“Motsheganong 5–11: ‘Ditsholofetso … Di Tlaa Diragadiwa’: Dithuto le Dikgolagano 45,’ Tlayang, Ntshalang Morago—Ya Lelwapa le Kereke: Dithuto le Dikgolagano 2025 (2025)
“Dithuto le Dikgolagano 45,” Tlayang, Ntshalang Morago—Ya Batho le Malwapa: 2025
Motsheganong 5–11: “Ditsholofetso … Di Tlaa Diragadiwa”
Dithuto le Dikgolagano 45
Tshenolo mo tsetlana 45 e ne ya amogelwa, go yeng ka setlhogo sa tsetlana, “go boitumelo jwa Baitshepi.” E bile go na le mo gontsi mo go ka itumelelwang mo tshenolong e. Mo go yone Mmoloki o neela tsholofelo ya Gagwe e e bonolo go re rapelela fa pele ga ga Rara (bona ditemana 3–5). O bolela ka ga kgolagano ya Gagwe ya bosenang bokhutlo go ralala le lefatshe, jaaka “morongwa … go baakanya tsela fa pele ga [Ene]” (temana 9). Mme o ne a perofesa ka go tla ga Gagwe ga Bobedi mo go galalelang. Mmoloki o dira mo gotlhe le fa a lemoga gore tse ke dinako tse dithata (bona temana 34), mo karolong ka ntlha ya dipoitshego tse di tlaa diragalang pele ga go tla ga Gagwe. Mme poitshego eo, lefifi ga le thata mo go lekaneng go tima lesedi la tsholofelo. “Gonne ammaaruri ke a lo raya,” Morena a bolela, “gore Ke … lesedi le le phatsimang mo lefifing” (temana 7). Se ka bo sone ke lebaka la go amogela tshenolo e—le ka kgakololo epe le ditlhagiso le boammaaruri jo A batlang go bo ntsha—ka boitumelo.
Megopolo ya go Ithuta kwa Gae le kwa Kerekeng
Jeso Keresete ke Mmueledi wa me le Rara.
Fa re ikutlwa re sa itekanela kgotsa re sa lekana fa pele ga Modimo, re ka bona go rurifalediwa go tswa mo mafokong a Mmoloki mo Dithuto le Dikgolagano 45:1–5. Jaaka o senka mo ditemaneng tse, akanya ka dipotso jaaka tse:
-
Ke eng mo ditemaneng tse se se utlwalang se le bokao jo bo maleba mo go wena?
-
Mmueledi ke mongwe o o thusang kgotsa a atlegisa motho kgotsa maikaelelo. Go yeng ka ditemana tse, Jeso Keresete o go direla jang se? Ke eng se se Mo kgonisang go dira se?
-
Ke eng se se go kgatlhang ka ga mafoko a Mmoloki go Rara? (temana 4–5).
Le gone o ka ithutuntsha se Mogolwane Dale G. Renlund a se rutileng ka ga Jeso Keresete, Mmueledi wa rona mo “Choose You This Day” (Liahona, Nov. 2018, 104–5). Go yeng ka Mogolwane Renlund, maikaelelo a Mmoloki a ka tshwantshanngwa jang le a ga Lusifa?
Diele tse di latelang di ka tlalaletsa go tlhaloganya ga gago ka maikarabelo a Mmoloki jaaka Mmueledi. Jaaka o di ithutuntsha, akanya go kwala diele kgotsa boammaaruri jo o ka bo abelanang le ba bangwe: 2 Nefi 2:8–9; Mosia 15:7–9; Moroni 7:27–28; Dithuto le Dikgolagano 29:5; 62:1. Ke eng diele tse di le botlhokwa mo go wena?
Bona le gone “I Stand All Amazed,” Difela, no. 193; Topics and Questions, “Atonement of Jesus Christ,” Gospel Library; “The Mediator” (video), Gospel Library.
The Mediator
A portrayal of the analogy Elder Boyd K. Packer used in his April 1977 general conference address. A young man who fails to pay a debt is saved from the grasp of justice through the mediation of a friend.
