“Kɔtɔnima 12–18: ‘Momfa Anibere Nhwehwɛ Akyɛdeɛ Papa Pa Ara no’: Nkyerɛkyerɛ ne Apam 46–48,” Bra, Di M’akyi—De ma Efie ne Asɔre: Nkyerɛkyerɛ ne Apam 2025 (2025)
“Nkyerɛkyerɛ ne Apam 46–48,” Bra, Di M’akyi—De ma Efie ne Asɔre: 2025
Agyidifoɔ Nhyiamu no, ɛfiri Worthington Whittredge hɔ
Kɔtɔnima 12–18: “Momfa Anibereɛ Nhwehwɛ Akyɛdeɛ Papa Pa Ara no”
Nkyerɛkyerɛ ne Apam 46–48
Berɛ a Parley P. Pratt, Oliver Cowdery, Ziba Peterson, ne Peter Whitmer Jr. firii Kirtland na wɔkɔtoaa asɛmpa no ka soɔ no, wɔgyaa Asɔremma afoforɔ boro 100 a na wɔwɔ ɔpɛ pii nanso suahunu anaasɛ akwankyerɛ kakraa bi. Na wɔnni akwankyerɛ nwoma biara, akannie nteteɛ nhyiamu biara, amansan nhyiamu dawubɔ biara—nokorɛ mu, mpo na wɔnni Mormon Nwoma no dodoɔ a wɔde bɛkyinkyini. Na agyidifoɔ afoforɔ no mu dodoɔ no abɛhunu asɛmpa a asan aba no ɛnam bɔhyɛ nwanwasoɔ a na Honhom no akyerɛ wɔn, nkanka deɛ wɔaka ho asɛm wɔ Apam Foforɔ mu no (sɛ nhɛsoɔ no, hwɛ, 1 Korintofoɔ 12:1–11). Nanso na ɛyɛ den ma dodoɔ no sɛ wɔbɛhunu nokorɛ a Honhom no kyerɛ. Joseph Smith hunuu anisotan no, ɔbɔɔ mpaeɛ maa wɔn. Awurade mmuaeɛ di mu ɛnnɛ, berɛ a nnipa taa po anaasɛ bu wɔn ani gu nneɛma a ɛfiri Honhom no so. Ɔsii so dua sɛ honhom mu yikyerɛ yɛ kann. Ɔsan kyerɛɛ mu deɛ wɔteɛ: akyɛdeɛ a ɛfiri Ɔsoro Agya bi hɔ, “a ɔde ma wɔ wɔn a wɔdɔ [No] na wɔdi [Ne] mmaransɛm nyinaa so, ne deɛ ɔhwehwɛ sɛ ɔyɛ saa mfasoɔ nti” (Nkyerɛkyerɛ ne Apam 46:9).
Nsusuiɛ ma Adesua wɔ Efie ne Asɔre
Agyenkwa no gye obiara a ɔpɛ sɛ ɔsom wɔ N’Asɔre mu.
Mote nka sɛ mo nnamfonom ne nnipa a wɔwɔ mo borɔno so anigyeɛ wɔ wo wɔɔdo som mu? Deɛn na moreyɛ ama mo Asɔre nhyiamu ayɛ mmeaeɛ a nnipa pɛ sɛ wɔsan ba hɔ bio? Dwene ho sɛdeɛ wobɛtumi de Awurade afotuo adi dwuma Nkyerɛkyerɛ ne Apam 46:1–7 (san hwɛ 2 Nephi 26:24–28; 3 Nephi 18:22–23).
Wobɛtumi nso adwene berɛ bi a wokɔɔ Asɔre—anaasɛ kuo foforɔ bi nhyiamu—berɛ a ɛdi kan ho. Deɛn na nkorɔfoɔ yɛeɛ a ɛboa maa w’ani gyeeɛ?
San hwɛ Moroni 6:5–9; “’Tis Sweet to Sing the Matchless Love,” Nnwom, a ɛtɔ so 177; “Akwaaba” (sini), Asɛmpa nwoma Akoraeɛ.
Welcome | Comeuntochrist.org
Welcome to a community where everyone is trying to live as Jesus taught. Come and see what we believe at comeuntochrist.org
Ɔsoro Agya ma me honhom mu akyɛdeɛ de hyira afoforɔ.
Ahotefoɔ a wɔdii kan no gyee honhom mu akyɛdeɛ dii, nanso na wɔhia mmoa a ɛbɛma wɔahunu wɔn na wɔate wɔn botaeɛ ase. Berɛ a wosua fa Honhom no akyɛdeɛ ho wɔ Nkyerɛkyerɛ ne Apam 46:7–33, dwene botaeɛ “nti a wɔde [wɔn] ma ho” (nkyekyɛmu 8). Deɛn na wosua fa Onyankopɔn—saa akyɛdeɛ yeinom mafoɔ no ho?
