Sanza ya Minei 21–27: ‘Soki Bozali Moko Te Bozali Ya Ngai Te’: Malongi mpe Mayokani 37–40,” Yaka, Landa Ngai—Mpo na Ndako mpe Eklezia: Malongi mpe Mayokani 2025 (2025)
“Malongi mpe Mayokani 37–40,” Yaka, Landa Ngai—Mpo na Ndako mpe Eklezia: 2025
Makambo mike mike uta na Basantu Bakeyi na Kirtland, na Sam Lawlor
Sanza ya Minei 21–27: “Soki Bozali Moko Te Bozali Ya Ngai Te”
Malongi mpe Mayokani 37–40
Na Basantu ya ebandeli, Eklezia ezalaki mingi koleka esika ya koyoka mateya na mokolo ya Eyenga. Bimoniseli esalelaki maloba lokola ntina, bokonzi, Siona, mpe, mbala mingi, mosala. Wana ekokaki kozala ndambu ya oyo ebendaki bato na Eklezia ezongisama. Mingi lokola bazalaki kolinga malongi, mingi lisusu balingaki eloko esantu oyo bakoki komipesela bomoi na bango. Atako bongo, kotosa motindo ya Nkolo na mobu 1830 mpo ete basangana na Ohio ezalaki likambo ya pete te. Mpo na mingi, elakisi kotika bandako ya malonga mpo na kokende na ndelo ya mboka oyo eyebani te (tala “Mingongo ya Bozongisi: Bosangani na Ohio”). Lelo tokoki komona polele nini Basantu oyo bakokaki komona bobele na liso ya bondimi: Nkolo azalaki na mapamboli minene oyo ezalaki kozela bango na Ohio.
Bosenga ya kosangana na Ohio esilaki banda kala, kasi Basantu lelo batikali na bomoko mpo na ntina moko ya “kobimisa Siona” (Malongi mpe Mayokani 39:13 Lokola Basantu wana ya ebandeli, tobengisami kosundola “mitungisi ya mokili” (Malongi mpe Mayokani 40:2) mpo ete totiela elaka ya Nkolo motema: “Bokozwa … lipamboli moko monene oyo naino boyeba te” (Malongi mpe Mayokani 39:10)
Tala lisusu Basantu, 1:109–11
Makanisi mpo na Koyekola na Ndako mpe na Eklezia
Nzambe asangisi biso mpo na kopambola biso.
Bandimi ya Eklezia na Fayete, new York, basengelaki kosala mabonza ya kpokoso mpo na kokende na Ohio (mosika mingi koleka kilometele 250) na eleko ya malili na mobu 1831. Ntango bozali kotanga oyo etali motindo ya Nkolo na Malongi mpe Mayokani 37:3–4, bokoki kokanisa oyo etali mabonza Nkolo asengi bino. Nsima, ntango bozali koyekola Malongi mpe Mayokani 38:1–33, boluka bosolo etali Mobikisi oyo epesi bino bondimi mpo na kolanda toli na Ye. Boyekoli nini uta na milongo 11–33 etali mapamboli ya bosangani lokola balandi ya Yesu Klisto?
“Boyoka mongongo na ngai mpe bolanda ngai.”
Lolenge nini bokoki kokomisa Yesu Klisto “mopesi mobeko” na bino? Lolenge nini kolanda mibeko na Ye ekomisaka bino “bato ya nsomi”?
Tala lisusu 2 Nefi 2:26–27
Soki namilengeli, nasengeli kobanga te.
Ntango nini bokutanaki na libongisi oyo Nkolo amonisaki na Malongi mpe Mayokani 38:30: “Soki omilengeli okobanga te”? Ntango bozali koyekola eteni 38, botala lolenge nini Nkolo alengelaka Basantu na Ye mpo ete bakoka kotelemela lobi ya nsima na mpiko. Lolenge nini Ye alingaka bino bomilengela mpo na mikakatano mpo ete bosengela kobanga te?