Dithuto le Dikgolagano 45:9–10
Efangele ke mokgele wa ditšhaba.
Bogologolo, mokgele e ne e le folaga e e neng e tseelwa kwa ntweng go dirisiwa jaaka ntlha ya bokopanelo le go kopanya mephato. Mokgele le gone ke sekai kgotsa seelo se dilo tse dingwe di ka kalwang ka yone. Jaaka o bala Dithuto le Dikgolagano 45:9–10, tlhatlhanya ka fa dikgolagano le Morena di ntseng jaaka mokgele mo go wena.
Dithuto le Dikgolagano 45:11–75
Jeso Keresete o tlaa boa ka kgalalelo.
Go Tla ga Bobedi ga Morena go tlhalositswe gotlhe jaaka “legolo” le le “boitshegang” (Malaki 4:5). Mo Dithuto le Dikgolagano 45, tsotlhe ditlhaloso di lebega di le maleba. Tshenolo e e akaretsa gotlhe ditlhagiso le di tsholofetso tse di solofetsweng ka ga go tla ga Morena. Jaaka o ithutuntsha ditemana 11–75, tlhatlhanya ka fa o ka ipaakanyetsang Go Tla ga Bobedi ka tumelo mo go Keresete go na le ka poifo. Kwala se o se bonang mo nankolong e tshwana le e:
|
Porofeso kgotsa tsholofetso |
Se ke ka se dirang |
|---|---|
Porofeso kgotsa tsholofetso Lesedi (efangele) le tlaa tla go bao ba nnang mo lefifing (temana 28) | Se ke ka se dirang Amogela lesedi—mme o le abelane (temana 29) |
Porofeso kgotsa tsholofetso | Se ke ka se dirang |
Porofeso kgotsa tsholofetso | Se ke ka se dirang |
Porofeso kgotsa tsholofetso | Se ke ka se dirang |
Mo setshwantshong sa motshikinyego “Men’s Hearts Shall Fail Them” (Gospel Library), ke efe kgakololo e Poresidente Russell M. Nelson a e ntshitseng go re thusa go lebagana le dieemo tse di boifisang ka kagiso?
Men's Hearts Shall Fail Them
Elder Russell M. Nelson shares a personal story to give encouragement for when we feel "weak in the heart."
Dithuto le Dikgolagano 45:31–32, 56–57
Ke ka “ema mo mafelong a boitshepo” mme ke sa sute.
O ithuta eng mo Dithuto le Dikgolagano 45:31–32, 56–57 ka go ipaakanyetsa go tla ga Morena? Ke afe “mafelong a boitshepo” a gago? Go raya eng go “sa sute”? O ka dira jang gore fa o leng teng go nne boitshepo?
Lemoga gore Morena O ne a raya setshwantsho sa makgarebe a lesome, a tshwantshanya leokwane mo setshwantshong le boammaaruri le Mowa o o Boitshepo. Akanya ka go bala setshwantsho mo Mathaio 25:1–13 ka seo mo tlhaloganyong. Ke ditshedimosetso dife tse o di bonang?
Bona le gone David A. Bednar, “If Ye Had Known Me,” Liahona, Nov. 2016, 102–5.
Parable of the Ten Virgins, ka Dan Burr
Dithuto le Dikgolagano 45:11–15, 66–71
Sione ke lefelo la pabalesego la Baitshepi ba Modimo.
Baitshepi ka dinako tsa ga Joseph Smith ba ne ba le tlhaga go aga Sione, Jerusalema yo Mosha (bona Ethere 13:2–9; Moše 7:18, 62–64). O ithuta eng ka Sione—gotlhe toropo ya bogologolo ya letsatsi la ga Enoko le toropo ya malatsi a bofelo—go tswa mo Dithuto le Dikgolagano 45:11–15, 66–71? Gompieno taelo ya go tlhomamisa Sione e raya go tlhoma bogosi jwa Modimo gope kwa re nnang teng. O ka dira eng go thusa go aga Sione gope kwa o nnang teng?
Megopolo ya Go Ruta Bana
Jeso Keresete ke Mmueledi wa me le Rara.
