Sanza ya Minei 14–20: ‘Nazali Ye Oyo Azali na Bomoi, Nazali Ye Oyo Babomaki’: Pasika,” Yaka, Landa Ngai—Mpo na Ndako mpe Eklezia: Malongi mpe Mayokani 2025 (2025)

Pasika,” Yaka, Landa Ngai—Mpo na Libota mpe Eklezia: 2025

Sanza ya Minei 14–20:“Nazali Ye Oyo Azali na Bomoi, Nazali Ye Oyo Babomaki.”

Pasika

Mokolo ya 3, Sanza ya minei 1836, ezalaki Eyenga ya Pasika. Nsima ya kosalisa na kopesaka elambo na Basantu kati na Tempelo oyo ebulisamaki sika na Kirtland, Joseph Smith mpe Oliver Cowdery bazwaki esika ya kimia nsima ya elamba mpe bagumbamaki na losambo ya kimia. Nsima, na mokolo ya bule oyo ntango Baklisto bisika nyonso bazalaki kosepela na Lisekwa ya Yesu Klisto, Mobikisi mosekwi Ye moko abimaki na tempelo na Ye, kosakolaka, “Nazali ye oyo azali na bomoi, nazali ye oyo babomaki” (Malongi mpe Mayokani 110:4).

Yango elingi kolimbola nini koloba ete Yesu Klisto azali “ye oyo azali na bomoi”? Elingi kaka te koloba ete Asekwaki na lilita mpe abimelaki bayekoli na Ye na Galileya. Elingi koloba ete Azali na bomoi lelo. Azali koloba na nzela ya baprofeta lelo. Ye azali kokamba Eklezia na Ye lelo. Abikisaka mpota ya milimo mpe mitema mibukana lelo. Na yango tokoki kolandisa maloba ya litatoli ya nguya ya Joseph Smith: “Nsima ya matatoli mingi oyo epesamaki na ntina na ye, oyo ezali litatoli … oyo topesi na ntina na ye: Ete azali na bomoi!” (Malongi mpe Mayokani 76:22). Tokoki koyoka mongongo na Ye na bimoniseli oyo, kotatola loboko na Ye na bomoi na biso, m mpe koyoka “esengo ya liloba oyo elobi: ‘Nayebi ete Mosikoli na ngai azali na bomoi!’” (Hymns, no. 136).

Makanisi mpo na Koyekola na Ndako mpe na Eklezia

Yesu Klisto azali na bomoi

Mingi na biso mpenza tomoni Yesu Klisto te lokola profeta Joseph Smith amonaki. Kasi tokoki koyeba, lokola asalaki, ete Mobikisi azali na bomoi, ete Ye ayebi baelonga mpe bitumba na biso, mpe ete Ye akosalisa biso na bangonga ya bosenga. Botala litatoli na bino moko ya Klisto na bomoi lokola bozali komanyola mituna oyo ezali na nse mpe koyekola mikanda oyo ezali kokende elongo na oyo.

Yesu Klisto azali nani? Mpo na nini tokumbamelaka Ye? (tala “Klisto na Bomoi: Litatoli ya Bapostolo”).
Molimo ateyi ngai nini etali boyebi ya Joseph Smith mpe basusu oyo bamonaki Mobikisi? Lolenge nini Matatoli na bango elendisi oyo ya ngai? (tala Malongi mpe Mayokani 76:11–14, 20–24; 110:1–10; Joseph Smith—Mambi ya Kala:17).
Nayekoli nini etali etinda mpe bonzambe ya Mobikisi uta na maloba na Ye moko? (tala Malongi mpe Mayokani 29:5; 38:7).
Lolenge nini Mobikisi akoki kosalisa ngai lelo? (tala Yisaya 53:3–5; Baebele 2:17–18; Mosiya 3:7; Alma 7:11–13; 36:3; Etele 12:27; Moise 5:10–12).

