The Camp Meeting, ka Worthington Whittredge

Motsheganong 12–18: “Batlang ka Tlhwaafalo Dineo tse di Molemo Bogolo”

Dithuto le Dikgolagano 46–48

Jaaka Parley P. Pratt, Oliver Cowdery, Ziba Peterson, le Peter Whitmer Jr. ba tlogetse Kirtland go tswelela ka go rera efangele, ba tlogetse maloko a masha a fetang 100 a Kereke ba ba neng ba le tlhaga mme maitemogelo kgotsa kaelo ya bone e le nnye. Ba ne ba sena dibuka tsa kaedi, go sena dikopano tsa go rutuntsha baeteledipele, go sena dikgaso tsa khonforense ya kakaretso—ka boammaaruri, ba ne ba sena dikgatiso tsa Buka ya ga Momone tse di lekaneng. Bontsi jwa badumedi ba basha ba ba gogetswe mo efangeleng e tsosolositsweng ke ditsholofetso tsa di ponatshego tse di gakgamatsang tsa Mowa, segolobogolo tseo tse di tlhalosiwang mo Kgolaganong e Ntšha (bona, ka sekai, 1 Bakorintha 12:1–11). Mme bontsi ba bona go le thata go lemoga diponatshego tsa boammaaruri tsa Mowa. Ya re go bona tlhakatlhakano, Joseph Smith a rapelela thuso. Karabo ya Morena e botlhokwa gompieno, fa batho gantsi ba itatola kgotsa ba itlhokomolosa dilo tsa Mowa. O rurifatsa gore diponatshego tsa semowa di nnete. Le gone o rurifaditse tse e leng sone: dineo go tswa go Rara wa Legodimo, “di neetswe go thusa bao ba ba [Mo] ratang le go tshegetsa tsotlhe ditaelo tsa [Gagwe], mme le ene yo o senkang go dira jalo” (Dithuto le Dikgolagano 46:9).

Megopolo ya go Ithuta kwa Gae le kwa Kerekeng

Dithuto le Dikgolagano 46:1–7

Mmoloki o amogela botlhe ba ba batlang go obamela mo Kerekeng ya Gagwe.

A o akanya gore ditsala tsa gago le batho ba baagisanyi ba gago ba ikutlwa ba amogelesega kwa ditirelong tsa kobamelo tsa wate ya gago? O dira eng gore dikopano tsa Kereke di nne mafelo a batho ba batlang go boela teng? Tlhatlhanya ka fa o ka diragatsang kgakololo ya Morena mo Dithuto le Dikgolagano 46:1–7 (bona le gone 2 Nefi 26:24–28; 3 Nefi 18:22–23).

Le gone o ka akanya ka nako ya fa o tsene tirelo ya Kereke—kgotsa bokopano jwa setlhopha se sengwe—e le lantlha. Batho ba dirileng go go thusa go amogelesega?

Bona le gone Moroni 6:5–9; “’Tis Sweet to Sing the Matchless Love,” Hymns, no. 177; “Welcome” (video), Gospel Library.

Welcome | Comeuntochrist.org

Welcome to a community where everyone is trying to live as Jesus taught. Come and see what we believe at comeuntochrist.org

Dithuto le Dikgolagano 46:7–33

Rara wa Legodimo o neela dineo tsa semowa go segofatsa ba bangwe.

Baitshepi ba pele ba ne ba dumela mo dineong tsa semowa mme ba ne ba tlhoka thuso go di lemoga le go tlhaloganya maikaelelo a tsone. Jaaka o ithutuntsha ka dineo tsa Mowa mo Dithuto le Dikgolagano 46:7–33, tlhatlhanya ka maikaelelo “gore ke [eng] di neetswe” (temana 8). O ithuta eng ka Modimo—moneedi wa dineo tseo?

A o ka akanya ka dikai tse o di boneng tsa batho ba dirisa tse kgotsa dineo tse dingwe tsa semowa? Di “thusa jang … bana ba Modimo”? (temana 26). Le gone o ka bona gore a o ka lemoga dikai tse di farologayeng tsa dineo tsa semowa mo dikwalong tse di boitshepo jaaka tse: 1 Dikgosi 3:5–15; Daniele 2:26–30; Ditiro 3:1–8; Helamane 5:17–19; Momone 1:1–5; Ethere 3:1–15; Dithuto le Dikgolagano 6:10–12; Moše 7:13.

Go ithutuntsha ka dineo tsa semowa go ka go gogela go tlhatlhanya dineo tse Modimo a di go neetseng. O ka dirisa jang dineo tse go segofatsa bana ba Gagwe? Fa o na le tshegofatso ya bopatiriaka, e ka tswa e kaya dineo tse o di neetsweng. Go bala molaetsa wa ga Mogolwane John C. Pingree Jr. “I Have a Work for Thee” go ka bulela tlhaloganyo ya gago dineo tse o iseng o akanye ka tsone (Liahona, Nov. 2017, 32–35).

Fa o batla go ithuta ka go godisa dineo tsa semowa, tshwantshiso e e kwa tshimologong ya molaetsa wa ga Mogolwane Juan Pablo Villar “Exercising Our Spiritual Muscles” e ka go thusa (Liahona, May 2019, 95). Ke “ditiragatso” dife tse di ka go thusang go godisa dineo tsa gago tsa semowa?

Bona le gone Topics and Questions, “Holy Ghost,” Gospel Library.

Dithuto le Dikgolagano 47

Morena o batla Kereke ya Gagwe e tshegetse ditso.

