Kɔtɔnima 19–25: “Deɛ Ɛfiri Onyankopɔn Yɛ Hann”

Nkyerɛkyerɛ ne Apam 49–50

Agyenkwa no yɛ “odwanhwɛfoɔ pa” (Nkyerɛkyerɛ ne Apam 50:44). Ɔnim sɛ ɛtɔ da a nnwan yera na nneɛma a ɛyɛ hu bebree wɔ ɛserɛ so. Enti Ɔde ɔdɔ di yɛn anim kɔ Ne nkyerɛkyerɛ banbɔ mu. Ɔdi yɛn anim firi nneɛma a ɛyɛ hu ho te sɛ “atorɔ ahonhom, a wɔapete wɔ asase so, redaadaa wiase” (Nkyerɛkyerɛ ne Apam 50:2). Woredi N’akyi taa kyerɛ sɛ woregyae nsusuiɛ anaa amammerɛ a ɛnyɛ papa mu. Na yei yɛ nokorɛ ma Leman Copley ne afoforɔ wɔ Ohio. Na wɔagye asɛmpa a asan aba no nanso na wɔgu so kuta gyedie binom a na ɛnyɛ papa mu. Wɔ Nkyerɛkyerɛ ne Apam 49, Awurade daa nokorɛ adi a ɛsiesiee gyedie a na Leman wɔ fa tinsɛm te sɛ awareɛ ne Agyenkwa no Mmaeɛ a ɛtɔ so Mmienu no ho. Na berɛ a Ohio ahonufoɔ no “gyee ahonhom a na [wɔn] ntumi nte aseɛ no,” Awurade kyerɛɛ wɔn sɛdeɛ wɔbɛhunu Honhom no nokorɛ adiyie(Nkyerɛkyerɛ ne Apam 50:15). Odwanhwɛfoɔ Pa no wɔ aboterɛ ma yɛn, Ne “nkwadaa nketewa,” a “ɛsɛ sɛ yɛnyini wɔ adom mu ne nokorɛ no nimdeɛ mu” (Nkyerɛkyerɛ ne Apam 50:40).

Nsusuiɛ ma Adesua wɔ Efie ne Asɔre

Nkyerɛkyerɛ ne Apam 49; 50:24

Yesu Kristo pɛ sɛ megye Ne nokorɛ asɛmpa no to mu.

Ansa na Lemon Copley rebɛka Asɔre no ho no, na ɔka nyamesom kuo bi a wɔfrɛ no Agyidifoɔ Nkabom Kuo wɔ Kristo ho Adiyie a ɛtɔ so Mmienu, a wɔsan frɛ no Shakers ho. Joseph Smith ne Lemon dii nkutaho akyire no, ɔhwehwɛɛ nkyerɛmu firii Awurade hɔ fa Shakersfoɔ no nkyerɛkyerɛ binom ho. Awurade maa no mmuaeɛ wɔ adiyisɛm a ɛwɔ ɔfa 49. Wɔka Shakersfoɔ no gyidie binom wɔ ɔfa no tiasɛm mu.

Deɛn na Awurade kyerɛkyerɛɛ wɔ ɔfa 49 de siesie Shakersfoɔ no gyidie no? Adanseɛ bɛn na wohunu wɔ saa adiyisɛm yi mu fa Ne dɔ ne tema ma nnipa a wɔnni Ne nokorɛ no mahyɛ ho? Sɛn na wobɛtumi de ɔdɔ ne tema aboa wɔn?

Deɛn na ɛsɔ w’ani fa deɛ Awurade ka ho wɔ nkyekyɛmu 2? Wobɛtumi de yei atoto deɛ ɛsi berɛ a wohwɛ sini bi fa bi, hunu aborɔme bi fa baako, anaasɛ te akyinnyeɛ bi fa baako pɛ ho. Sɛn na Awurade kɔkɔbɔ no sɛ Nkyerɛkyerɛ ne Apam 50:24? Dwene deɛ woreyɛ de agye hann pii afiri Awurade hɔ ho.

San hwɛ “Leman Copley ne Shakersfoɔ,” wɔ Adiyisɛm wɔ Nteaseɛ mu, 117–21.

Nkyerɛkyerɛ ne Apam 49:15–17

Ɔbarima ne ɔbaa awareɛ ho hia ma Onyankopɔn nhyehyɛeɛ.

Ɔbonsam pɛ sɛ ɔbu Ɔsoro Agya nhyehyɛeɛ abomfiaa nti, ɔhwehwɛ sɛ ɔde basabasayɛ ba awareɛ ho. Nanso, Awurade kɔ so ara fa Ne nkɔmhyɛfoɔ so da awareɛ ho nokorɛ adi. Wobɛtumi ahunu saa nokorɛ yi bi wɔ Nkyerɛkyerɛ ne Apam 49:15–17; Gyenesis 2:20–24; 1 Korintofoɔ 11:11; ne “Abusua: Dawurubɔ ma Wiase.” Yɛ nokorɛ a wohunu no mmoano. Aden nti na awareɛ ho hia yie ma Onyankopɔn nhyehyɛeɛ?

