Abakɔsɛm 1:13). Suahunu a Joseph Smith nyaa wɔ 1820 mu bɛtumi ayɛ nhwɛsoɔ ama w’ankasa adiyisɛm. Nhwɛsoɔ, berɛ a worehwehwɛ Joseph Smith—Abakɔsɛm 1:5–25, hwehwɛ suahunu a ɛbɛboa wo. Deɛn na wosua fa:

• Sɛdeɛ Joseph siesiee ne ho de maa mpaebɔ mu suahunu kronkron? (hwɛ nkyekyɛmu 8, 11, 14–15).

• Twerɛsɛm sua asodie wɔ adiyisɛm hwehwɛ mu? (hwɛ nkyekyɛmu 11–12).

• Deɛ ɛwɔ sɛ woyɛ sɛ wohyia sɔretia a? (hwɛ nkyekyɛmu 15–16, 21–26).

• Woregye atom na woayɛ mmuaeɛ a wonya no ho adwuma? (hwɛ nkyekyɛmu 18–25).

Frɛ ɔkyɛ Twerɛnsɛm nhwehwɛmu frɛ Sunsum Kronkron no atenka. Saa atenka yeinom kyɛ frɛ Sunsum Kronkron no ma ɔdi adanseɛ kyerɛ afoforɔ, ne onii no a ɔrekyɛ no nso.

Deɛn nhunumu foforɔ na wobɛtumi anya afiri Titenani Henry B. Eyring asɛm mu “Yikyerɛ a Ɛdi kan: Nhyehyɛeɛ de ma Ankasa Adiyisɛm”? (Liahona, Ogyefuo 2020, 12–17).

Wobɛtumi nso ahwehwɛ nhwɛsoɔ foforɔ wɔ twerɛnsɛm mu a nkorɔfoɔ ne Onyankopɔn redi nkutaho. Mfonini a ɛwɔ Gospel Art Book no mu anaasɛ Bra, Di M’akyi nwoma no mu bɛtumi ama nsusuiɛ. Bɔ mmɔden bua nsɛmmisa a wɔatwerɛ dada ma nhwɛsoɔ biara a wobɛnya no. Deɛn suahunu na woanya berɛ a woregye mmuaeɛ ama mpaebɔ? Deɛn na wobɛtumi ayɛ ama afoforɔ nso anya suahunu saa bi?

San hwɛ Russell M. Nelson, “Tie No,” Liahona, Kɔtɔnima 2020, 88–92; Tinsɛm ne Nsɛmmisa, “Ankasa Adiyisɛm,” Asɛmpa Akoraeɛ.

Joseph Smith—Abakɔsɛm 1:15-20

Joseph Smith hunuu Onyankopɔn Agya no ne Ne Ba, Yesu Kristo.

Joseph Smith gyee Onyankopɔn dii sɛ ɔbɛbua ne mpaebɔ no, nanso wansusu sɛdeɛ saa mmuaeɛ no bɛsesa n’abrabɔ—ne ewiase. Berɛ a wokenkan Joseph suahunu no, dwene ho sɛdeɛ Yikyerɛ a Ɛdi Kan no nsunsuansoɔ asesa w’abrabɔ.

Nhwɛsoɔ,Yikyerɛ a Ɛdi Kan no da nokorɛ bebree a ɛfa Onyankopɔn Agya ne Ne Ba, Yesu Kristo ho adi, a na ɛda nso firi deɛ na nkorɔfoɔ bebree a wɔwɔ Joseph mmerɛ mu gye diiɛ no. Berɛ a wokenkan Joseph Smith—Abakɔsɛm 1:15–20, dwene ho twerɛ akwan ahodoɔ a wode bɛwie ɔkasamu te sɛ yei: “Ɛsiane sɛ Yikyerɛ a Ɛdi Kan no siiɛ nti, menim sɛ”

Deɛn atenka na wowɔ berɛ a wokenkan Joseph suahunu no ne biribiara a ɛfiri mu baeɛ?

San hwɛ “Bisa Onyankopɔn: Joseph Smith Yikyerɛ a Ɛdi Kan” (sini), Asɛmpa Akoraeɛ; “Joseph Smith Yikyerɛ a Ɛdi kan,” Nnwom,, no. 26.

Ask of God: Joseph Smith's First Vision

Short film produced for the Church History Museum depicting Joseph Smith's First Vision, including details drawn from each of Joseph Smith's accounts.