Nguya ewutaka na bokangi na moto. Mpaka Richard G. Scott alimbolaki: “Nguya monene ekoki koya uta na kokanga makomi na moto. Kokanga molongo ya makomi na moto ezali kotonga bondeko na moninga ya sika. Ezali lokola kokutana na moto ya sika oyo akoki kosalisa na ntango ya bosenga, kopesa bofuli mpe bolendisi, mpe kozala liziba ya mpiko mpo na mbongwana oyo esengami” (“Nguya ya Makomi,” Ensign, Sanza ya zomi na moko. 2011, 6). Soki bomoni molongo ya makomi etali Mobikisi oyo ezali mingi mingi ntina na bino—ntango mosusu yango wana ekoki kopesa bino bolendisi na ntango ya bosenga—bokanisa kokanga yango na moto.

Na video “My Spiritual Goal [Ntina na Ngai ya Molimo],” elenge mwasi azwi mokano ya kokanga na moto “Klisto na Bomoi” (Biblioteke ya Nsango Malamu). Nini etuti bino na motema etali likambo na ye? Nini boyoki efuli bino kosala mpo na koyamba bosolo na “Klisto na Bomoi” na motema mpe mayele na bino?

Mpo na koyekola mingi koleka etali lolenge nini Mobikisi apambolaka biso lelo, bokoki koyekola, koyoka, to koyemba “I Know That My Redeemer Lives [Nayebi Ete Mosikoli na Ngai Azali na Bomoi]” (Hymns, no. 136). Ekoki kozala ya kofula mpo na koluka bosolo na loyembo oyo eteyami lisusu na Malongi mpe Mayokani 6:34; 84:77; 98:18; 138:23.

Tala lisusu Makambo mpe Mituna, “Yesu Klisto,” Biblioteke ya Nsango malamu.

Mpo na Yesu Klisto, nakosekwa.

Joseph Smith ayebaki lolenge nini toyokaka kolela liwa ya balingami mingi kosangisaka tata naye mpe mibale ya bandeko na ye ya mibali. Joseph mpe Emma bakundaki bana na bango motoba, moko na moko bakokisaki mibu mibale te. Uta na bimoniseli Nzambe apesaki, Joseph mpe Emma bazwaki emoneli moko ya seko.

Boluka bosolo etali liwa mpe mwango ya seko na Malongi mpe Mayokani 29:26–27; 42:45–46; 63:49; 88:14–17, 27–31; 93:33–34. Lolenge nini bosolo oyo esimbi lolenge bonelaka liwa? Lolenge nini esimbi lolenge na bino ya kotambwisa bomoi na bino?

Tala lisusu 1 Bakolinti 15; Teachings of Presidents of the Church: Joseph Smith [Mateya ya Bakambi ya Eklezia: Joseph Smith] (2007), 174–76; Easter.ChurchofJesusChrist.org.

Yesu Klisto akokisaki “bomikabi ya kobonga nie” mpo na ngai.

Nzela moko mpo na kofandisa makanisi na Mobikisi na ntango ya Pasika ezali ya koyekola bimoniseli na Malongi mpe Mayokani oyo eteyi na ntina ya mbeka to libonza ya bomikabi na Ye. Mosusu ekoki kozwama na Malongi mpe Mayokani 18:10–13; 19:16–19; 45:3–5; 76:69–70. Bokanisa kokoma molongo ya bosolo oyo bozwi na milongo oyo. Mpo na kotia mozindo na boyekoli na bino, bokoki kobakisa na molongo na bino na kolukaka na Luka 22:39–44; 1 yoane 1:7; 2 Nefi 2:6–9; Mosiya 3:5–13, 17–18; Moroni 10:32–33.

Botala mwa mituna oyo ekoki kokamba boyekoli na bino:

Bomikabi ya Yesu Klisto ezali nini?
Mpo na nini Yesu Klisto aponaki koyoka mpasi mpe kokufa mpo na biso?
Nini nasengeli kosala mpo nazwa mapamboli ya libonza na Ye?
Lolenge nini nayokaka na oyo etali Yesu Klisto nsima ya kotanga milongo oyo?

Botala lisusu Mokambi na Makomami, “Bomikabi,” Biblioteke ya Nsango Malamu; “The Savior Suffers in Gethsemane [Mobikisi Azali Koyoka Mpasi na Getesemane]” (video), Biblioteke ya Nsango Malamu.