Tala lisusu David A. Bednar, “Tokolakisa Bango na Nse,” Liahona, Sanza ya zomi na moko. 2020, 8–11.
Nzambe alingi biso “tozala se moko.”
Basantu oyo basanganaki na Ohio bawutaki na makambo ya bomoi ya ndenge na ndenge. Lolenge moko ezali pene solo mpo na bato kati na palwasi na bino. Kasi Nkolo atindi bato na Ye “bazala se moko” (molongo 27). Lolenge nini tokoki kokokisa bomoko ya lolenge oyo? Makanisi nini ezali koya na moto ntango bozali kotanga Malongi mpe Mayokani 38:24–27? Mpo na nini tosengeli kozala bomoko mpo na kozala bato ya Nzambe?
Kotangaka milongo oyo ekoki lisusu kofula bino bokanisa oyo etali mikangano na bino—ndakisa, na bato ya libota, bandimi ya palwasi, mpe bato ya lisanga likoki to ya kelasi. Nini ekoki kopekisa bino na kozalaka bomoko kati na Klisto? Lolenge nini Mobikisi akoki kosalisa bino “bozala se moko”? Bavideo “A Friend to All [Moninga mpo na Banso]” to “Love in Our Hearts [Bolingo kati na Mitema na Biso]” (Biblioteke ya Nsango Malamu) ekoki kosunga bino boyanola mituna oyo. Bokoki lisusu kozwa makanisi kati na nsango ya Mpaka Dale G. Renlund “Kimia ya Klisto Esilisaka Bonguna,” Liahona, Sanza ya zomi na moko 2021, 83-85.
A Friend to All
Love in Our Hearts
Lolenge nini bokoki kosalisa maboke oyo bazala bomoko mingi koleka? Ndakisa, bokanisa kotinda to kokomela lokola mokanda mokuse na bato ya lisanga likoki na bino, kelasi, to libota. Nani bomiyoki ya kofulama mpo na kokomela?
Nini efulaka bino na oyo etali ndakisa ya Mobikisi na Baefese 2:14, 18–22; 2 Nefi 26:24–28?
Tala lisusu Quentin L. Cook, “Mitema Mikangani na Boyengebene mpe Bomoko,” Liahona, Sanza ya zomina moko 2020, 18–21; “Love One Another [Bolingana Moko na Mosusu],” Hymns, no. 308; Makambo mpe Mituna, “Belonging in the Church of Jesus Christ [Kozalaka kati na Eklezia ya Yesu Klisto],” Biblioteke ya Nsango Malamu.
Malongi mpe Mayokani 38:39; 39–40
Tata na Lola alingi kopesa ngai bozwi ya boseko.
Na makanisi na bino, bokeseni nini ezali katikati ya “bozwi ya mabele” mpe “bozwi ya boseko”? (Malongi mpe Mayokani 38:39). Makambo nini eteyi bino kotia motuya na bozwi ya boseko?
Bobatela yango na moto na bino ntango bozali kotanga oyo etali James Covel na biteni 39–40 (kosangisaka lisolo eyebana na biteni ya mito). Bokanisa lolenge nini boyebi na ye ekoki kosalelama epayi na bino. Ndakisa, bokanisa ntango oyo ya bino “motema … ezalaki sembo liboso ya [Nzambe]” (Malongi mpe Mayokani 40:1). Lolenge nini bopambolamaki mpo na bosembo na bino? Bokanisa lisusu na ntina ya “mitungisi ya mokili” nini bozali kokutana na yango. Lolenge nini ezali kopekisa bino bozwa liloba ya Nzambe “na esengo”? (Malongi mpe Mayokani 39:9; 82:2). Bomoni nini na mikapo miye oyo efuli bino mpo na kozala ntango nyonso na botosi mingi koleka epayi ya Nzambe?
Tala lisusu Matai 13:3–23.