Wobɛtumi akae nhwɛsoɔ bi a woahunu sɛ nkorɔfoɔ de yeinom anaasɛ honhom mu akyɛdeɛ afoforɔ di dwuma? Sɛn na “ɛboaa … Onyankopɔn mma”? (nkyekyɛmu 26). Wobɛtumi nso ahwɛ sɛ wobɛhunu honhom mu akyɛdeɛ nsonoeɛ nhwɛsoɔ wɔ twerɛnsɛm te sɛ yeinom mu: 1 Ahemfo 3:5–15; Daniel 2:26–30; Asomafoɔ Nnwuma 3:1–8; Helaman 5:17–19; Mormon 1:1–5; Ether 3:1–15; Nkyerɛkyerɛ ne Apam 6:10–12; Moses 7:13.
W’adesua fa honhom mu akyɛdeɛ ho bɛtumi ama woadwene akyɛdeɛ korɔ a Onyankopɔn de ama wo ho. Sɛn na wobɛtumi de saa akyɛdeɛ yeinom ayɛ adwuma ma ahyira Ne mma? Sɛ wowɔ agya panin nhyira a, ɛbɛtumi akyerɛ akyɛdeɛ a wɔde ama wo. Worekenkan Elder John C. Pingree Jr. nkrasɛm “Mewɔ Adwuma bi ma Wo” nso bɛtumi abue w’adwene mu akɔ akyɛdeɛ a wonnwenee ho so (Liahona, Obubuo 2017, 32–35).
Sɛ wopɛ sɛ wosua bebree fa sɛdeɛ wobɛnya honhom mu akyɛdeɛ ho a, mfatoho a ɛwɔ Elder Juan Pablo Villar nkrasɛm “Yɛde Yɛn Honhom mu Ahoɔden Reyɛ Adwuma” mfitiaseɛ no bɛtumi aboa (Liahona, Kɔtɔnimma 2019, 95). Deɛn “nnwumadie” na ɛbɛtumi aboa ma wo honhom mu akyɛdeɛ anyini?
San hwɛ Tinsɛm ne Nsɛmmisa, “Sunsum Kronkron,” Asɛmpa nwoam Akoraeɛ.
Awurade pɛ sɛ N’Asɔre kora abakɔsɛm.
John Whitmer frɛ sɛ ɔnkora Asɔre no abakɔsɛm toaa twerɛtohɔ akorafoɔ wɔ Onyankopɔn nkorɔfoɔ ntam amammerɛ tenten so. Wodwene sɛ deɛn nti na worekora abakɔsɛm ho hia yie ma Awurade? Dwene yei ho berɛ a wokenkan ɔfa 47 ne nkyerɛkyerɛ a ɛtete saa wɔ 2 Nephi 29:11–12; Moses 6:5; Abraham 1:28, 31. Deɛn na wote nka sɛ Awurade pɛ sɛ wotwerɛ to hɔ fa w’abrabɔ ho?
Wobɛtumi atwerɛ nneɛma a wokae ne suahunu wɔ w’abrabɔ—ne wo nananom abrabɔ mu wɔ FamilySearch (hwɛ FamilySearch.org).
Hwɛ Henry B. Eyring, “O Kae, Kae,” Liahona, Obubuo 2007, 66–69.
John Whitmer
Sunsum Kronkron no bɛtumi akyerɛ me kwan berɛ a mehyɛ me frɛ ma.
Ebia wobɛtumi de atoto atenka a John Whitmer nyaae berɛ a na ɔpɛ sɛ ɔnya ahotosoɔ sɛ ne frɛ no firi Onyankopɔn. Deɛn na Awurade kaae wɔ Nkyerɛkyerɛ ne Apam 47 kyerɛɛ John Whitmer—ne wo—a ɛbɛhyɛ nkuran wɔ mahyɛ wɔ ɔfrɛ a Ɔma mu?
Ɔkyerɛkyerɛni adwuma. Ɛnyɛ adekyerɛ ara ne sɛ wode nsɛm rema. Deɛ ɛka ho ne sɛ worema beaeɛ bi ayɛ baabi a asuafoɔ bɛtumi asua adeɛ na wɔahunu nokorɛ ama wɔn ho, na wɔne wɔn ho akyekyɛ deɛ wɔasua (hwɛ Worekyerɛ adeɛ wɔ Agyenkwa no Kwan so, 26).
Nsusuiɛ ma Nkwadaa Adekyerɛ
Mɛtumi aboa ma afoforɔ ani agye wɔ asɔre.