Elder Ulisses Soares kyerɛkyerɛɛ sɛ “Yesu Kristo asɛmpa a wɔasan de ama no pae mu ka ntɔntɔdie a ɛwɔ ɔbarima ne ɔbaa ntam, honam asetena mu ne ɛnniawieɛ nyinaa mu” (“In Partnership with the Lord,” Liahona, Obubuo 2022, 42). Wobɛtumi asua ne nkrasɛm, ahwehwɛ nnyinasoɔ “a ɛhyɛ ntɔntɔdie a ɛwɔ ɔbarima ne ɔbaa ntam den.” Sɛn na wobɛtumi de saa nnyinasosɛm yi ayɛ adwuma wɔ w’abrabɔ mu? Sɛ obi a ɔwɔ gyedie foforɔ mu bisa wo deɛ nti a awareɛ ho hia a, sɛn na wobɛyi ano? Aden nti na w’ani sɔ saa nteaseɛ yi?

San hwɛ Tinsɛm ne Nsɛmmisa, “Awareɛ,” “Abusua,” Asɛmpa nwoma Akoraeɛ; David A. Bednar, “Awareɛ Ho Hia ma Ne Ɛnniawieɛ Nhyehyɛeɛ,” Ensign, Ayɛwohomummɔ 2006, 83–84; “Renaissance of Marriage” (sini), Asɛmpa nwoma Akoraeɛ.

Renaissance of Marriage

Hear what President Eyring says we all must do to have a renaissance of happy marriages and productive families.

Yɛ ahwɛyie ma ankorankoro tebea. Berɛ a awareɛ ne abusua asetena mu anigyeɛ na ɛyɛ adepa wɔ Yesu Kristo asɛmpa no mu no, yɛnnya saa nhyira yi ho anigyeɛ nyinaa berɛ a yɛwɔ honam asetena mu. Sɛ moresusu saa tiasɛm yi ho a, yɛ ahwɛyie wɔ ankorankoro ne abusua tebea ahodoɔ ho, nkanka ne nkorɔfoɔ a “wɔde aboterɛ retwɛn Awurade” ama wɔn daapem bɔhyɛ aba mu (hwɛ Nkyerɛkyerɛ ne Apam 98:1–3).

Nkyerɛkyerɛ ne Apam 50

Awurade nkyerɛkyerɛ bɛtumi abɔ me ho ban afiri Ɔbonsam nnaadaa ho.

Na Asɔremma afoforɔ a wɔwɔ Ohio ayɛ krado sɛ wɔgye honhom mu adiyie a wɔahyɛ ho bɔ wɔ twerɛnsɛm mu no. Nanso, na Ɔbonsam ayɛ krado sɛ ɔbɛdaadaa wɔn. Sɛ wɔka sɛ boa saa asɔremma yi ma wɔnte sɛdeɛ wɔbɛhunu Sunsum Kronkron no nokorɛ adiyie ase a, nnyinasoɔ bɛn na ɛwɔ Nkyerɛkyerɛ ne Apam 50 a anka wobɛkyɛ? (hwɛ nkanka nkyekyɛmu 22–25, 29–34, 40–46). Sɛn na Agyenkwa no aboa wo ma woahunu nsonoeɛ a ɛda nokorɛ ne mfomsoɔ ntam?

San hwɛ 1 Korintofoɔ 14:1–28; 2 Timoteo 3:13–17.

Nkyerɛkyerɛ ne Apam 50:13–24

Honhom no kyerɛkyerɛ akyerɛkyerɛfoɔ ne asuafoɔ bom.

Mode Yesu Kristo asɛmpa no rebɔ bra ma akwanya bebree sɛ mobɛyɛ akyerɛkyerɛfoɔ ne asuafoɔ, wɔ efie ne Asɔre nyinaa. Ɛkwan baako a wobɛtumi de asua Nkyerɛkyerɛ ne Apam 50:13–24 ne sɛ wobɛyɛ ɔkyerɛkyerɛni ne osuani mfonin. Yɛ nsɛmfua ne kasasin mmoano firi saa nkyekyɛmu yi mu a ɛkyerɛkyerɛ wo biribi fa asɛmpa adesua ne adekyerɛ ho bɛn wɔn mu biara. Berɛ bɛn na woanya suahunu a ɛkyerɛkyerɛɛ wo sɛdeɛ Honhom no ho hia wɔ adekyerɛ ne adesua mu? Dwene deɛ wobɛtumi ayɛ a ɛbɛma woatu mpɔn wɔ wo mmɔdemmɔ mu sɛ asɛmpa suani ne kyerɛkyerɛni ho.

Nkyerɛkyerɛ ne Apam 50:23–25

“Deɛ ɛfiri Onyankopɔn yɛ hann.”