Kosalelaka makomi na bomoi na bino. “Lolenge moko bokoki kosalisa bayekoli bamona motuya ya [makomi] ezali na kotunaka mituna lokola “Lolenge nini yango ekoki kosunga bino na eloko songolo oyo ozali komona sikawa?” ‘Mpo na nini ezali ntina mpo na bino boyeba yango?’ ‘Bokeseni nini yango ekoki kosala na bomoi na bino?’” (Koteya na Lolenge ya Mobikisi, 23). Mituna na molulu oyo etali Malongi mpe Mayokani 39–40 ezali bandakisa misusu ya mituna oyo ekoki kosalisa biso tosalela bimoniseli oyo na bomoi na biso.
Mpo na makanisi koleka, botala nsango ya sanza oyo na bamagazini Liahona mpe Mpo na Bokasi ya Bilenge .
Makanisi mpo na Koteya Bana
Malongi mpe Mayokani 37; 38:31–33.
Nzambe asangisi biso mpo na kopambola biso.
-
Kalati mpe lokasa ya milulu na nsuka ya liteya oyo ekoki kosalisa bana na bino basosola maye Nzambe atindaka na Malongi mpe Mayokani 37:3. Ntango mosusu bokoki kosalisa bango bamona bisika elobelami na bimoniseli oyo. Bokoki lisusu kosalisa bango bamona liboke ya maloba uta na Malongi mpe Mayokani 38:31–33 oyo ezali kolimbola mpo na nini Nzambe alingaka bato na Ye basangana elongo.
Nzambe alingi biso “tozala se moko.”
-
Ntango bozali kotanga Malongi mpe Mayokani 38:24–25 elongo na bana na bino, bosolola na ntina ya nini elakisi komona ndeko na bino mobali to mwasi lokola binomei (tala lisusu Matai 7:12). Bosalisa bango bazongela makomi yango kosobitinaka “ndeko na ye ya mobali” na bankombo misusu moko na moko.
-
Mpo na koteya bana na bino maye elingi koloba “kozala se moko” (Malongi mpe Mayokani 38:27), bokoki kosalisa bango bayema motango monene 1 mpe kopakola yango langi na bankombo mpe mayemi to bililingi ya moto moko na moko na libota to kelasi na bino. Nsima ya 1, bokoki kokoma makambo oyo bokosala mpo na kozala moko lokola libota.
-
Bokanisa kokabola liteya ya kosalela eloko oyo ezali kolakisa lolenge nini biloko ekoki kosangisama to kokomisama moko mpo na kokoma moko, ndakisa biteni ya elamba oyo esalaki liboke moko to biloko epesaka mpimbo oyo esalaka lipa moko. Bandakisa oyo eteyi biso nini oyo etali kokomaka moko lokola bato ya Nzambe?
Soki namilengeli, nasengeli kobanga te.
-
Ntango bozali kotanga elongo Malongi mpe Mayokani 38:30, bino mpe bana na bino bokoki kosolola na oyo etali mayebi ya kala te oyo esengaki bomilengeli. Nsima bokoki kosenga bana na bino oyo etali makambo Tata na Lola alingaka biso tomilengelela. Bokabola na bana na bino likambo bokutanaki na yango kati na yango kozalaka ya komilengela esalisaki bino bozala ya kobanga te. Bokoki lisusu kotala elongo video “Men’s Hearts Shall Fail Them [Mitema ya Bato Ekokweisa Bango]” (Biblioteke ya Nsango Malamu).
Men's Hearts Shall Fail Them
Nazwaka likabo ya Molimo Mosantu ntango nakuli nkotisa.
-
Bokanisa kolakisa elilingi ya moto moko kokulisamaka nkotisa. Bosenga bana na bino balimbola maye mazali kosalema na elilingi yango. Bokoki lisusu kobengisa bango balakisa mosapi na elilingi yango ntango nyonso bakoyoka maloba Molimo Mosantu na Malongi mpe Mayokani 39:6, 23 (to na loyembo moko lokola “The Holy Ghost [Molimo Mosantu],” Children’s Songbook, 105). Bokabola na moko na mosusu lolenge nini likabo ya Molimo Mosantu epamboli bino.
Mpo na makanisi koleka, botala nsango ya sanza oyo na magazini Moninga .