Pitso ya ga John Whitmer ya go boloka ditso tsa Kereke e tsweledisitse ditso tse ditelele tsa baboloki ba dikitso mo gare ga batho ba Modimo. Ke eng o akanya gore go boloka ditso go botlhokwa mo Moreneng? Tlhatlhanya se jaaka o bala tsetlana 47 le ditaelo tse di tshwanang mo 2 Nefi 29:11–12; Moše 6:5; Aborahame 1:28, 31. O akanya gore Morena o batla o gatisa eng ka botshelo jwa gago?

Mo FamilySearch, o ka gatisa segopotso le maitemogelo go tswa mo botshelong jwa gago—le matshelo a bagologolo ba gago (bona FamilySearch.org).

Bona Henry B. Eyring, “O Remember, Remember,” Liahona, Nov. 2007, 66–69.

John Whitmer

Dithuto le Dikgolagano 47

Mowa o o Boitshepo o ka nkaela jaaka ke diragatsa pitso ya me.

Gongwe o ka itshwantshanya le John Whitmer ka fa a ikutlwileng ka teng fa a batla go tshepisiwa gore pitso ya Gagwe e tswa ko Modimong. Morena o ne a reng mo Dithuto le Dikgolagano 47 go John Whitmer—le wena—go tlhotlheletsa boikanyo mo go diragatseng dipitso tse a di nayang?

Maikarabelo a moruti. Go ruta go feta thata go naya molaetsa. Go akaretsa go dira seemo se maloko a tlelase a ka ithutang le go lemoga boammaaruri ka bo bone le go abelana se ba se ithutileng le mongwe le mongwe (bona Teaching in the Savior’s Way, 26).

Megopolo ya Go Ruta Bana

Dithuto le Dikgolagano 46:2–6

Ke ka thusa ba bangwe go ikutlwa ba amogelesega kwa kerekeng.

• Morago ga go bala Dithuto le Dikgolagano 46:5 le bana ba gago, bua ka fa Mmoloki a batlang batho ba ikutlwa ka teng fa ba tla kwa Kerekeng ya Gagwe. Laletsa bana ba gago go akanya gore ba bone mongwe kwa kerekeng e le lantlha. Ba thuse go diragatsa ditsela tse ba ka thusang motho o go utlwa a amogelesega.

Dithuto le Dikgolagano 46:7–26

Rara wa Legodimo o nneela dineo tsa semowa go segofatsa ba bangwe.

• Go thusa bana ba gago go ithuta ka ga dineo tsa semowa tse di tlhalositsweng mo Dithuto le Dikgolagano 46:13–26, akanya mogopolo o. O ka kwala dineo mo dipampiring mme o di fitlhe mo ntlong. Fa bana ba gago ba bona pampiri nngwe le nngwe, ba thuse go bona kwa neo eo e umakiwang teng mo tsetlana 46. ka ga neo nngwe le nngwe, bua le bone ka fa e dirisiwang ka teng go segofatsa ba bangwe (ditlhaloso mo “Kgaolo 20: Dineo tsa Semowa,” mo Dipolelo tsa Dithuto le Dikgolagano, 77–80, di ka thusa).

  Chapter 20: Gifts of the Spirit: 8•March 1831

• Bolelela bana ba gago ka ga dineo tse o akanyang gore Rara wa Legodimo o ba di neetse, le go ba letla gore ba bue ka dineo tse ba di lemogang mo go mongwe ka yo mongwe. Go ya ka Dithuto le Dikgolagano 46:8–9, 26, ke eng Rara wa Legodimo a re neela dineo tsa semowa? Re ka dirisa dineo tsa rona jang go thusa ba bangwe?

Dithuto le Dikgolagano 47:1, 3

Ke ka kwala ditso tsa me.

• Letla bana ba gago ba lemoge se Morena a neng a batla John Whitmer a se dira mo Dithuto le Dikgolagano 47:1, 3. Le gone le ka abelana dipolelo tse lo di ratang go tswa mo dikwalong tse di boitshepo. Supa gore re itse ka dipolelo tse gonne mongwe o di kwadile.

• Akanya ka fa o ka tlhotlheletsang bana ba gago go kwala ditso tsa bone. O ka abelana dikgatiso go tswa mo jenaleng ya gago kgotsa polelo ka ga mogologolo (bona FamilySearch.org kgotsa Memories app). O ka tlamela ditlhotlheletso dingwe tsa jenale, jaaka “Go diragetse eng beke e se o ka batlang kokomane ya me e se itse?” kgotsa “O bone jang seatla sa Morena mo botshelong jwa gago beke e?” Bana ba bannye ba ka tshwantsha ditshwantsho tsa maitemogelo a bone, kgotsa o ka ba gatisa ba bolela dipolelo tsa bone. Ke ditshegofatso dife tse di tswang mo go tshegetseng “ditso nako tsotlhe”? (Dithuto le Dikgolagano 47:1).

Dithuto le Dikgolagano 48:2–3

Ke ka thusa ba bangwe ka go abelana mo ke go neetsweng.

• Jaaka o bala Dithuto le Dikgolagano 48:2–3 le bana ba gago, o ka tlhoka go tlhalosa gore batho ba ne ba tla kwa Ohio go tswa Botlhaba, mme ba ne ba sena lefelo la bonno. Morena o ne a lopa Baitshepi go dira eng go thusa? Thusa bana ba gago go akanya ka dilo tse Modimo a di ba neetseng tse ba ka di abelanang le ba bangwe. Le gone o ka opela le bone pina jaaka “‘Give,’ Said the Little Stream” (Children’s Songbook, 236).

Go bona megopolo e mengwe, bona kgatiso ya kgwedi e ya Friend makasine.

Botlhe ba ba batlang go obamela Mmoloki ba a amogelesega mo dikopanong tsa Baitshepi ba Gagwe.