Motsheganong 19–25: “Seo se e Leng sa Modimo ke Lesedi”

Dithuto le Dikgologano 49–50

Mmoloki ke “modisa o molemo” wa rona (Dithuto le Dikgolagano 50:44). O itse gore nako tse dingwe dinku di a timela le gore naga e na le diphatsai tse dintsi. Ka jalo ka lorato o re gogela mo pabalesegong ya dithuto tsa Gagwe. O re goga go tswa mo diphatseng jaaka “mewa e e seng yone, e e tsileng mo lefatsheng, e tsietsa lefatshe” (Dithuto le Dikgolagano 50:2). Go mo sala morago gantsi go raya go tlogela megopolo e e seng yone kgotsa dingwao. Se se ne se le boammaaruri ka Leman Copley le ba bangwe mo Ohio. Ba ne ba amogetse efangele e e tsosolositsweng mme ba santse ba tshegeditse ditumelo dingwe tse di neng di sa siama. Mo Dithuto le Dikgolagano 49, Morena a bolela boammaaruri jo bo baakantseng ditumelo tsa pele tsa ga Leman ka ga ditlhogo jaaka lenyalo le Go Tla ga Bobedi ga Mmoloki. Mme fa basokologi ba Ohio ba “amogela … mewa e ba neng [ba] sa e tlhaloganye,” Morena a ba ruta ka fa ba ka lemogang ka teng diponatshegelo tsa boammaaruri tsa Mowa (Dithuto le Dikgolagano 50:15). Modisa o Molemo o pelotelele le rona, “bana ba bannye” ba Gagwe, bao ba “tshwanetseng go gola mo matlhogonolong le mo kitsong ya boammaaruri” (Dithuto le Dikgolagano 50:40).

Megopolo ya go Ithuta kwa Gae le kwa Kerekeng

Dithuto le Dikgolagano 49; 50:24

Jeso Keresete o batla ke amogela boammaaruri jwa efangele ya Gagwe.

Pele ga a tsena Kereke, Leman Copley e ne e le karolo ya mokgatlho wa sedumedi yo o neng o itsege e le United Society of Believers in Christ’s Second Appearing, gape o itsewe jaaka Shakers. Morago ga go nna le puisano le Leman, Joseph Smith a batla go senolelwa ke Morena ka ga dingwe tsa dithuto tsa di Shakers. Morena a fetola ka tshenolo e mo tsetlana 49. Dingwe tsa ditumelo tsa di Shakers di umakilwe mo setlhogong sa tsetlana.

Morena o rutile eng mo tsetlana 49 go baakanya ditumelo tsa di Shakers? Ke bosupi bofe jo o bo bonang mo tshenolong e ka lorato lwa Gagwe le go kgathalela batho ba ba senang botlalo jwa boammaaruri ja Gagwe? O ka ba otlologela jang ka lorato le go kgathala?

O kgatlhiwa ke eng ka maitemogelo a Morena mo temana 2? O ka tshwantshanya se le se se diragalang fa o lebelela karolo fela ya filimi, o bona kabetlana ya lelepa, kgotsa utlwa letlhakore le le lenngwe la kgang. Tlhagiso ya Morena e amana jang le Dithuto le Dikgolagano 50:24? Akanya ka se o se dirang go amogela lesedi le le ntsi go tswa mo go Morena.

Bona gape “Leman Copley and the Shakers,” mo Revelations in Context, 117–21.

Dithuto le Dikgolagano 49:15–17

Lenyalo gareng ga monna le mosadi le botlhokwa mo togamaanong ya Modimo.

Mo maitekong a go nyenyafatsa togamano ya ga Rara wa Legodimo, Satane o batla go tsenya tsietsego ka ga lenyalo. Morena, mo letlhakoreng le lengwe, o tswelela ka go senola boammaaruri ka ga lenyalo ka baperofeti ba Gagwe. O ka bona bongwe jwa boammaaruri jo mo Dithuto le Dikgolagano 49:15–17; Genesise 2:20–24; 1 Bakorintha 11:11; le “Lelwapa: Kanamiso go Lefatshe.” Dira nankolo ya boammaaruri jo o bo bonang. Ke eng lenyalo le le botlhokwa mo togamaanong ya Modimo?

