Moranang 28–Motsheganong 4: “Molao Wa Me go Laola Kereke Ya Me”

Dithuto le Dikgolagano 41–44

Kereke e ne ya gola ka bofefo ka 1830 le 1831. Segolo bogolo ka tshologelo ya maloko a maŝha mo Kirtland, Ohio. Kgolo ena e ne e kgatlha ebile e kgothatsa mo Baitsheping, mme le gone e ne ya tlisa dikgwetlho dingwe. O tshwaraganya jang setlhopha se se golang ka pela sa badumedi? Segolo bogolo, o dira eng fa ba tlisa dithuto le ditsamaiso go tswa kwa ditumelong tsa bone tsa pele? Sekai, fa Joseph Smith a goroga mo Kirtland go sale gale ka Tlhakole 1831, o fitlhetse maloko a maŝha ba tlhakanetse dithoto ka maiteko a nnete go kopa Bakeresete ba Kgolagano e Ntŝha (bona Ditiro 4:32–37). Morena o ne a dirile dipaakanyo dingwe tse di botlhokwa le ditlhaloso mo setlhogong se le tse dingwe. O dirile sena thata ka tshenolo e e kwadile mo Dithuto le Dikgolagano 42 eo A e biditseng “molao wa me go laola kereke ya me” (temana 59). Mo tshenolong ena, re ithuta boammaaruri jo bo leng botlhokwa mo go tlhomamiseng Kereke ya Morena mo malatsing a bofelo. Mme re ithuta gore re na le mo gontsi go go ithuta: “Fa o kopa,” Morena o solofeditse, “o tlaa amogela tshenolo mo tshenolong, kitso mo kitsong” (Dithuto le Dikgolagano 42:61).

Bona le gone Saints, 1:114–19.

Megopolo ya go Ithuta kwa Gae le kwa Kerekeng

Dithuto le Dikgolagano 41

“Ene yo o amogelang molao wa me a bo a o dira, ene yoo ke morutwana wa me.”

Gale ka 1831, Baitshepi ba ne ba simolola go phuthegela mo Ohio. Ba ne ba tlhoafaletse go amogela molao oo Modimo a neng a tshepisitse go o senola koo (bona Dithuto le Dikgolagano 38:32). Mme lantlha, O rutile ka fa barutwana ba Gagwe ba tshwanetseng go ipaakanyetsa go amogela molao wa Gagwe. Ke melawana efe e o e bonang mo Dithuto le Dikgolagano 41:1–6 e e ka bong e thusitse Baitshepi go amogela molao wa Modimo? Melawana ena e ka go thusa jang go amogela taolo go tswa mo go Ene?

Bona le gone “A Bishopo unto the Church,” mo Revelations in Context, 77–83.

Dithuto le Dikgolagano 42

Morena o mpha ditaelo ka gore O a nthata.

Baitshepi ba ne ba akanyetsa ka tshenolo e e bonwang mo Dithuto le Dikgolagano 42:1–72 e le nngwe ya tse di botlhokwa thata tse Moperofeti a di amogetse. E ne e le nngwe ya ditshenolo tsa ntlha tse di neng tsa anamisiwa. Dingwaga tse dintsi, Baitshepi ba ne ba bitsa “molao” fela. Le fa kgaolo e e sa akaretse ditaelo tsotlhe tsa Morena kgotsa melao, go botlhokwa go tlhatlhanya gore keng melawana ena e ne e le botlhokwa mo kerekeng e ntšha e tsosolositsweng. Ke ka ntlha ya eng di le botlhokwa mo go rona gompieno?

Gonne kgaolo 42 e telele fela thata, o ka akanyetsa go e ithuthuntsha ka dikarolo tse dinnye, jaaka tse di latelang. Batla melawana e e rutiwang mo go nngwe le nngwe, mme o akanyetse ka fa melao ena e leng tshupo ya lorato lwa Morena mo bathong ba Gagwe.