-
Wo ne wo mma kenkan Nkyerɛkyerɛ ne Apam 46:5 wie a, monkasa mfa atenka a Agyenkwa no pɛ sɛ nkorɔfoɔ nya berɛ a wɔba N’Asɔre ho. Ma wo mma nsusu sɛ wɔhunuu obi wɔ asɔre berɛ a ɛdi kan. Boa wɔn ma wɔnsua akwan a wɔbɛfa so aboa ma saa onipa yi ani agye.
Ɔsoro Agya ma me honhom mu akyɛdeɛ sɛdeɛ mede bɛboa afoforɔ.
-
Sɛdeɛ ɛbɛboa ma wo mma asua afa honhom mu akyɛdeɛ a wɔaka ho asɛm wɔ Nkyerɛkyerɛ ne Apam 46:13–26, dwene saa nsusuiɛ yi ho. Wobɛtumi atwerɛ twerɛ akyɛdeɛ wɔ nkrataa asinasin so na wode asie wɔ dan no mu. Sɛ wo mma no hunu krataa biara a, boa wɔn ma wɔnhunu baabi a wɔbɔ saa akyɛdeɛ no din wɔ ɔfa 46. Akyɛdeɛ biara, wo ne wɔn nkasa mfa sɛdeɛ wɔde boa afoforɔ ho (nkyerɛkyerɛmu a ɛwɔ “Ti 20: Honhom no Akyɛdeɛ,” wɔ Nkyerɛkyerɛ ne Apam Abasɛm mu, 77–80, bɛtumi aboa).
2:19Chapter 20: Gifts of the Spirit: 8•March 1831
-
Ka akyɛdeɛ a wote nka sɛ Ɔsoro Agya de ama wo mma kyerɛ wɔn, na ma wɔnkasa mfa akyɛdeɛ a wɔhunu no wɔn ho wɔn ho mu ho. Deɛn na Nkyerɛkyerɛ ne Apam 46:8–9, 26, kyerɛ sɛ ɛyɛ sɛnti a Ɔsoro Agya ma yɛn honhom mu akyɛdeɛ? Sɛn na yɛbɛtumi de yɛn akyɛdeɛ aboa afoforɔ?
Mɛtumi atwerɛ m’abakɔsɛm ato hɔ.
-
Ma wo mma nhunu deɛ na Awurade pɛ sɛ John Whitmer yɛ wɔ Nkyerɛkyerɛ ne Apam 47:1, 3. Mobɛtumi nso ne mo ho akyekyɛ abasɛm a mo ani gye ho wɔ twerɛnsɛm mu. Kyerɛ sɛ yɛnim saa abasɛm yeinom ɛfiri sɛ obi twerɛ too hɔ.
-
Dwene sɛdeɛ wobɛtumi ahyɛ wo mma nkuran ma wɔatwerɛ wɔn ankasa abakɔsɛm ato hɔ. Wobɛtumi akyɛ biribi afiri wo nsɛmma nwoma mu anaasɛ abasɛm bi a ɛfa wo nana bi ho (hwɛ FamilySearch.org anaasɛ nkaakaeɛ afidie). Wobɛtumi ama nsɛmma nwoma nkaeɛ bi, te sɛ “Deɛn na ɛsii wɔ nnawɔtwe yi mu a wobɛpɛ sɛ wo nananom bɛhunu?” anaasɛ “Sɛn na wohunuu Awurade nsa wɔ w’abrabɔ mu wɔ nnawɔtwe yi?” Nkwadaa nketewa bɛtumi ayɛ wɔn suahunu ho mfonin, anaasɛ wobɛtumi atwetrɛ wɔn abasɛm berɛ a wɔreka. Nhyira bɛn na ɛba firi “abakɔsɛm a wɔtaa twerɛ mu”? (Nkyerɛkyerɛ ne Apam 47:1).
Mɛtumi aboa afoforɔ berɛ a mekyɛ deɛ wɔde ama me.
-
Berɛ a wo ne wo mma kenkan Nkyerɛkyerɛ ne Apam 48:2-3 no, wobɛtumi akyerɛkyerɛ mu sɛ na nkorɔfoɔ firi Ohio reba Apueɛ, a na wɔnni baabi a wɔbɛtena. Deɛn na Awurade maa Ahotefoɔ no yɛɛe de boaae? Boa wo mma ma wɔnnwene nneɛma a Onyankopɔn de ama wɔn a wɔbɛtumi ne afoforɔ akyɛ ho. Wobɛtumi nso ne wɔn ato dwom bi te sɛ “‘Give,’ Said the Little Stream” (Nkwadaa Nwomnwoma, 236).
Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.
Yɛma obiara a ɔpɛ sɛ ɔsom Agyenkwa no akwaaba ba N’Ahotefoɔ nhyiamu mu.