Mogolwane Ulisses Soares o rutile gore “efangele ya ga Jeso Keresete e e tsosolositsweng e bolela melawana ya bokopano ka botlalo fa gare ga mosadi le monna, gotlhe mo botshelong jo le mo bosakhutleng” (“In Partnership with the Lord,” Liahona, Nov. 2022, 42). O ka ithutuntsha molaetsa wa gagwe, o batla melawana “e e nonotshang bokopano ma gare ga monna le mosadi.” O ka diragatsa jang melawana e mo botshelong jwa gago? Fa mongwe wa tumelo e sele a ka go botsa gore ke eng lenyalo le le botlhokwa, o ka araba o reng? Ke eng o lebogela go tlhaloganya mo?

Bona le gone Topics and Questions, “Marriage,” “Family,” Gospel Library; David A. Bednar, “Marriage Is Essential to His Eternal Plan,” Ensign, June 2006, 83–84; “Renaissance of Marriage” (video), Gospel Library.

Renaissance of Marriage

Hear what President Eyring says we all must do to have a renaissance of happy marriages and productive families.

O rekegele diemo tsa batho. Fa boitumelo mo lenyalong le botshelo jwa lelwapa e le tsone tse di eletsegang mo efangeleng ya ga Jeso Keresete, ga se rotlhe ba re amogelang ditshegofatso tse re sa le mo lefatsheng. Mo puisanong ya setlhogo se, rekegela diemo tse di farologanyeng tsa batho le malwapa, segolobogolo batho ba letileng ka bopelotelele mo Moreneng ditsholofetso tsa bosakhutleng go diragadiwa (bona Dithuto le Dikgolagano 98:1–3).

Dithuto le Dikgolagano 50

Dithuto tsa Morena di ka ntshireletsa mo ditsietsong tsa ga Satane.

Maloko a masha a Kereke mo Ohio ba ne ba emetse ka tlhwaafalo go amogela diponatshegelo tsa semowa tse di solofeditsweng mo dikwalong tse di boitshepo. Satane, le fa gontse jalo, o ne a tlhwaafaletse go ba tsietsa. Fa o ne o kopiwa go thusa maloko a go tlhaloganya ka fa o ka lemogang diponatshegelo tsa baoammaaruri tsa Mowa o o Boitshepo, ke melawana efe mo Dithuto le Dikgolagano 50 e o ka e abelanang? (bona segolobogolo ditemana 22–25, 29–34, 40–46). Mmoloki o go thusitse jang go itse pharologanyo ma gareng ga boammaaruri le phoso?

Bona le gone 1 Bakorintha 14:1–28; 2 Timotheo 3:13–17.

Dithuto le Dikgolagano 50:13–24

Baruti le baithuti mmogo ba nonoshiwa ke Mowa.

Go tshela efangele ya ga Jeso Keresete go etleetsa ditshono tse dintsi go nna baruti le baithuti, gotlhe kwa gae le kwa Kerekeng. Tsela nngwe e o ka ithutuntshang Dithuto le Dikgolagano 50:13–24 ke go tshwantsha setshwantsho sa moruti le moithuti. Go bapa, nankola mafoko le diele go tswa mo ditemaneng tse tse di go rutang sengwe ka ga go ithuta le go ruta efangele. O nnile leng le maitemogelo a a go rutileng botlhokwa jwa Mowa mo go ruteng le go ithuta? Akanya ka se o ka se dirang go tokafatsa maiteko a gago jaaka moithuti le moruti wa efangele.

Dithuto le Dikgolagano 50:23–25

“Seo se e Leng sa Modimo ke Lesedi.”