Berɛ a wosusu Agyenkwa no nsɛm ho wɔ Nkyerɛne Apam 50:23–25, dwene sɛdeɛ wogye Onyankopɔn hann wɔ w’abrabɔ mu ne sɛdeɛ wo “pam esum” firi hɔ ho. Nhwɛsoɔ, sɛn na saa nkyekyɛmu yi kyerɛ wo kwan wɔ deɛ wo yi ho fa sɛdeɛ wode wo berɛ di dwuma ho? anigyedeɛ anaa amanebɔ bɛn na wohwehwɛ? nkɔmmɔdie bɛn na ɛwɔ sɛ wode wo ho hyɛ mu? Gyinaesie afoforɔ bɛn na saa nkyekyɛmu yi boa wo wɔ mu? Dwom te sɛ “Awurade Ne Me Hann” (Nnwom, ɛtɔ so 89) bɛtumi akanya adwene foforɔ.

San hwɛ “Nante Onyankopɔn hann mu,” De ma Mmabunu Ahoɔden: Woreyi Ɔpɛ ho Akwankyerɛ, 16–21.

Nkwadaa Adekyerɛ ho Adekyerɛ

Nkyerɛkyerɛ ne Apam 49:12–14

Mɛtumi adi Yesu Kristo akyi.

• Sɛdeɛ wobɛkyerɛ wo nkwadaa nnyinasonsɛm a ɛwɔ saa nkyekyɛmu yi mu no, wobɛtumi ayɛ ɛnan ase nan wɔ nkrataa so ne mfonin nan a ɛgyina hɔ ma gyedie wɔ Yesu Kristo mu, adwensakyera, asubɔ, ne Sunsum Kronkron no gyeɛ (hwɛ mfonin a ɛwɔ nnawɔtwe yi dwumadie krataafa). Wo nkwadaa bɛtumi de ɛnan ase no agu fam na wɔde mfonin no atoto wɔn nkyɛn. Afei wɔbɛtumi anante ɛnan ase no so baako baako berɛ a wokenkan Nkyerɛkyerɛ ne Apam 49:12–14. Boa ma wɔnte aseɛ sɛ sɛ yɛyɛ nneɛma a ɛwowɔ saa mfonin yi mu a, na yɛredi Yesu Kristo akyi.

• Wobɛtumi nso ama wo nkwadaa de Nkyerɛkyerɛ ne Apam 49:12–14 atoto Asomafoɔ Nnwuma 2:38 ɛne gyidikasɛm nan no. Asesɛsɛm bɛn na wɔhunu? Adɛn nti na saa nokorɛ yeinom ho hia?

Nkyerɛkyerɛ ne Apam 49:15–17

Ɔbarima ne ɔbaa awareɛ ho hia ma Onyankopɔn nhyehyɛeɛ.

• Sɛ wode saa nkyekyɛmu yi rekyerɛ a, wobɛtumi akyerɛ mu sɛ na Shakersfoɔ no yɛ nyamesom kuo a na wɔgye di sɛ ɛnni sɛ nnipa ware (hwɛ ɔfa tiasɛm ma Nkyerɛkyerɛ ne Apam 49). Ma wo nkwadaa nhwehwɛ nneɛma a Awurade kyerɛkyerɛ faa awareɛ ho wɔ Nkyerɛkyerɛ ne Apam 49:15–17. Deɛn ne asekyerɛ ma “Onyankopɔn ahyira awareɛ so”? Ebia mobɛtumi akenkan kasapɛn mmiɛnsa a ɛdi kan no abɔ mu wɔ “Abusua: Dawurubɔ ma Wiase.” Afei monkasa mfa deɛ nti a awareɛ ne abusua ho hia Ɔsoro Agya.

Nkyerɛkyerɛ ne Apam 50:23–25

“Deɛ ɛfiri Onyankopɔn yɛ hann.”

• Sɛ woredi ka akyerɛ Nkyerɛkyerɛ ne Apam 50:23–25, wo ne wo nkwadaa nkasa mfa nsonoeɛ a ɛwɔ hann ne esum ntam. Adɛn nti na yɛhia hann? Mobɛtumi akenkan kasapɛn a ɛdi kan no abɔ mu wɔ “Nante wɔ Onyankopɔn hann mu” wɔ De ma Mmabunu Ahoɔden: Woreyi Ɔpɛ ho Akwankyerɛ (krataafa 17) ɛne Nkyerɛkyerɛ ne Apam 50:23–25. Monkasa mfa akwana yɛfa so gye Onyankopɔn hann ne akwan a yɛfa so pam esum firi hɔ ho. Afei mobɛtumi abɔ mu ato dwom bi afa wɔn honhom mu hann ho, te sɛ “Shine On” (Nkwadaa Nnwomnwoma, 144).

Nkyerɛkyerɛ ne Apam 50:40–46

Yesu Kristo yɛ me Dwanhwɛfoɔ Pa.

• Mokenkan Nkyerɛkyerɛ ne Apam 50:40–46 bɔ mu wie a, wobɛtumi de Agyenkwa no mfonin akyerɛ wɔ saa nhyehyɛeɛ yi akyi na woabisa nsɛm bi te sɛ: Atenka bɛn na odwanhwɛfoɔ nya ma Ne nnwan? Sɛn na Agyenkwa no yɛ odwanhwɛfoɔ ma yɛn?

Sɛ wopɛ nsusuiɛ bebree a, hwɛ bosome yi Adamfoɔ nsɛmma nwoma mu.

Gentle Shepherd, ɛfiri Yongsung Kim hɔ