• Ditemana 4– 9, 11–, 56– 58

• Ditemana 18–29

• Ditemana 30–31

• Ditemana 40–42

• Ditemana 43–52

Ke eng Morena a re fa melao le ditaelo? Ke ka ditsela dife o segofaditsweng ka go itse le go sala morago ditaelo?

Dithuto le Dikgolagano 42:30–42

“Gakologelwang batlhoki.”

Jaaka karolo ya molao o o senotsweng mo kgaolo 42, Morena o rutile Baitshepi ba Gagwe ka fa ba ka, jaaka baletedi ba ga Keresete ba bogologolo, ba ne ba “tlhakanetse dilo tsotlhe” (Ditiro 2:44; 4 Nefi 1:3), go “sena bahumanegi mo gare ga bone” (Mošhe 7:18). O ithuta eng mo Dithuto le Dikgolagano 42:30–42 mabapi le ka fa Baitshepi ba neng ba tshela ka molao wa tshwaelo? (Go tshwaela go raya go beela sengwe fa thoko ka ntlha ya boikaelelo jo bo boitshepo.)

Le fa re sa “tlhakanela dilo tsotlhe” gompieno, mo ditempeleng Baitshepi ba malatsi a bofelo ba golagana go tshela molao wa tshwaelo. O ka tshwaela jang se Modimo a se go fileng go segofatsa batho ba ba tlhokang? Gongwe go opela pina e tshwanang “Because I Have Been Given Much” (Hymns, no. 219) go ka go fa megopolo.

Bona le gone Sharon Eubank, “I Pray He’ll Use Us,” Liahona, Nov. 2021, 53–56; “The Law,” mo Revelations in Context, 93–95.

Christ and the Rich Young Rulerka Heinrich Hoffmann

Dithuto le Dikgolagano 42:61, 65–68; 43:1–16

Modimo o neela tshenolo go kaela Kereke ya Gagwe—le go nkaela.

Akanyetsa gore o buisana le leloko le lesha la Kereke yo o itumedisiwang ke gore Kereke e kaelwa ka tshenolo. O ka dirisa jang Dithuto le Dikgolagano 43:1–16 go mo thusa go ithuta ka sekao sa Morena sa go kaela Kereke ya Gagwe ka moperofeti wa Gagwe? O ka dirisa jang Dithuto le Dikgolagano 42:61, 65–68 go ruta ka go amogela tshenolo ya motho?

Ke dife dingwe tsa “dilo tsa kagiso” le dilo tsa boitumelo tse o di amogetseng go tswa mo Moreneng ka Mowa wa Gagwe?

Go ithuta mabapi le ka fa baeteledipele ba Kereke ba utlwileng lentswe la Morena ka teng, o ka lebelela e nngwe ya ditshwantsho tsa motshikinyego mo “Hear Him” kgobokanyo mo Motlobong wa Efangele. Akanyetsa ka go dira setshwantsho sa motshikinyego sa gago, o tlhalosa ka fa Morena a buisanang le wena ka teng.

Bona le gone Russell M. Nelson, “Revelation for the Church, Revelation for Our Lives,” Liahona, May 2018, 93–96; “All Things Must Be Done in Order,” in Revelations in Context, 50–53.

Dirisa dithuto tsa di dirisiwa. Go dirisa di dirisiwa go tlhalosa thuto go ka thusa batho ba o ba rutang go tlhaloganya boammaaruri jwa efangele botoka le go gakologelwa ka lobaka. Sekai, o ka dirisa malepa, kgobokanya kapetlana ka kapetlana, go ruta ka go amogela “tshenolo mo tshenolong, kitso mo kitsong” (Dithuto le Dikgolagano 42:61).

Megopolo ya go Ruta Bana

Dithuto le Dikgolagano 41:5

Morutwana ke mongwe yo o amogelang molao wa Modimo a bo a o obamela.