-
O ka batla go thusa bana ba gago go tlhaloganya gore mmueledi ke mongwe yo o thusang motho yo mongwe. Ke gone o ka bua ka dikai tsa go nna mmueledi tse ba ka di lemogang (jaaka go emela tsala ka dinao). Jaaka lo bala Dithuto le Dikgolagano 45:3–5 mmogo, thusa bana ba gago go lemoga yo e leng Mmueledi wa rona le gore O re thusa jang.
Ke ka “ema mo mafelong a boitshepo.”
-
Go ka itumedisa go baya setshwantsho sa legae, kago ya Kereke, le tempele mo ntlwaneng. Ke gone o ka neela bana ditsela tse ba ka lemogang fa o tlhalosa mafelo a mme o ba laletse go ema gaufi le senepe se o se tlhalosang. Ba kope ba eme ba sa tshikinyege fa o bala mola wa ntlha go tswa mo Dithuto le Dikgolagano 45:32. Ke afe mafelo a boitshepo a Modimo a re a neelang? Thusa bana ba gago go tlhaloganya gore go “ema mo mafelong a boitshepo, le … go sa sute” go raya go kgetha mo go siameng dinako tsotlhe, go sa kgathalesege gore go diragala eng. Re ka dira legae la rona jang lefelo le le boitshepo?
Efangele ya ga Jeso Keresete ke mokgele mo lefatsheng.
-
O ka tlhalosetsa bana ba gago gore bogologolo, seelo e ne ele mokgele kgotsa folaga e e neng e tseelwa kwa ntweng. E ne e thusa masole go itse kwa go phuthegelwang teng le se se ka dirwang. Balang mmogo Dithuto le Dikgolagano 45:9, mme buisanang ka ditsela tse efangele e ntseng jaaka mokgele. Bana ba gago ba ka itumelela go dira mokgele wa bone kgotsa folaga, go akaretsa ditshwantsho kgotsa mafoko a a supang maikutlo a bone ka ga Mmoloki.
Efangele e tshwana le mokgele, kgotsa bokopano kgotsa folaga.
Dithuto le Dikgolagano 45:44–45
Jeso Keresete o tlaa tla gape.
-
Tshenyego e e tlaa diragalang pele ga Go Tla ga Bobedi e ka tshosa bana. Go ba supegetsa Jeso Keresete go ka ba thusa go lebelela pele ka tumelo! Akanya go ba laletsa go akanya ka fa ba ikutlwang ka teng fa mongwe yo o kgethegileng a tla go eta, jaaka batsadi kgotsa tsala. Ba ipaakanyetsa jang go eta mo? Ke gone o ka ba bontsha senepe sa Mmoloki mme o bale Dithuto le Dikgolagano 45:44–45. Abelanang mongwe le mongwe ka fa le ikutlwang ka teng ka go tla ga Mmoloki.
-
Go thusa bana ba gago go itumelela go Tla ga Bobedi ga Mmoloki, o ka kwala mo pampiring dingwe tsa ditsholofetso tse di solofetsweng go tswa mo tsetlana 45 (bona, ka sekai, ditemana 44–45, 51–52, 55, 58–59, 66–71). Neela bana ba gago dipampiri mme o ba kope go tsholetsa seatla sa bone fa tsholofetso e ba e tshotseng e umakiwa jaaka o bala ditemana. Buisanang gore ditsholofetso tse di raya eng. Le gone o ka opela le bana ba gago pina ka ga Go Tla ga Bobedi ga Mmoloki, jaaka “When He Comes Again” (Children’s Songbook, 82–83).
Thusa bana go lemoga Mowa. Jaaka o ruta bana ba gago, ba bolele fa o utlwa Mowa o o Boitshepo. Bua ka fa o lemogang tlhotlheletso ya Gagwe. Sekai, o ka utlwa kagiso kgotsa boitumelo fa o opela pina ka ga Mmoloki.
Go bona megopolo e mengwe, bona kgatiso ya kgwedi e ya Friend makasine.
The Second Coming, ka Harry Anderson