Emu nsɛm firi Sɛ Mo mu Bi Hia Nyansa a, ɛfiri Walter Rane hɔ

Joseph Smith—Abakɔsɛm 1:15-20

Adɛn nti na twerɛtohɔ ahodoɔ wɔ hɔ fa Yikyerɛ a Ɛdi Kan ho?

Wɔ ne berɛ so no, Joseph Smith twerɛɛ ne suahunu no wɔ Nnuakuo Kronkron no mu anyɛ bi koraa no mpɛn nan, a mpɛn pii ɔde ɔtwerɛfoɔ bi. Deɛ ɛka ho ne sɛ, nkorɔfoɔ afoforɔ bebree a wɔtee sɛ Joseph kasa faa yikyerɛ no ho nso twerɛ too hɔ. Ɛwɔ mu sɛ saa twerɛtohɔ yinom sesa wɔ nkyerɛmu binom mu, gyina ɔtwerɛfoɔ, atiefoɔ, ne beaeɛ so deɛ, nanso ɛsisi so. Na twerɛtohɔ biara de nkyerɛmu a ɛboa ma yɛte Joseph Smith suahunu no ase yie, te sɛ deɛ Apam Foforɔ nan no boa ma yɛte Agyenkwa no som ase yie no.

San hwɛ Tinsɛm ne Nsɛmmisa, “Yikyerɛ a Ɛdi kan Twerɛtohɔ,”Asɛmpa Akoraeɛ.

Joseph Smith—Abakɔsɛm 1:21-26

Mɛtumi adi nokorɛ ama deɛ menim, mpo sɛ afoforɔ po me a.

Ne Yikyerɛ nwanwasoɔ a Ɛdi Kan akyiri no, sɛdeɛ nnipa su teɛ no, Joseph Smith pɛɛ sɛ ɔne afoforɔ kyɛ ne suahunu no. Sɔretia a ɔhyiaeɛ no maa ne ho dwirii no. Berɛ a wokenkan ne twerɛtohɔ no, deɛn na ɛkanyan wo ma wodi nokorɛ ma w’adansedie? Nhwɛsoɔ afoforɔ bɛn—na ɛfiri twerɛnsɛm mu, nana bi, anaasɛ nkorɔfoɔ a wonim— na ɛma wo nkuranhyɛ ma wodi nokorɛ ma honhom mu suahunu a woanya no?

San hwɛ Gary E. Stevenson, “Nourishing and Bearing Your Testimony,” Liahona, Obubuo 2022, 111–14.

Worepɛ nsusuiɛ bebree a, hwɛ saa bosome yi Liahona ne De ma Mmabunu Ahoɔden nsɛmma nwoma mu.

Nsusuiɛ de ma Nkwadaa Adekyerɛ

Joseph Smith —Abakɔsɛm 1:3–14

Na wɔasiesie Joseph Smith sɛ ɔmmɛyɛ Onyankopɔn nkɔmhyɛni.

• Joseph Smith mmabunu mu ho adesua bɛtumi aboa wo nkwadaa ma wɔne no anya twaka berɛ a wɔsua adeɛ firi ne suahunu no mu. Ebia wɔbɛtumi akuta Joseph Smith mfonini na wɔakyɛ deɛ wɔnim fa ne ho. Sɛ ɛhia a, wobɛtumi de nokorɛ a ɛfa ne ho aka ho afiri Joseph Smith—Abakɔsɛm 1:3–14 (san hwɛ “Ti 1: Joseph Smith ne N’Abusua,” wɔ Nkyerɛkyerɛ ne Apam Abasɛm, 6–8, anaasɛ ɛho sini a ɛwɔ Asɛmpa Akoraeɛ). Deɛn suahunu na ɛboaa Joseph maa ɔsiesiee ne ho bɛyɛɛ nkɔmhyɛni? Deɛn na Onyankopɔn resiesie yɛn ama yɛabɛyɛ?

  Chapter 1: Joseph Smith and His Family: 1805–1820

Nkyerɛmu firi Joseph Smith Yikyerɛ a Ɛdi Kan, ɛfiri Greg Olsen hɔ

Joseph Smith—Abakɔsɛm 1:10-13

Onyankopɔn nam twerɛnsɛm no so bɛtumi abua me nsɛmmisa.