Mpo na makanisi koleka, botala nsango ya sanza oyo na bamagazini Liahona mpe Mpo na Bokasi ya Bilenge .

Makanisi mpo na Koteya Bana

Mpo na Yesu Klisto, nakosekwa.

Mpo na koteya bana na bino oyo etali bosekwi, bokoki kobanda kolakisa bango bililingi ya liwa mpe Bosekwi ya Mobikisi. Botika bana na bino bakabola maye bayebi etali makambo yango. Bokoki lisusu koyemba loyembo moko lokola “Did Jesus Really Live Again? [Yesu Azalaki na Bomoi Lisusu?]” (Children’s Songbook, 64).
Bokanisa liteya ya ndakisa oyo ekoki kosalisa bana na bino basosola maye masalemaka ntango tokufaka (milimo na biso mpe banzoto ekabwanaka) mpe ntango tosekwi (milimo mpe banzoto na biso ezongi lisusu elongo, mpe banzoto na biso ezali ya kobonga nie mpe ezangi kufa). Ndakisa, nini esalemaka ntango tolongolaka pile uta na tolesi to ebombelo langi uta na ekomelo? Nini esalemaka ntango esangisami lisusu? (Tala Alma 11:44–45.)
Bana na bino bayebi moto moko oyo akufa? Botika bango bakabola mwa moke na oyo etali bato moko na moko oyo, mpe nsima botanga elongo Malongi mpe Mayokani 138: 17. Bosolola elongo na moko na mosusu oyo etali lolenge esalaka koyeba ete balingami na biso bakosekwa mpe bakozala na banzoto lisusu.
Soki bozali na bana ya mikolo, bokoki kobengisa bango baluka maboke ya maloba oyo ezali kolobela nsango ya Pasika na biteni ya makomi oyo elandi: Malongi mpe Mayokani 63:49; 88:14–17, 27; 138:11, 14–17. Bakoki kosala kaka bongo na video “Because He Lives [Mpo ete Ye Azali na Bomoi]” (Bibblioteke ya Nsango Malamu). Lolenge nini tokoki kokabola nsango oyo elongo na basusu?

Profeta Joseph Smith amonaki Yesu Klisto.

Bino mpe bana na bino bokoki kosepela kotanga pene mbala misato oyo Yesu abimelaki Joseph Smith mpe basusu, lokola ekokomama na Joseph Smith—Mambi ya Kala 1:14–17; Malongi mpe Mayokani 76:11–24; 110:1–10. Bana na bino bakoki lisusu kotala bililingi ya makambo oyo na lokasa ya miluluya poso oyo. Toyekoli nini etali Yesu Klisto uta na makambo oyo? Mpo na nini ezali lipamboli koyeba ete Joseph Smith mpe basusu bamonaki Mobikisi mosekwi?

Mpo na Yesu Klisto, masumu na ngai ekoki kolimbisama.

Bosolo oyo Joseph Smith ayekolaki etali bolimbisi na nzela ya Klisto ekoki kopesa bana na bino elikya ete bakokoka kolimbisama mabunga mpe masumu na bango. Bokanisa kobengisa bana na bino bakela etando na mito lokola oyo: Nini Mobikisi asalaki mpo na ngai mpe Nini nasengeli kosala mpo na kozwa bolimbisi na Ye. Bosalisa bana na bino baluka biteni ya makomi oyo elandi mpo na kozwa makambo oyo ezali na nse ya mito oyo Malongi mpe Mayokani 18:10–13; 19:16–19; 45:3–5; 58:42–43. Bokabola elongo na moko na mosusu esengo mpe botondi na bino mpo na maye Mobikisi asalaki mpo na biso.
Bokoki lisusu kotala video “The Shiny Bicycle [Velo ya Kongenga]” elongo na bana na bino (Biblioteke ya Nsango Malamu) mpe bokabola boyebi ntango boyokaki bolimbisi ya Mobikisi ntango boyambolaki.

Mpo na makanisi koleka, botala nsango ya sanza oyo na magazini Moninga .

Klisto mosekwi abimeli Maria — Klisto mpe Maria na Lilita, na Joseph Brickey