Jaaka o tlhatlhanya mafoko a Mmoloki mo Dithuto le Dikgolagano 50:23–25, akanya ka fa o amogelang lesedi la Modimo ka teng mo botshelong jwa gago le ka fa o ka “lelekang lefifi” ka teng. Ka sekai, ditemana tse di kaela jang ditshwetso tsa gago ka fa o dirisang nako ya gago ka teng? O batla itloso bodutu le kgaso tse di ntseng jang? dipuisanyo dife tse o ka di tsenelelang? Ke ditshwetso dife tse dingwe tse ditemana tse di ka go thusang ka tsone? Sefela jaaka “The Lord Is My Light” (Hymns, no. 89) se ka tlhotlheletsa dikakanyo tse dingwe.

Bona le gone “Walk in God’s light,” For the Strength of Youth: A Guide for Making Choices, 16–21.

Megopolo ya Go Ruta Bana

Dithuto le Dikgolagano 49:12–14

Nka sala Jeso Keresete morago.

• Go ruta bana ba gago melawana e mo ditemaneng tse, o ka baakanya dipampiri tse nne tsa motlhala le dipampiri tse nne tse di emetseng tumelo mo go Jeso Keresete, boikotlhao, kolobetso, le go amogela Mowa o o Boitshepo (bona ditshwantsho tsa beke e mo tsebe ya tiragatso). Bana ba gago ba ka baya motlha fa fatshe le ditshwantsho fa thoko ga tsone. Ke gone ba ka sutelana ka go tsamaya mo motlhaleng fa wena o ntse o bala Dithuto le Dikgolagano 49:12–14. Ba thuse go tlhaloganya gore fa re dira dilo tse di mo ditshwantshong tse, re sala Jeso Keresete morago.

• Le gone o ka laletsa bana ba gago go tshwantshanya Dithuto le Dikgolagano 49:12–14 le Ditiro 2:38 gape le molawana wa tumelo wa bone. Ba bona eng se se tshwanang? Ke eng boammaaruri jo bo le botlhokwa?

Dithuto le Dikgolagano 49:15–17

Lenyalo gareng ga monna le mosadi le botlhokwa thata mo togamaanong ya Modimo.

• Go simolodisa ditemana tse, o ka tlhalosa gore Shakers e ne le mokgatlho wa bodumedi o o neng o dumela gore batho ga ba a tshwanela go nyalana (bona ditlhogo tsa di tsetlana mo Dithuto le Dikgolagano 49). Laletsa bana ba gago go batla dilo tse Morena a di rutileng ka ga lenyalo mo Dithuto le Dikgolagano 49:15–17. Go raya eng gore “lenyalo le tlhomilwe ke Modimo”? Gongwe lo ka bala mmogo ditemana tse tharo tsa ntlha tsa “Lelwapa: Kanamisi go Lefatshe.” Ke gone buang gore ke eng lenyalo le lelwapa di le botlhokwa mo go Rara wa Legodimo.

Dithuto le Dikgolagano 50:23–25

“Seo se e Leng sa Modimo ke Lesedi.”

• Go simolodisa Dithuto le Dikgolagano 50:23–25, bua le bana ba gago ka ga pharologanyo ma gareng ga lesedi le lefifi. Ke eng re tlhoka lesedi? Le ka bala mmogo temana ya ntlha ya “Walk in God’s light” mo For the Strength of Youth: A Guide for Making Choices (tsebe 17) le Dithuto le Dikgolagano 50:23–25. Buang ka ditsela tse re ka amogela lesedi la Modimo le ditsela tse re ka lelekang lefifi. ke gone le ka opela mmogo pina ka ga lesedi la bone la semowa, jaaka “Shine On” (Children’s Songbook, 144).

Dithuto le Dikgolagano 50:40–46

Jeso Keresete ke Modisa wa me yo o Molemo.

• Morago ga go bala Dithuto le Dikgolagano 50:40–46 mmogo, o ka supa setshwantsho sa Mmoloki kwa bokhutlong jwa kgatiso e le go botsa dipotso jaaka tse: Modisa o ikutlwa jang ka dinku tsa Gagwe? Mmoloki o tshwana jang le modisa mo go rona?

Go bona megopolo e mengwe, bona kgatiso ya kgwedi e ya Friend makasine.

Gentle Shepherd, ka Yongsung Kim