• Go thusa bana ba gago go itse gore go raya eng go nna morutwana wa ga Jeso Keresete, o ka kwala Dithuto le Dikgolagano 41:5 mo pampitshaneng, o tlogela dipatlha fa lefoko morutwana le tshwanetseng go nna teng. Ke gone ba ka leba temana 5 ka ga lefoko le le seong. Go yeng ka temana ena, go raya eng go nna morutwana wa ga Jeso Keresete? Re leka jang go nna barutwana ba ba botoka ba ga Keresete?

Dithuto le Dikgolagano 42:2

Ke a itumela fa ke obamela Morena.

• Bana ba gago ba ka itumela go tshameka motshameko o o tlhokang gore ba reetse ka kelelelo le go sala ditaolo morago. O ka dirisa motshameko ona go bua ka ga gore go raya eng go “reetsa le go utlwa le go obamela” Morena (Dithuto le Dikgolagano 42:2). O re file ditaolo dife? Re segofadiwa jang ka go obamela melao ya Gagwe le ditaelo?

• O ka feleletsa tsebe ya tiro ya beke e le bana ba gago. Le gone o ka opela pina ka go obamela melao ya Modimo, sekai “I Want to Live the Gospel” (Children’s Songbook, 148). Akanyetsa go abelelana ka fa go obamela melao ya Modimo go go tliseditseng boitumelo.

  

Dithuto le Dikgolagano 42:38

Ke direla Jeso Keresete fa ke direla ba bangwe.

• Morago ga lo sena go bala mmogo Dithuto le Dikgolagano 42:38, thusa bana ba gago go akanya ka ditsela tse ba ka direlang Jeso ka go direla ba bangwe. Ba ka bona megopolo mengwe go tswa mo setshwantsho sa motsikinyego “Pass It On” (ChurchofJesusChrist.org). Le gone ba ka lebelela ditshwantsho tsa Mmoloki a thusa ba bangwe, a fodisa balwetse, kgotsa go nna pelonomi mo baneng (bona Gospel Art Book, nos. 42, 47).

  Pass It On

  Children around the world have taken President Thomas S. Monson's counsel to find a way to serve others.

  

• O ka bontsha bana ba gago pampitshana ya ditsalesome le ditshupelo tse dingwe mme o bue mabapi le ka fa o ka e dirisang ka teng go neela se re nang le sone go segofatsa ba bangwe (bona le gone “Tithing and Donations Online”).

Dithuto le Dikgolagano 43:1–7

Ke moperofeti fela yo o ka amogelang tshenolo ya Kereke ka bophara.

• Laletsa bana ba gago go akanya gore mongwe o ema mo bokopanong jwa bopaki mme a bolelela wate gore o amogetse tshenolo ya Kereke ka bophara (sekai, tshenolo ya gore re seka ra tlhola re ja dikherote kgotsa gore re tshwanetse go tlhapa diatla tsa rona ka maši mo boemong jwa metsi.) A re re tshwanetse go reetsa se a se buang mo boemong jwa moperofeti. Phoso e ka nna efe ka seo? Ke gone lo ka ithutuntshang Dithuto le Dikgolagano 43:1–7 mmogo go bona ka fa Morena a neelang ditaelo tsa Kereke ya Gagwe.

• Le gone o ka supa setshwantsho sa moperofeti yo o tshelang mme wa laletsa bana ba gago go abelana sengwe se a se rutileng bosheng. Fa ba tlhoka thuso, abelana setshwantsho sa motshikinyego se se khutshwane kgotsa bontlha jwa mokwalo go tswa mo molaetseng wa khonferense ya kakaretso ya bosheng. Ke eng e le tshegofatso go nna le moperofeti yo o tshelang gompieno?

Ka ga megopolo e mentsi, bona kgatiso ya kgwedi e ya Friend makasine.

Joseph Smith a Rera, ka Sam Lawlor