• Dwene ho fa nwoma ahodoɔ a twerɛnsɛm no ka ho kyerɛ wo nkwadaa. Boa ma wɔnnwene nsɛmmisa a saa nwoma yi bɛtumi abua ho. Afei mobɛtumi abom akenkan Joseph Smith—Abakɔsɛm 1:10–11 apɛ nsɛmmisa a Joseph Smith nyaeɛ ne mmuaeɛ a ɔhunuu wɔ twerɛnsɛm no mu.

• Wo nkwadaa bɛtumi anya nsɛmfua wɔ nkyekyɛmu 12 a ɛkyerɛkyerɛ sɛdeɛ Yakobo 1:5 akenkan nyaa Joseph so nkɛntɛnsoɔ. Afei mobɛtumi ne mo ho akyɛ suahunu a twerɛsɛm nkyekyɛmu bi nyaa nkɛntɛnsoɔ a ano yɛ den wɔ wo so. Mobɛtumi nso ato dwom abom fa twerɛnsɛm kenkan ho, te sɛ “Hwehɛ, Dwennwene, na Bɔ mpaeɛ” (Nkwadaa Nnwomnwoma, 109). Deɛn na dwom no kyerɛ fa deɛ nti a yɛkenkan twerɛnsɛm no ho?

Joseph Smith —Abakɔsɛm 1:10–17

Ɔsoro Agya tie na ɔbua me mpaebɔ.

• Sɛ worehyɛ mpɛnsɛmpɛnsɛmu ase fa sɛdeɛ yɛne Ɔsoro Agya di nkutaho a, ebia wo ne wo nkwadaa bɛtumi abisa mo ho nsɛmmisa a mode nkutahodie akwan ahodoɔ, te sɛ atwerɛ nkrasɛm, foon frɛ, anaasɛ nsa ano krataa twerɛ. Sɛn na yɛsi bisa Ɔsoro Agya nsɛm? Sɛn na yɛsi kyerɛ No sɛ yɛdɔ No na yɛhyɛ No animuonyam wɔ yɛn mpaebɔ mu? Monkenkan mmom Joseph Smith—Abakɔsɛm 1:16–19 na mompɛnsɛmpɛnsɛmu sɛdeɛ Ɔsoro Agya buaa Joseph Smith mpaebɔ no. Afei wo ne wo nkwadaa bɛtumi akyɛ suahunu berɛ a mobisaa No mmoa na monyaa mmuaeɛ.

Joseph Smith—Abakɔsɛm 1:17-19

Joseph Smith hunuu Ɔsoro Agya no ne Ne Ba, Yesu Kristo.

• Wo nkwadaa ani bɛtumi agye berɛ a wɔgyina hɔ na wɔabae wɔn nsa mu reyɛ sɛ wɔyɛ nnua wɔ Nnuakuo Kronkron no mu berɛ a woka Yikyerɛ a Ɛdi Kan no ho asɛm kyerɛ wɔn. Ka kyerɛ nkwadaa no sɛ wɔnhinhim wɔn nsa sɛdeɛ mframa rebɔ wɔn berɛ a wokasa fa Joseph mpaebɔ no ho kyerɛ wɔn. Afei ma wɔnnyina dinn na wɔnyɛ komm berɛ a wokasa fa sɛdeɛ Ɔsoro Agya ne Yesu Kristo yii wɔn ho adi kyerɛɛ Joseph.

• Nkwadaa mpanimfoɔ ani bɛgye sɛ wɔde mfonini a ɛwɔ saa nhyehyɛeɛ yi mu baako anaasɛ bebree bɛka deɛ wɔnim fa Yikyerɛ a Ɛdi Kan no ho akyerɛ wo. Hyɛ wɔn nkuran ma wɔnhwɛ Joseph Smith—Abakɔsɛm 1:14–17 na wɔnkyɛ wɔn adwennwene ne atenka fa Joseph Smith suahunu ho (san hwɛ “Chapter 2: Joseph Smith Yikyerɛ a Ɛdi kan,” wɔ Nkyerɛkyerɛ ne Apam Abasɛm mu, 9–12, anaasɛ ɛho sini a ɛwɔ Asɛmpa Akoraeɛ).

  Chapter 2: Joseph Smith’s First Vision: 1820

Worepɛ emu nsɛm bebree a, hwɛ saa bosome yi Adamfoɔ nsɛmma nwoma mu.

Wɔasan de Nokorɛ Aba, ɛfiri Leon Parson hɔ